Matewu 9:2 - BIBELE Mahungu Lamanene

² Kutani va tisa ka yena munhu wo khwanyala swirho, a lo lákáhlá evuhlakeni. Loko Yesu a vona ku pfumela ka vona, a ku ka lowo khwanyala swirho: “Tiyisa mbilu n'wananga, u rivaleriwile swidyoho swa wena.”

Testamente Leyimpsha Xichangana

² Kutani vamutisela munhu wokhwanyala svirho, ayo lakahla arihlakeni. Loko Yesu avona kupfumela ka vona, aku ka lweyi wokhwanyala svirho: “Tiyisa mbilu n'wananga, urivaleliwile svijoho sva wena.”

Xitsonga (Bibele)

² Kutani a tiseriwa munhu la omeke swirho, a lo lakahla, emasangwini. Yesu, kuteloko a vonile ku pfumela ka vona, a ku eka munhu la omeke swirho: “Tiyisa mbilu, n'wananga, swidyoho swa wena u rivaleriwile swona.”

Matewu 9:2 Referans Kwoze

Matewu 9:22

Yesu a hundzuluka, kutani loko a n'wi vona, a ku ka yena: “Tiyisa mbilu n'wananga, ku pfumela ka wena ku ku hanyisile.” Ku sukela enkarhini wolowo, wansati loyi a va la hanyeke.

Yakobo 2:18

Kambe munhu un'wana a nga ku: “Xana wena u ni ku pfumela xana?” Mina ndzi ta ku: “Ndzi ni mintirho! Ndzi kombe ku pfumela ka wena loku nga riki na mintirho, kutani mina hi mintirho ya mina ndzi ta ku komba ku pfumela ka mina!”

Timhaka 19:12

swi fika laha vanhu va nga tisela vavabyi maduku ni swiambalo leswi khumbeke miri wa yena, kutani vavabyi lava va hola, ni mimoya leyo biha yi huma eka vona.

Yohane 21:5

Kutani Yesu a ku ka vona: “Vana vanga, mi phasile xana?” Va n'wi hlamula, va ku: “E-e.”

Matewu 8:10

Loko Yesu a swi twile, a hlamala, kutani a byela lava n'wi landzaka, a ku: “Ndzi tiyisile ndzi ri ka n'wina: Exikarhi ka Vaisraele, a ndzi kumanga munhu ni un'we la nga ni ku pfumela loko tano.

Matewu 4:24

Kutani ku twakala ka yena ku hangalaka etikweni hinkwaro ra Siriya. Va tisa hinkwavo lava vabyaka hi mavabyi ya tinxaka-xaka ni lava xanisekaka ngopfu, kukota lava nga ni mademona, ni lava nga ni rihuhe ra n'weti, ni lava nga lamala, kutani Yesu a va hanyisa.

Varhoma 5:11

Ku nga ri sweswo ntsena, kambe ha tidzunisa eka Xikwembu ha Hosi ya hina Yesu Kriste, loyi sweswi hi amukeleke ku vuyelelana loku ha yena.

Timhaka 14:9

A a yingisa leswi vuriwaka hi Pawulo. Yena a n'wi languta swinene, kutani a vona leswaku ú ni ku pfumela ka leswaku a nga hanyisiwa;

Yohane 16:33

Ndzi mi byerile swilo leswi leswaku mi va ni ku rhula eka mina. La misaveni, mi ta va ni mahlomulo, kambe tiyani timbilu, ndzi hlurile misava.”

Matewu 9:6

Sweswi tivani leswaku N'wana-wa-Munhu ú ni matimba laha misaveni ku rivalela vanhu swidyoho.” Kutani a ku ka loyi a khwanyaleke swirho: “Pfuka, u teka vuhlaka bya wena, u ya ekaya.”

Matewu 8:16

Nimadyambu, va tisa lavo tala lava a va ri ni mademona; kutani a hlongola mimoya leyi hi rito ntsena, naswona a hanyisa hinkwavo lava vabyaka,

Esaya 44:22

Milandzu ya n'wina, ndzi yi hangalasile kukota mapapa, ni swidyoho swa n'wina, ndzi swi nyamalarisile ku fana ni hunguva; vuyani eka mina, hikuva loyi a mi kutsuleke, hi mina.”

Yohane 2:25

naswona a swi nga kali swi fanela leswaku a byeriwa ta munhu hi munhu un'wana, hikuva a a tiva leswi nge mbilwini ya munhu.

Marka 5:34

Yesu a ku ka yena: “N'wananga, ku pfumela ka wena ku ku hanyisile, famba hi ku rhula, ntshunxeka enhlomulweni wa wena.”

Marka 1:32

Nimadyambu, loko ri perile, va n'wi tisela hinkwavo lava a va ri na mavabyi, ni lava a va ri na mademona.

Eklesiasta 9:7

Famba u ya dya swakudya swa wena hi ntsako, u nwa ni vhinyo ya wena hi mbilu yo basa, hikuva leswi u swi endlaka, Xikwembu xi swi amukele khale.

Matewu 6:12

u hi rivalela swidyoho swa hina, tanihi loko na hina hi rivalela lava hi dyohelaka;

Matewu 9:5

Xana ku olova yini, ku vula leswaku: ‘U rivaleriwile swidyoho swa wena’, kumbe ku vula: ‘Pfuka u famba’ xana?

Matewu 14:27

Kambe Yesu a hatla a vulavula na vona, a ku: “Tiyisani timbilu, hi mina; mi nga chaveni!”

Marka 6:50

a va n'wi vonile hinkwavo, kutani a va tshukile ngopfu; kambe a hatla a vulavula na vona, a ku: “Tiyisani timbilu, hi mina mi nga chaveni!”

Marka 10:49

Kutani Yesu a yima, a ku: “N'wi vitaneni!” Va vitana lowo-fe-mahlo, va ku ka yena: “Tiyisa mbilu, suka u yima, wa ku vitana.”

Timhaka 23:11

Evusikwini lebyi tlhandlamaka, Hosi yi tikomba eka Pawulo, yi ku: “Tiyisa mbilu Pawulo, hikuva kukotisa leswi u humeseke vumbhoni lebyo tiya ehenhla ka mina kwala Yerusalema, swi fanele leswaku u humesa vumbhoni lebyo tano ni le Rhoma.”