Mikiya 2:12 - BIBELE Mahungu Lamanene

¹² “N'wina va ka Yakobo, ndzi ta tlhela ndzi mi hlengeleta hinkwenu, ndzi vula n'wina masalela ya Vaisraele; ndzi ta mi vuyisa endhawini yin'we ku fana ni tinyimpfu etshangeni, mi ta fana ni ntlhambi emadyelweni ya wona, etikweni ra n'wina ku ta twala huwa ya vanhu lavo tala.”

Xitsonga (Bibele)

¹² Ndzi ta ku hlengeleta ni lava seleke Vaisraele; ndzi va veka kun'we kukotisa tinyimpfu etshangeni, ni ntlhambi lowu nga emadyelweni wu va mpfumawulo wa vanhu lavo tala.

Mikiya 2:12 Referans Kwoze

Ezekiele 36:37

HOSI Xikwembu xi vurisa sweswo xi ri: “Ndzi ta tlhela ndzi pfumelela Vaisraele ku ndzi khongela va kombela ku pfuniwa, kutani ndzi ta hlamula hi ku va andzisa kukota ntlhambi wa swifuwo.

Mikiya 7:18

We HOSI, xana xi kona xikwembu xin'wana lexi fanaka na wena xana? Vanhu lava nga masalela ya ndzhaka ya wena, wa va rivalela milandzu ya vona, a wu hlayeli leswaku va tiarise kangani. Loko u hlundzukile, vukari bya wena byi hatla byi rhelela, hikuva u tsakela ngopfu ku hi komba tintswalo ta wena leto tshembeka.

Mikiya 7:14

We HOSI, hi vanhu va wena, hi rise, u hi sirhelela hi nhonga ya wena. Hi tshama hi ri hexe exihlahleni, hi rhendzeriwile hi mitanga ya van'wana; hi yise emadyelweni ya Baxani na Giliyadi, ku fana ni le minkarhini ya khale.

Mikiya 5:7

Hinkwavo lava nga masalela ya va ka Yakobo, vona lava rhendzeriweke hi vanhu va matiko layo tala, va ta fana ni mberha leyi humaka eka HOSI Xikwembu, kumbe swimpfulana leswi hlukisaka byanyi, swi nga lerisiwanga hi munhu, leswi swi ngo tinela swi nga komberiwanga hi munhu.

Amosi 1:12

Hikokwalaho ndzi ta rhumela ndzilo emutini wa Temani, wu ta herisa ni tindlu ta vuhosi ta le Bosira.”

Hosiya 1:11

Kutani vanhu va tiko ra Yuda ni va tiko ra Israele va ta hlengeletana, va tihlawulela murhangeri un'we; kutani va ta kula va ndlandlamuka, hikuva ri ta va lerikulu siku ra Yizriele.

Ezekiele 37:21

kutani u va byela leswaku mina HOSI N'wini wa hinkwaswo ndzi ri, ndzi ta hlengeleta Vaisraele va huma ematikweni hinkwawo lawa va hangalasiweke va ya eka wona, ndzi va vuyisa etikweni ra vona.

Ezekiele 34:31

“Hakunene hi n'wina Vaisraele mi nga ntlhambi wa mina ni vanhu lava ndzi va risaka, kutani mina ndzi Xikwembu xa n'wina. Ndzi vula sweswo mina HOSI N'wini wa hinkwaswo.”

Ezekiele 34:22

Kambe mina ndzi ta ponisa ntlhambi wa mina va nga Vaisraele; a va nga ha hlaseriwi hi van'wana, kutani mina ndzi ta avanyisa timhaka ta vona hi ku lulama.

Ezekiele 34:11

“Mina HOSI N'wini wa hinkwaswo ndzi vurisa sweswo ndzi ri: Yingisani! Mina hi ndzexe ndzi ta landza tinyimpfu ta mina ndzi vuya na tona.

