Matewu 6:1 - BIBELE Mahungu Lamanene

¹ “Tivoneleni leswaku mi nga endli tifanelo ta n'wina ta vukhongeri emahlweni ka vanhu ku endlela ku voniwa hi vona; loko mi endlisa sweswo, a mi nga yi kumi hakelo eka Tata wa n'wina la nge matilweni.

Testamente Leyimpsha Xichangana

¹ Tivoneleni lesvaku mingayendli timfanelo ta n'wina ta kunyika svisiwana mahlweni ka vanhu na miyendlela kuvoniwa hi vanhu; loko miyendlisa svosvo, amingayikumi hakelo ka Tatana wa n'wina lweyi anga matilweni.

Xitsonga (Bibele)

¹ “Tilanguteleni leswaku mi nga tshuki mi nyika swa n'wina eka swisiwana emahlweni ka vanhu, leswaku mi ta voniwa hi vona; loko mi endlisa sweswo, mi nga ka mi nga kumi hakelo eka Tata wa n'wina la nga ematilweni.

Matewu 6:1 Referans Kwoze

Matewu 23:5

Mintirho ya vona hinkwayo, va yi tirha leswaku va ta voniwa hi vanhu; hikuva va kurisa swibokisana swa vona leswi nga ni tindzimana endzeni, va lehisa ni makumu ya tinguvu ta vona;

Yohane 12:43

Hakunene va rhandzile ku dzunisiwa hi vanhu ku tlula ku dzunisiwa hi Xikwembu.

Vaheveru 6:10

Hikuva Xikwembu a xi na mona, xi nga ka xi nga rivali ntirho wa n'wina ni rirhandzu leri mi ri kombeke hi vito ra xona, hi ku tirhela vahlawuriwa va xona, hilaha mi swi endlaka hakona nisweswi.

Luka 16:15

Yena a ku ka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi vanhu va swi tekaka swi ri swa le henhla, emahlweni ka Xikwembu a hi nchumu.

Vagalatiya 6:12

Hinkwavo lava ringetaka ku tikomba va ri lavanene ni ku tidzunisa hi swilo swa laha misaveni, hi vona lava va mi sindzisaka ku yimba; va endlela ntsena leswaku va ta ka va nga xanisiwi hikwalaho ka xihambano xa Kriste;

Yohane 5:44

Mi nga pfumerisa ku yini ke, kasi mi tsakela ku dzunisana, mi nga lavi ku dzunisiwa loku humaka eka Xikwembu, lexi nga xin'we ntsena!

Ezekiele 33:31

Va khitikana va ta eka wena, va tshama emahlweni ka wena, vanhu lava va mina. Leswi u swi vulaka, va swi twa kambe a va endli. Hi milomo va ri, va ndzi rhandza ngopfu mina Xikwembu, kambe etimbilwini va anakanya ntsena ku tikumela swa vona.

2 Yohane 1:8

Hikokwalaho, tivoneleni leswaku mi nga lahlekeriwi hi leswi mi nga tikarhatela swona, kambe mi kota ku kuma hakelo leyi yi mi fanelaka.

Marka 8:15

Kutani a va laya, a ku: “Tlharihani, mi chava comela xa Vafarisi, ni comela xa Heroda!”

Matewu 6:16

“Loko mi titsona swakudya, mi nga khanyanisi mimombo ku fana ni vakanganyisi lava tionhaka tinghohe, va ku va ta voniwa hi vanhu leswaku va le ku titsoneni ka swakudya. Ndzi tiyisile ndzi ri ka n'wina: Hakelo ya vona va yi kumile.

Matewu 16:6

Yesu a ku ka vona: “Tlharihani, mi chava comela xa Vafarisi ni xa Vasaduki.”

Luka 12:15

Kutani a ku ka vona: “Tlharihani mi tivonela eka makwanga wahi ni wahi, hikuva vutomi bya munhu a byi humi eka swilo leswi a swi fuweke hambiloko swi n'wi talele ngopfu.”

Matewu 5:48

Hikwalaho ke, na n'wina mi fanele ku hetiseka, hilaha Tata wa n'wina wa le tilweni na yena a hetisekeke.

Matewu 5:16

Ku vonakala ka n'wina a ku voningele vanhu hi mukhuva wolowo, leswaku va ta vona mintirho ya n'wina leyo saseka, va dzunisa Tata wa n'wina la nge matilweni.

