Mikiya 2:13 - BIBELE Mahungu Lamanene

¹³ Murhangeri wa vona ú ta mbundzumuxa makhumbi emahlweni ka vona, nyangwa ya muti, va ta yi wisela ehansi, va hundza va famba. Mufumi wa vona, xona HOSI Xikwembu, xi ta famba na vona xi va rhangerile emahlweni.

Xitsonga (Bibele)

¹³ Muboxi wa ndlela u ta rhanga emahlweni; va ta boxa, va nghena hi nyangwa, va tlhela va huma hi yona; hosi ya vona yi ta rhanga emahlweni, yena Yehovha a va rhangela.

Mikiya 2:13 Referans Kwoze

Esaya 52:12

Loko mi huma, a mi nga humi hi xihatla, a mi nga tsutsumi, hikuva HOSI Xikwembu hi xona xi nga ta mi rhangela emahlweni, mi ta sirheleriwa matlhelo hinkwawo hi Xikwembu xa Israele.

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi, ni Mufumi wa vafumi; ni malandza ya xona lama vitaniweke, lama hlawuriweke ni lama tshembekaka, xi ta ma nyika ku hlula.”

Nhlavutelo 7:17

hikuva Xinyimpfana lexi nge xiluvelweni xi ta va murisi wa vona; xi ta va yisa eswihlobyeni swa mati ya vutomi, kutani Xikwembu xi ta sula mihloti hinkwayo emahlweni ya vona.”

Vaheveru 6:20

Yesu ú nghenile kona ku va murhangeri hikwalaho ka hina, yena la vekiweke Muprista Lonkulu hilaha ku nga heriki, hileswi a nga wa rixaka rin'we na Melkisedeke.

Zakariya 10:12

Kambe vanhu va mina ndzi ta va tiyisa, va ta hanya hi ndlela leyi yi ndzi tsakisaka. Ndzi vurisa sweswo mina HOSI.”

Hosiya 1:11

Kutani vanhu va tiko ra Yuda ni va tiko ra Israele va ta hlengeletana, va tihlawulela murhangeri un'we; kutani va ta kula va ndlandlamuka, hikuva ri ta va lerikulu siku ra Yizriele.

Daniele 2:44

“Eminkarhini ya tihosi leti, Xikwembu xa le matilweni xi ta simeka mfumo lowu wu nga ta ka wu nga wisi hi munhu, naswona vuhosi bya wona a byi nga nyikiwi vanhu van'wana. Mfumo lowu wu ta wisetela mimfumo leyin'wana hinkwayo, wu yi herisela makumu; kutani wona wu ta va kona hilaha ku nga heriki.

Esaya 55:4

Ndzi vekile Davhida ku va mbhoni ya mina exikarhi ka vanhu van'wana, a va mufumi ni mulawuri wa vona.

Esaya 42:7

U ta pfula mahlo ya lava nga voniki, lava pfaleriweke ekhotsweni, u ta va humesa; u ta va susa exinyamini lexi va tshamaka eka xona.

Hosiya 13:14

Xana ndzi nga va kutsula ematimbeni ya xivandla xa vafi xana? Xana ndzi nga va ponisa eka rifu xana? We rifu, mintungu ya wena yi kwihi, we xivandla xa vafi, ndzhombo wa wena wu kwihi ke? Sweswi a ndza ha ri na ku twela vusiwana.

Hosiya 3:5

Kambe nkarhi wu ta fika, lowu vanhu va tiko ra Israele va nga ta hundzuka va lava HOSI Xikwembu xa vona, na Davhida hosi ya vona. Kutani va ta ta eka HOSI Xikwembu hi ku rhurhumela, va amukela tinyiko ta xona letinene.

Esaya 51:12

HOSI Xikwembu xi ri: “Mina hi xiviri, hi mina ndzi mi tiyisaka, kutani hikwalaho ka yini mi chava munhu, loyi a ngo va xivumbiwa lexi faka, lexi nga hambanangiki ni byanyi, xana?

Mikiya 2:12

“N'wina va ka Yakobo, ndzi ta tlhela ndzi mi hlengeleta hinkwenu, ndzi vula n'wina masalela ya Vaisraele; ndzi ta mi vuyisa endhawini yin'we ku fana ni tinyimpfu etshangeni, mi ta fana ni ntlhambi emadyelweni ya wona, etikweni ra n'wina ku ta twala huwa ya vanhu lavo tala.”

Mikiya 3:1

N'wina mi rhangelaka va ka Yakobo, yingisani, ndzi vula n'wina mi fumaka Vaisraele: Xana a hi n'wina mi fanelaka ku tiva leswo lulama xana?

Eksoda 14:19

Kutani ntsumi ya Xikwembu leyi a yi rhangela mintshungu ya Vaisraele, yi suka yi ya endzhaku ka vona. Na rona papa leri a ri nembelela emahlweni ka vona ri suka ri ya yima hi le ndzhaku ka vona,

Yoxuwa 3:6

Yoxuwa a byela ni vaprista a ku: “Rhwalani Areka ya Ntwanano, mi rhangela Vaisraele emahlweni.” Kutani Vaprista va rhwala Areka ya Ntwanano va famba emahlweni ka Vaisraele.

Hosiya 2:2

“Khongotelani mana wa n'wina, hikuva a nga ha ri nsati wa mina, na mina a ndza ha ri nuna wa yena; n'wi khongoteleni leswaku a hambana ni vunghwavava, a tshika ni timhaka ta vugangu;

Mikiya 4:7

Lava lamaleke, va ta va masalela ya mina, lava hlongoriweke, ndzi ta va endla rixaka ra matimba; kutani mina HOSI ndzi ta va mufumi wa vona entshaveni ya Siyoni, ku sukela sweswi ni hilaha ku nga heriki.