Mikiya 2:2 - BIBELE Mahungu Lamanene

² Vanhu lava, loko va navela masimu kumbe tindlu, vo tekela van'wana hi nkanu. Va xanisa munhu ni ndyangu wa yena, va n'wi tekela leswi nga ndzhaka ya yena.

Xitsonga (Bibele)

² Va rhandza ku titekela masimu ni tindlu; kutani va pfukela wanuna ni yindlu ya yena, ni munhu la nga ni ndzhaka ya yena.

Mikiya 2:2 Referans Kwoze

Esaya 5:8

Mi ni khombo n'wina mi lavaka ku longoloxela tindlu, n'wina mi tshamaka mi ri karhi mi engetelela masimu, mi teketela tindhawu hinkwato ti va ta n'wina, mi endlela ku tshama mi ri n'wexe etikweni.

Amosi 8:4

Yingisani mhaka leyi, n'wina lava mi kandziyelaka swisiwana ehansi, n'wina mi herisaka vapfumari etikweni:

Yeremiya 22:17

Kasi wena u langutela ni ku anakanya ntsena ku tikumela rifuwo; u fuma vanhu hi tihanyi, u va xanisa, u dlaya lava nga riki na nandzu.”

Ezekiele 18:12

a xanisa swisiwana ni vapfumari, a va tekela swilo swa vona; a nga va tlheriseli swilo leswi va n'wi tameriseke swona ku khomela nandzu wa mali, a endla swa manyala hi ku khongela swikwembu swa hava;

1 Timotiya 6:10

Hikuva ku rhandza ngopfu mali i rimitsu ra leswo biha hinkwaswo; hi yo mhaka ya ku navela mali ngopfu leyi yi nga hambukisa van'wana, va tshika vupfumeri, kutani timbilu ta vona ti ngheniwa hi mivilelo leyo tala.

Matewu 23:13

“Mi ni khombo n'wina vatsari ni Vafarisi, hikuva mi vakanganyisi: Mi alela vanhu ku nghena eMfun'weni wa matilo. N'wina a mi ngheni eka wona, naswona lava ringetaka ku nghena ma va sivela. [

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Mikiya 3:9

N'wina mi rhangelaka va ka Yakobo, yingisani, ndzi vula n'wina mi fumaka Vaisraele: Mi venga leswi lulameke, mi gombonyokisa hinkwaswo leswi swi nga swona,

Ezekiele 22:12

Exikarhi ka vanhu va wena, ku ni lava nyikiwaka mali leswaku va ya dlaya warikwavo. Loko u lombisa mali, u lava ntswalo wa yona, u bindzula ha yona; u kanganyisa varikwenu, u va tekela swa vona, kambe mina wa ndzi rivala! Ndzi vula sweswo mina HOSI.

2 TIHOSI 9:26

Xi te: ‘Hakunene, ndza ha ku yi vona ngati ya Naboto ni ngati ya vana va yena, ku vula mina HOSI Xikwembu. Hikokwalaho ndzi ta endla leswaku u yi riha emasin'wini walawo, ku vula mina HOSI Xikwembu.’ Sweswi ke, tlakula Yoramu, u n'wi cukumeta kwala masin'wini, hilaha HOSI Xikwembu xi leriseke hakona.”

Eksoda 20:17

“U nga tshuki u navela yindlu ya munhu-kuloni, hambi a ri nsati wa yena, u nga n'wi naveli; ni nandza wa yena wa xinuna kumbe wa xisati, ni homu ya yena, ni mbhongolo ya yena, kumbe xilo xihi ni xihi lexi nga xa yena, u nga tshuki u xi navela.”

Ntirho 31:38

“Loko nsimu ya mina yi vilela hi maendlele ya mina, ni loko misava ya kona yi tala hi mihloti,

1 TIHOSI 21:1

Endzhaku ka timhaka teto, ku humelela leswi: Emutini wa le Yizriele, a ku ri ni wanuna la vuriwaka Naboto, loyi nsimu ya yena ya vhinya a yi vandzakanile ni tindlu ta Akabu hosi ya le Samariya.

Ezekiele 8:17

Kutani Xikwembu xi ku ka mina: “We Ezekiele, xana u swi vonile swilo leswi xana? Va ku Yuda a va kolwi hi manyala lawa va ma endlaka kwale, kambe va ha endla swin'wana swa tihanyi etikweni hinkwaro, va ndzi hlundzukisa ha swona ku tlula mpimo, naswona va ndzi pfuka hi ku hunga-hungisa switluka etinhompfini ta vona kukota vamatiko.

Ezekiele 22:13

“Wena Yerusalema, u ndzi hlundzukisa ngopfu hi ndlela leyo biha leyi u bindzurisaka mali ya wena ha yona, ni ndlela leyi u dlayaka varikwenu ha yona.

Ezekiele 33:26

Ma ha tshemba ngopfu matlhari, mi endla swilo swa manyala, un'wana ni un'wana a etlela ni nsati wa muakelani. Xana mi nga ri kumisa ku yini tiko leri, ri va ra n'wina xana?’

Ezekiele 46:18

Loko mufumi wa tiko a lava ku nyika vana va yena emasimu, ú ta va avela lawa ya nga ya yena; a nga ka a nga tekeli vanhu va mina emasimu ya vona, a nyika vana vakwe!”

Amosi 2:7

Va tsakela ngopfu ku kandziyela swisiwana ehansi, va gombonyokisa timhaka ta vapfumari; tatana ni jaha ra yena va yela nhwanyana un'we, va endlela ku nyamisa vito ra mina lero hlawuleka.

Mikiya 6:12

Van'wankumi va muti lowu va tele tihanyi, vaaki va wona vo dzumbela ku hembelana ni ku kanganyisana.

Esaya 3:14

HOSI Xikwembu xi boxa nandzu wa varhangeri ni vakulukumba va tiko ra xona, xi ri: “Hi n'wina mi onheke nsimu ya mina ya vhinya, mi tate tindlu ta n'wina hi leswi mi swi phangheke eka swisiwana.

Ezekiele 45:9

HOSI N'wini wa hinkwaswo ú vurisa sweswo ú ri: “Mi dyohile ku ringana n'wina tihosi ta Israele! Tshikani ku xanisa vanhu ni ku va tshikelela. Endlani leswi lulameke ntsena, mi nga ha tekeli vanhu va mina emasimu ya vona.

Amosi 4:1

“Yingisani mhaka leyi, n'wina tihomu ta mantswele ta Baxani, leti dyelaka eswitsungeni swa Samariya, n'wina mi xanisaka swisiwana, mi tshikelelaka vapfumari, n'wina mi byelaka vanuna va n'wina, mi ku: ‘Hi keleni, hi nwa!’