Mikiya 1:7 - BIBELE Mahungu Lamanene

⁷ Swikwembu swa wona swa swifaniso swi ta fayeteriwa, hinkwaswo leswi wu swi kumeke hi vunghwavava bya wona swi ta hisiwa, swikwembu leswi swa hava, ndzi ta swi fayetela hinkwaswo. Va le Samariya va swi hlengeletile hi ku endla vunghwavava, kutani swi ta tlhela swi ya tirha swa vunghwavava!”

Xitsonga (Bibele)

⁷ Swifaniso hinkwaswo swa yena leswi vatliweke swi ta fayeteriwa, ni tinyiko leti nga amukeriwa hi yena ti ta hisiwa, ndzi va ndzi onha swifaniso swa yena hinkwaswo; hikuva u tilavele swona hi hakelo ya vumbhisa, swi ta tlhela swi hundzuka hakelo ya mbhisa.

Mikiya 1:7 Referans Kwoze

Duteronoma 23:18

Naswona mali leyi kumiwaka hi ndlela leyi, mi nga tshuki mi yi yisa endlwini ya HOSI Xikwembu xa n'wina, naswona mi nga hetisi ku hlambanya ka n'wina ha yona, hikuva vunghwavava bya le swivandleni swa vukhongeri bya hava i manyala eka HOSI Xikwembu.

Hosiya 2:12

Ndzi ta herisa mirhi ya yena ya vhinya ni ya makuwa, yi nga leyi a nga te: ‘Leyi i hakelo ya mina, ndzi nyikiwile yona hi swigangu swa mina.’ Ndzi ta yi hundzula xihlahla, swiharhi swa nhova swi ta yi dya swi heta.

Nhlavutelo 18:3

Vanhu va matiko hinkwawo va nwile vhinyo yo bava ya vuoswi bya yena; tihosi ta misava ti oswene na yena, ni va mabindzu va misava leyi va fumisiwile hi vuhunguki bya yena lebyo chavisa.”

Hosiya 8:6

Rhole ra kona ri endliwile hi mavoko ya vanhu va Israele; rhole leri ra Samariya, a hi xikwembu, ri ta fayeteriwa!

Nhlavutelo 18:9

Tihosi ta misava leti ti nga oswana na yena ni ku hunguka na yena, ti ta rila ti ba nkosi hikwalaho ka yena, loko ti ta vona musi wa ku tshwa ka yena.

Yuwele 3:3

Va pambulenanile vanhu va mina hi ku tirhisa vuhlolotwana, va xava nghwavava hi mufana, vhinyo va yi xava hi nhwanyana, va nwa va yi heta.

Hosiya 2:5

Mana wa vona ú endlile vunghwavava, yena loyi a va velekeke, ú hanyile hi ndlela yo khomisa tingana. Ú vurile a ku: ‘Ndzi ta famba ni swigangu swa mina, leswi swi ndzi nyikaka vuswa ni mati, swi ndzi nyika ni swiambalo swa xixika ni swa ximumu, ni mafurha yo tola, ni byalwa.’

Esaya 27:9

Ku hela ka nandzu wa va ka Yakobo ni ku susiwa ka vudyoho bya vona, swi ta tikomba hi loko va mbundzumuxa tialitari hinkwato, va fayetela maribye ya tona ma va mapa, va wisetela timhandze ta Axera xikwembukazi, ni tialitari ta mirhi ya risuna.

2 TIKRONIKA 31:1

Loko nkhuvo wu herile, Vaisraele hinkwavo lava a va tile enkhubyeni, va huma va ya emitini ya Yuda, va fika va fayetela maribye ya vugandzeri, va tsema ni timhandze ta Axera, va hindzimuxa tialitari ta le switsungeni leswo hlawuleka, etikweni hinkwaro ra Yuda, ni ra Benjamini, ni ra Efrayimi, ni ra Manase, va nga siyi na yin'we ya tialitari teto. Kutani Vaisraele hinkwavo va hangalaka, un'wana ni un'wana a kongoma ekaya ka yena.

Duteronoma 9:21

Kutani ndzi teka xilo lexi xi mi dyohiseke, ri nga rhole leri mi ri endleke, ndzi hisa, ndzi fayetela ku huma mapa, kutani ndzi teka mapa ya kona ndzi ma chela exinambyaneni lexi khulukaka xi suka entshaveni.

Levhitika 26:30

Ndzi ta herisa switsunga swa n'wina leswo hlawuleka, ndzi fayetela ni tialitari leti mi hiselaka eka tona mirhi ya risuna, ndzi mi dlaya ndzi cukumeta mintsumbu ya n'wina ehenhla ka mintsumbu ya swifaniso swa swikwembu swa n'wina swa hava. Mi ta va mi ndzi nyangatsile ngopfu,

1 SAMIELE 5:4

Kambe loko va pfuka nimpundzu hi siku leri tlhandlamaka, va kuma leswaku Dagona ú tlhele a wela ehansi hi mombo emahlweni ka Areka ya HOSI. Nhloko ya yena ni mavoko ya yena ha mambirhi swi tsemekile, swi wele enyangweni ya tempele, Dagona a sala ni miri wa yena ntsena.

Esaya 2:18

Swifaniso swa swikwembu swi ta nyamalala hinkwaswo.

Esaya 23:17

Endzhaku ka malembe ya 70, HOSI Xikwembu xi ta endla leswaku muti wa Tiri wu tlhelela entirhweni wa wona wa khale, wu ta tlhela wu tinyiketela ku endla bindzu ni matiko hinkwawo lama nga kona emisaveni.

Ezekiele 6:6

Tivani leswaku hambi mi nga tshama kwihi na kwihi, miti ya n'wina yi ta hlaseriwa; switsunga swa vukhongeri bya hava ni tialitari ta kona swi ta hirimuxiwa swi hundzuka marhumbi; swikwembu swa swifaniso swi ta fayiwa, ku herisiwa ni tialitari ta mirhi ya risuna, kutani ntirho wa mavoko ya n'wina wu ta hela.

Hosiya 2:14

“Sweswi ndzi ta ya bula na yena, ndzi n'wi teka ndzi ya na yena emananga, ndzi ya n'wi byela leswi swi nga ta n'wi tsakisa.

Hosiya 8:5

N'wina va le Samariya, rhole ra n'wina ra ndzi nyenyetsa. Vanhu lava va ndzi hlundzukisa ngopfu, xana va ta tshama ku fikela rini va nga tenganga, xana?