Matewu 5:9 - BIBELE Mahungu Lamanene

⁹ Ku katekile lava tisaka ku rhula, hikuva va ta thyiwa vana va Xikwembu.

Testamente Leyimpsha Xichangana

⁹ Kukatekile lavatisaka kurhula, hikuva vatavuliwa vana va Xikwembu.

Xitsonga (Bibele)

⁹ Ku katekile lava lamulaka, hikuva va ta thyiwa vana va Xikwembu.

Matewu 5:9 Referans Kwoze

Vaheveru 12:14

Ringetani hi matimba ku hanya hi ku rhula ni vanhu hinkwavo, mi ringeta ni ku hlawuleka, hikuva ehandle ka ku hlawuleka a ku na munhu na un'we la nga ta vona Hosi.

Varhoma 12:18

Endlani hinkwaswo leswi mi swi kotaka, hi tlhelo ra n'wina, ku hanyisana ni vanhu hinkwavo hi ku rhula.

Vagalatiya 5:22

Kasi mihandzu ya Moya i rirhandzu, ni ku tsaka, ni ku rhula, ni ku leha mbilu, ni vunene, ni ku hanana, ni ku tshembeka,

Pisalema 120:6

I khale ndzi ri karhi ndzi tshama exikarhi ka vanhu lava vengaka ku rhula.

Varhoma 8:14

Vanhu hinkwavo lava fambisiwaka hi Moya wa Xikwembu i vana va Xikwembu.

Luka 6:35

Kambe n'wina, rhandzani valala va n'wina, mi endlela vanhu leswinene; lombani mi nga languteli ku tlheriseriwa, kutani hakelo ya n'wina yi ta va leyikulu; mi ta va vana va Loyi-a-nge-henhla-henhla, hikuva yena ú ni tintswalo eka lava nga tiviki ku nkhensa ni ka lavo biha.

2 Vakorinto 13:11

Sweswi ke, vamakwerhu, ndzi ri: Salani! Ringetani ku hetiseka; amukelani ku tsundzuxa ka mina; mi va ni ku anakanya kun'we; mi hanya hi ku rhula; kutani Xikwembu xa rirhandzu ni xa ku rhula xi ta va na n'wina.

Vakolosa 3:13

Amukelanani, kutani loko un'wana a vilela hi un'wana, a va rivalelane. Kukota leswi Hosi yi mi rivaleleke, na n'wina rivalelanani.

Pisalema 34:12

Loko mi navela vutomi lebyinene, ni ku kuma minkateko emasikwini ya n'wina ya ku hanya,

Matewu 5:48

Hikwalaho ke, na n'wina mi fanele ku hetiseka, hilaha Tata wa n'wina wa le tilweni na yena a hetisekeke.

2 Vakorinto 5:20

Hikokwalaho, hi vayimeri va Kriste; Xikwembu hi xoxe xa mi khongotela ha hina; ha mi khongotela hi matimba hikwalaho ka Kriste, hi ri:

Timhaka 7:26

Hi siku leri tlhandlamaka, a ya kuma van'wana vambirhi va ri karhi va lwa, kutani a ringeta ku va khongotela leswaku va nga lwi, a ku: ‘Vavanuna, mi vanhu van'we! Mi vaviselana yini xana?’

Matewu 5:45

leswaku mi hundzuka vana va Tata wa n'wina la nge matilweni, hikuva ú tsuvukisa dyambu ra yena ehenhla ka lavo biha ni lavanene, ú nisa mpfula ehenhla ka lavo lulama ni lavo homboloka.

1 TIKRONIKA 12:17

Kutani Davhida a va hlanganisa a ku: “Loko mi ri ni moya lowunene mi tela ku ta ndzi pfuna, hi ta twanana swinene. Kambe loko mi tile ku ta ndzi xenga, mi ndzi nyiketa eka valala va mina hambiloko ndzi nga onhanga nchumu, Xikwembu xa vatata wa hina xi ta mi vona, xi mi ba!”

1 Vakorinto 6:6

Xana hakunene munhu a nga ya mangalela makwavo wa yena, naswona swi endliwa emahlweni ka lava nga riki vapfumeri ke?

Vafilipiya 4:2

Ndzi khongotela Efodiya, ndzi khongotela na Sintika, leswaku leswi va nga va Hosi, va fanele ku twanana.

Luka 20:36

a va ha fi, hikuva va fana ni tintsumi, va hundzuka vana va Xikwembu, hi mhaka ya leswi va nga pfuxiwa eku feni.

Vaefesa 4:1

Hikwalaho ke, mina ndzi nga mubohiwa hi mhaka ya ku tirhela Hosi, ndza mi khongotela ku hanya hi ndlela leyi fambelanaka ni ku vitaniwa ka n'wina.

Varhoma 8:16

Moya lowu wu yima ni mimoya ya hina ku tiyisa leswaku hi vana va Xikwembu.

Varhoma 8:19

Hikuva swivumbiwa hinkwaswo swi langutela, hi ku navela lokukulu, leswaku Xikwembu xi kombisa erivaleni vana va xona.