Mikiya 1:14 - BIBELE Mahungu Lamanene

¹⁴ N'wina va le Yuda, nyikani va le Morexeta-Gati leswi va nga ta mi vona ha swona loko mi hambanile na vona; tihosi ta Israele ti nga ka ti nga ha kumi ku pfuneka emutini wa Akizibi.

Xitsonga (Bibele)

¹⁴ Hikwalaho, wena Siyoni, u ta hambana na Morexeta-Gati; tindlu ta Akizibi wu ta va nambu lowu phyeke eka tihosi ta Israele.

Mikiya 1:14 Referans Kwoze

Yoxuwa 15:44

na Keyila, na Akizibi, na Marexa: Miti ni swimitana swa yona i 9.

2 TIHOSI 16:8

Naswona Akazi a teka swa silivhere ni nsuku leswi kumekeke endlwini ya HOSI Xikwembu ni le vuhlayiselweni bya xuma xa le ntsindza, kutani a swi rhumela swi ri nyiko eka hosi ya le Asiriya.

Yeremiya 15:18

Xana ku vaviseka ka mina ku tsandzeka ha yini ku hela, ni mbanga ya mina yi alela yini ku tshunguriwa yi hola, ke? Hakunene u ndzi xisile kukota xihlovo lexi phyaka, lexi tshikaka vanhu empfhukeni!

Esaya 30:6

HOSI Xikwembu xi ri: “Ku ni swifuwo leswi yaka edzongeni, swi tsemakanya mananga layo chavisa ya makhombo, tiko ra tinghala ta matsune ni ta nkati, ra timhiri ni swimememe; vakulukumba ni varhumiwa va Yuda va rhwexile timbhongolo ni tikamela, va yisa mali ni tinyiko eka Vaegipta, vanhu vo ka va nga pfuni nchumu.

Pisalema 62:9

Vanhu hinkwavo, lavakulu ni lavatsongo, a hi nchumu, vo va moyanyana ntsena; loko va pimiwa exikalwini, va vevuka ku tlula ni risiva rinene.

2 SAMIELE 8:2

Davhida a hlula ni mavuthu ya Vamowabu; a xaxameta lava khomiweke, a va pavalarisa ehansi, kutani a va pima hi ngoti, ku huma mintlawa minharhu; hiloko a yisa mintlawa mimbirhi eku dlaweni, kambe a tsetselela hinkwavo lava a va ri entlaweni wa vunharhu. Ku sukela siku rero, Vamowabu va va ehansi ka mfumo wa Davhida, va humesa ndzuvo va n'wi luva.