Yeremiya 23:3

Kutani masalela ya vanhu va mina, ndzi ta ma hlengeleta hi ndzexe. Va ta huma ematikweni hinkwawo lawa ndzi va hlongoleke va ya eka wona, kutani ndzi ta va vuyisa etikweni ra vona, laha va nga ta tshamiseka, va kuma vana lavo tala.

Esaya 34:6

Fumu ra HOSI Xikwembu ri ta xurha hi ngati, ri ntonta ni mafurha, wonge ri lo tlhava tinyimpfu ni timbuti, ri endla magandzelo hi ngati ni mafurha ya kona. HOSI Xikwembu xi lava ku endla magandzelo eBosira, xi dlayetela vanhu etikweni ra Edomu.

Esaya 27:12

Enkarhini wolowo, n'wina Vaisraele, HOSI Xikwembu xi ta mi hlengeleta hinkwenu, ku sukela enambyeni wa Yufrata ku ya fika endzilekaneni wa Egipta; swi ta fana ni loko va hula koroni, va hlengeleta tindzhoho ta yona.

Esaya 11:11

Eminkarhini yoleyo, N'wini wa hinkwaswo ú ta tlhela a tlakusa voko ra yena, a vuyisa masalela ya vanhu va yena lava nga ta va va ha ri le Asiriya, ni le Egipta, ni le Patroso, ni le Etiyopiya, ni le Elamu, ni le Xinara, ni le Hamata, ni le swihlaleni.

Yeremiya 3:18

Emasikwini ya kona, vanhu va Yuda ni vanhu va Israele va ta vuya swin'we va huma ematikweni ya le n'walungwini, va vuyela etikweni leri ndzi ri nyikeke vatata wa vona leswaku ri va ra vona.”

Genesa 36:33

Loko Bela a fa, Yobabu n'wana Zera wa le Bosira, a sala a fuma.

Esaya 5:17

Kutani swinyimpfana swi ta dya emutini wa Yerusalema wonge hi le madyelweni ya swona, marhumbi ma ta hundzuka madyelo ya swimbutana leswi noneke.

Mikiya 2:13

Murhangeri wa vona ú ta mbundzumuxa makhumbi emahlweni ka vona, nyangwa ya muti, va ta yi wisela ehansi, va hundza va famba. Mufumi wa vona, xona HOSI Xikwembu, xi ta famba na vona xi va rhangerile emahlweni.

Mikiya 4:8

We xihondzo-xa-ntlhambi, xintshabyana xa Siyoni, u ta kuma leswi nga swa wena, byi nga vukosi lebyi a wu ri na byona khale; we Yerusalema, u ta tlhela u va ntsindza.”

Mikiya 5:8

Va ka Yakobo lava saleke exikarhi ka vamatiko, va rhendzeriwa hi vanhu lavo tala, va ta fana ni nghala exikarhi ka swiharhi swa nhova, kumbe n'wana wa nghala entlhambini wa tinyimpfu; laha va taka ha kona, va ta bvanyangeta ni ku phatlulela, ku ri hava munhu loyi a va sivelaka.

1 TIKRONIKA 1:44

Loko Bela a fa, Yobabu n'wana Zera wa le Bosira a sala a fuma.

Ezekiele 34:13

Ndzi ta tlhela ndzi ti hlengeleta, ndzi ti humesa ematikweni lawa hinkwawo, kutani ndzi ta ti vuyisa etikweni ra tona ra xiviri. Ndzi ta ti khayima ti ya dya etintshaveni ta Israele laha ku nga na mati, ti nga ha tshami emananga.

Sofoniya 3:20

Enkarhini wolowo, ndzi ta mi hlengeleta, ndzi mi tlherisela ekaya; ndzi ta endla leswaku vanhu va misava hinkwayo va mi kurisa ni ku mi dzunisa, ndzi tlhela ndzi mi katekisa mi ri karhi mi swi vona. Ndzi vurisa sweswo, mina HOSI!”