Luka 11:35

Hikokwalaho tivonele leswaku ku vonakala loku nga ka wena ku nga vi munyama.

Pisalema 112:9

A nga karhali ku humesa swilo swa yena, a pfuna vapfumari ha swona; a nga tshiki ku hanana; hikokwalaho matimba ya yena ma ta ya ma kula, a xiximiwa hi vanhu.

Luka 12:1

Hi nkarhi wolowo, loko vanhu va madzana-dzana va hlengeletana va ko va kandziyelana, Yesu a sungula ku byela vadyondzisiwa va yena a ku: “Tivoneleni eka comela xa Vafarisi, byi nga vukanganyisi;

Matewu 25:40

Hosi yi ta va hlamula, yi ku: ‘Ndzi tiyisile ndzi ri ka n'wina, loko mi tshame mi endla swilo leswi eka un'wana wa vamakwerhu lavatsongo lava, mi swi endlele mina.’

Matewu 5:46

Loko mi rhandza lava va mi rhandzaka ntsena, xana mi nga langutela hakelo muni ke? Na vona valuvisi a va endlisi sweswo xana?

Zakariya 7:5

leswaku ndzi ma fikisa eka vaaki hinkwavo va tiko ni ka vaprista, hi lawa: “Hi n'hweti ya vuntlhanu ni ya vu-7, emalembeni ya 70 lama hundzeke, loko mi rila ni ku titsona swakudya, a mi nga endleli mina!

Matewu 23:13

“Mi ni khombo n'wina vatsari ni Vafarisi, hikuva mi vakanganyisi: Mi alela vanhu ku nghena eMfun'weni wa matilo. N'wina a mi ngheni eka wona, naswona lava ringetaka ku nghena ma va sivela. [

Matewu 6:9

“N'wina ke, khongelani hi mukhuva lowu, mi ku: “ ‘Tata wa hina la nge matilweni, vito ra wena a ri hlawuleke;

Duteronoma 24:13

kambe mi fanele ku n'wi tlherisela wona namadyambu, leswaku a ta wu funengela loko a etlela, kutani ú ta mi navelela minkateko, naswona mi ta va mi endlile leswi nga swona emahlweni ka HOSI Xikwembu.

Vaheveru 2:1

Hikokwalaho, hi fanele ku hlayisa swinene timhaka leti hi ti tweke, leswaku hi ta ka hi nga hambuki endleleni ya tona.

Daniele 4:27

Kutani we hosi, amukela switsundzuxo swa mina: Tshika swidyoho swa wena, u endla leswo lulama; herisa ni ku homboloka ka wena, u komba tintswalo eka lava xanisiwaka; kumbexana, u nga engeteleriwa malembe ya ku tsaka.”

Vaheveru 11:26

Ú ehleketile leswaku ku rhuketeriwa hikwalaho ka Mesiya i rifuwo leri tlulaka vukosi hinkwabyo bya Egipta, hikuva a a langutela hakelo leya ha taka.

Matewu 16:27

Hikuva N'wana-wa-Munhu ú ta vuya hi ku kwetsima ka Tata wa yena, a ri ni tintsumi ta yena, kutani hi kona a nga ta nyika un'wana ni un'wana hi ku ya hi mintirho ya yena.

2 TIHOSI 10:31

Kambe emahanyelweni ya yena, Yehu a nga tinyiketanga ku hlayisa nawu wa HOSI Xikwembu xa Israele hi mbilu ya yena hinkwayo; a nga fularhelanga swidyoho leswi Yerobuwamu a a dyohisile ni Vaisraele ha swona.

2 TIHOSI 10:16

Yehu a engeta a ku: “A hi fambe swin'we, u ta vona hilaha ndzi hisekelaka HOSI Xikwembu hakona.” Kutani va famba swin'we hi kalichi.

Zakariya 13:4

Hikokwalaho vanhu va ta chava ku tikurisa hi swivono swa vona, kumbe ku tiendla vaprofeta; va ta chava ni ku xisa van'wana hi ku ambala swiambalo swa vaprofeta leswi lukiweke hi voya.

Timhaka 3:12

Loko Petro a swi vona, a ku ka vona: “Vavanuna va Israele, hikwalaho ka yini mi hlamala mhaka leyi, mi hi tlhava hi mahlo hi mukhuva lowu xana, wonge hi loko ku ri hina hi nga endla leswaku munhu loyi a famba, hi matimba ya hina kumbe hi vukhongeri bya hina?