Mikiya 1:8 - BIBELE Mahungu Lamanene

⁸ Kutani Mikiya a ku: “Hikokwalaho ka leswi, ndzi ta rila ndzi kolola, ndzi ta hluvula ndzi famba ntsena; ndzi ta vovola ku fana ni hlolwa, ndzi rila kukota yimbhu.

Xitsonga (Bibele)

⁸ Hikwalaho, ndzi ta rila, ndzi kolola; ndzi ta famba ndzi nga ambalanga; ndzi rila kukotisa mhungubye, ndzi rila kukotisa yimbhu.

Mikiya 1:8 Referans Kwoze

Esaya 22:4

Hikokwalaho, ndzi kombela leswaku mi nga ndzi languti, ndzi tshikeni ndzi rila hi xiviti, va ka hina va herile, mi nga tikarhati hi ku ndzi khongotela.

Yeremiya 9:19

Ku twala huwa ya nkosi eSiyoni leyi nge: “Hi dlawile! Hakunene hi khomiwe hi tingana; hi fanele ku sukela tiko ra hina, hikuva valala va wisile tindlu ta hina.”

Yeremiya 9:10

Ndzi ta tlhava mukhosi ndzi rilela tintshava, ndzi rilela ni madyelo ya swifuwo hikuva ma tshwile, a ka ha hundzi munhu hi le ka wona, ni ku rila ka tihomu a ka ha twali eka wona; tinyanyana ni swiharhi swi tsutsumile hinkwaswo.

Yeremiya 9:1

Loko ingi nhloko ya mina yi nga tala mati, ni mahlo ya mina ma nga va xihlovo xa mihloti: Vusiku ni nhlekanhi a ndzi ta tlhava mukhosi, ndzi rila vanhu va ka hina lava dlayiweke.

Yeremiya 4:19

Ndza tshwa, ndza tshwa! Ndzi twa ku vava! Mbilu ya mina a yi na ku rhula, ya ba hi ku hatlisa, ndzi tsandzeka ku yi miyeta, hikuva ndzi twa mhalamhala, ni mpfumawulo wa tinyimpi.

Esaya 21:3

Timhaka leti ti ndzi hete matimba, ti ndzi vangele switlhavi, wonge ndzo va wansati loyi a lavaka ku tintshunxa; a ndza ha koti ku ololoka, ni ku twa a ndza ha twi, swi ndzi tshukise ngopfu, lero a ndza ha koti na ku vona nchumu.

Esaya 16:9

Mirhi ya vhinya ya le Sibima ya ndzi ririsa, yi ndzi twisa mbilu ku vava ku fana ni muti wa Yazere; we Hexiboni, na we Eleyale, ndzi ta mi tsakamisa hi mihloti, hikuva emasin'wini ya n'wina ya mihandzu ni ya mavele, tinsimu ta ntsako a ta ha twali.

Esaya 13:21

kambe ku ta vundza ntsena swiharhi swa nhova, tindlu ta kona ti ta tala hi swinkhovha, tiyimbhu ti ta tshama eka tona, swiphongho swi ta tlalamba-tlalamba kona.

Pisalema 102:6

Ndzi fana ni nkorho wa le mananga kumbe xikhovha emarhumbini;

Ntirho 30:29

Ndzi hundzuke makwavo wa timhungubye, tiyimbhu i vanghana va mina.

1 SAMIELE 19:24

a hluvula swiambalo swa yena ku fana ni vaprofeta, kutani a vhumbha emahlweni ka Samiele, a wela hansi, a tshama a nga ambalanga nchumu siku rero hinkwaro ni vusiku bya kona (xivuriso lexi nge: “Xana Sawulo na yena i un'wana wa vaprofeta xana?” xi sukela kwalaho).

Esaya 13:22

Eswihondzweni swa kona ku ta twala timhungubye; etindlwini to saseka ta le ntsindza, ku ta rila mahlolwa ntsena. Tiko leri a ra ha salelanga hi masiku yo tala, ri ta herisiwa ku nga ri khale.”

Esaya 32:11

Rhurhumelani, n'wina vavasati lava titwaka va tshamisekile, n'wina mi nga vileriki ha nchumu, hluvulani swiambalo hinkwaswo, mi teka leswo khwaxa mi ambala swona.

Ezekiele 32:18

“Wena munhu, yimbelela risimu ra xirilo, u rila mintshungu ya Vaegipta swin'we ni vanhu va matimba va tinxaka timbe, loko va ri karhi va rhelela hinkwavo va ya exivandleni xa vafi, va ya hlangana ni lava feke khale.

Mikiya 2:4

Loko nkarhi wu ta fika, va ta yimbelela risimu va mi hlekula ha rona, va rila swinene va ku: ‘Hakunene, hi cheriwe vusiwana, HOSI Xikwembu xi tekile ndzhaka ya vanhu va ka hina, xi yi phakela lava va hi yisaka evukhumbini! Xana hi tekeriwe yini ndzhaka ya hina xana?’

2 TIHOSI 18:13

Hi lembe ra vu-14 ra ku fuma ka hosi Hezekiya, Senakeribi hosi ya le Asiriya a kongoma miti hinkwayo ya makhokholo ya tiko ra Yuda, a yi hlula.

Estere 4:1

Loko Mordekayi a twa hinkwaswo leswi endliweke, a handzulela swiambalo swa yena, a ambala swiambalo swo khwaxa, a ticheletela nkuma, a famba exikarhi ka muti a ri karhi a ba huwa a rila hi xiviti,