Matewu 7:25 - BIBELE Mahungu Lamanene

²⁵ Kutani mpfula yi na, maboboma ma ta, timheho ti hunga, swi ba yindlu yoleyo; kambe a yi wanga, hikuva masungulo ya yona a ma ri eribyeni.

Testamente Leyimpsha Xichangana

²⁵ Kutani mpfula yina, maboboma mata, timheho tihunga, sviba yindlo yoleyo; kambe yingawi, hikuva masungulu ya yona amali ribzeni.

Xitsonga (Bibele)

²⁵ Kutani mpfula yi na, maboboma ma ta, ni mimoya yi hunga, yi ba yindlu yoleyo; kambe a yi wanga hikuva masungulo ya yona a ma le ribyeni.

Matewu 7:25 Referans Kwoze

Yakobo 1:12

Ku katekile munhu loyi a tiyiselaka eku ringiweni, hikuva loko a hlurile miringo, ú ta nyikiwa harhi ya vutomi leyi Xikwembu xi yi tshembiseke lava va xi rhandzaka.

1 Petro 1:7

Miringo leyi yi endla leswaku ku pfumela ka n'wina, loku tlulaka nsuku hi nkoka, ku vonaka ku tiyile. Nsuku, hambileswi wu ringetiwaka hi ndzilo, wa onhaka; kambe ku pfumela ka n'wina, loko ku tiyile, ku ta mi tisela ku dzunisiwa ni ku twarisiwa ni ku fundzhiwa, siku Yesu Kriste a humelelaka.

Vakolosa 2:7

mi dzimile timitsu ni ku veka masungulo ya n'wina eka yena; tiyani eku pfumeleni, hilaha mi dyondzisiweke hakona, mi ri karhi mi nkhensa kambe na kambe.

1 Petro 1:5

n'wina lava mi pfumeleke, kutani mi hlayisiwa hi matimba ya Xikwembu, leswaku mi ta kuma ku ponisiwa loku yimeleke ku kombisiwa enkarhini wa makumu.

Timhaka 14:22

va ri karhi va tiyisa timbilu ta vadyondzisiwa, va va khongotela ku tiyisela eku pfumeleni, va ku: “EMfun'weni wa Xikwembu, hi fanele ku nghena hi maxangu layo tala.”

Vaefesa 3:17

ni leswaku Kriste a aka etimbilwini ta n'wina hi ku pfumela. Ndzi khongela leswaku mi mila timitsu erirhandzwini ni ku veka masungulo ya n'wina ehenhla ka rona,

1 Yohane 2:19

Va sukile va hi siya, kambe a va nga ri va hina, hikuva loko a va ri va ka hina, ingi va ha ri na hina nisweswi, kambe va sukile, ku komba leswaku a hi hinkwavo va nga va hina.

Matewu 16:18

Kwalaho ndzi ri ka wena: U ‘Petro’, kutani ehenhla ka ribye reri, ndzi ta aka kereke ya mina; kutani hambi wu ri ntamu wa rifu wu nga ka wu nga yi hluri.

Malakiya 3:3

Ú ta tshama hansi, kukota munhu loyi a n'okisaka ni ku basisa nsuku ni silivhere: Ú ta basisa va ka Levhi, a va endla lava tengeke, leswaku va humesela HOSI Xikwembu magandzelo lama amukelekaka.

Swivuriso 10:25

Loko ku hundza bubutsa, lavo homboloka a va sali, kambe lavo lulama, vona va sala va lo tíkítìkì!

Matewu 7:24

“Hikwalaho ke un'wana ni un'wana la yingisaka marito ya mina lawa, a va a famba ha wona, ú ta fana ni wanuna lowo tlhariha la akeke yindlu ya yena eribyeni.

Matewu 7:26

“Un'wana ni un'wana la yingisaka marito ya mina lawa, kutani a nga fambi ha wona, ú ta fana ni wanuna wa xiphukuphuku, la akeke yindlu ya yena esaveni.

Matewu 7:27

Mpfula yi na, maboboma ma ta, timheho ti hunga, swi ba yindlu yoleyo, kutani yi wa, ku wa ka yona ku va lokukulu.”