Matewu 9:11 - BIBELE Mahungu Lamanene

¹¹ Loko Vafarisi va swi vona, va ku ka vadyondzisiwa va yena: “Xana Mudyondzisi wa n'wina ú dyela yini ni valuvisi ni vadyohi ke?”

Testamente Leyimpsha Xichangana

¹¹ Loko Vafarisi vasvivona, vaku ka vajondzisiwa va yena: “Xana Mujondzisi wa n'wina ajela yini ni vahakelisi va rhesa ni vajohi ke?”

Xitsonga (Bibele)

¹¹ Kutani Vafarisi loko va swi vona, va byela vadyondzisiwa, va ku: “Mufundhisi wa n'wina u dyela yini ni valuvisi ni vadyohi xana?”

Matewu 9:11 Referans Kwoze

Matewu 11:19

N'wana-wa-Munhu ú tile a dya, a nwa, kutani va ku: ‘Langutani, munhu wa makolo hi loyi, wa xidakwa, la twananaka ni valuvisi ni vadyohi!’ Kambe vutlhari bya Xikwembu byi tikomba byi ri lebyo lulama hi mintirho ya byona.”

Luka 5:30

Vafarisi ni vatsari va ntlawa wa vona va n'unun'uta va ku ka vadyondzisiwa va yena: “Xana mi dyela yini ni valuvisi ni vadyohi, mi nwela yini na vona ke?”

Marka 2:16

Kambe loko vatsari va ntlawa wa Vafarisi va n'wi vona a dya ni vadyohi ni valuvisi, va ku ka vadyondzisiwa va yena: “Xana ú dyela yini ni valuvisi ni vadyohi ke?”

Vaheveru 5:2

A nga kota ku tirha hi vukhwatsi eka lava nga tiviki nchumu ni ka lava hambukaka endleleni, leswi na yena a rhendzeriweke hi minkarhalo.

Vagalatiya 2:15

Hina hi Vayuda hi ku velekiwa, a hi vamatiko va nga “vadyohi”.

Luka 19:7

Kambe loko vanhu va swi vona, va vilela hinkwavo va ku: “Ú nghenile eka wanuna wa mudyohi ku ya rhurheriwa kona.”

Esaya 65:5

Va byela van'wana va ku: ‘Tshamani kwaleyo, mi nga tshineli kusuhi na hina mi hi khumba, hikuva hi hlawulekile ngopfu!’ Leswi vanhu lava va swi endlaka i ndzilo lowu pfurhaka siku hinkwaro, musi wu nghena etinhompfini ta mina.

2 Yohane 1:10

Loko ku ta munhu un'wana eka n'wina la kanetaka dyondzo leyi, mi nga n'wi amukeli emutini wa n'wina, hambi ku n'wi xeweta mi nga n'wi xeweti;

Matewu 5:46

Loko mi rhandza lava va mi rhandzaka ntsena, xana mi nga langutela hakelo muni ke? Na vona valuvisi a va endlisi sweswo xana?

Matewu 9:10

Kuteloko Yesu a tshamile eswakudyeni endlwini, valuvisi lavo tala ni vadyohi va fika, va tshama na yena eswakudyeni kun'we ni vadyondzisiwa va yena.

Timhaka 11:3

va ku: “Wena, u nghene eka vavanuna lava nga yimbangiki, u dya na vona.”