Matewu 3:12 - BIBELE Mahungu Lamanene

¹² Rihlelo ri le vokweni ra yena; ú ta peperha hinkwaswo leswi nge xivuyeni xa yena, a heta; kutani mavele, ú ta ma chela enguleni ya yena; kambe mungu wona, ú ta wu hisa endzilweni lowu nga timekiki.”

Testamente Leyimpsha Xichangana

¹² Rihlelo ri le vokweni ra yena; ataphepheta hinkwasvu lesvinga xibulelweni xa yena, kutani atrigu, atarichela tshaleni ra yena; kambe muhungu wona, atawuhisa ndzilweni lowungatimekiki.”

Xitsonga (Bibele)

¹² Rihlelo ra yena ri le vokweni ra yena, kutani u ta kukula swinenenene xivuya xa yena, u ta hlengeleta mavele ya yena enguleni, mungu, wona, u ta wu hisa endzilweni lowu nga timekiki.”

Matewu 3:12 Referans Kwoze

Malakiya 4:1

“Vonani, siku leri pfurhaka kukota langavi ra ta: Lava tikurisaka ni lavo homboloka, va ta hisiwa ku fana ni byanyi. Esikwini rero va ta tshwa, ku nga ha sali na un'we wa mhamba! Ndzi vula sweswo, mina HOSI ya matimba hinkwawo.

Matewu 13:30

Swi tshikeni swi kula swin'we, ku kondza ku fika nkarhi wa ku tshovela; hi kona ndzi nga ta ku eka vatshoveri: Rhangani hi mfava mi tsuvula, mi wu boha hi tinyandza, mi ta wu hisa; kambe maxalana mi ma hlengeleta exitlatini xa mina.’ ”

Luka 3:17

Rihlelo ri le vokweni ra yena; ú ta hlela swinene hinkwaswo leswi nge xivuyeni xa yena a heta: kutani mavele ú ta ma chela enguleni; kambe mungu wona, ú ta wu hisa endzilweni lowu nga timekiki.”

Yeremiya 51:2

Ndzi ta rhumela valala ku hlunguhla va le Babilona, va va cukumeta kule ni tiko ra vona, ri sala ri nga ha ri na munhu. Loko siku leri ra khombo ri fika, va ta hlaseriwa hi matlhelo hinkwawo.”

Esaya 41:16

mi ta swi peperha, moya wu swi hahisa, xihuhuri xi ta swi hangalasa, kutani mi ta kuma ku tsaka eka mina HOSI, mi va mi dzuneka eka mina Muhlawuleki wa Israele.

Matewu 13:41

N'wana-wa-Munhu ú ta rhuma tintsumi ta yena, ti ta humesela ehandle ka Mfumo wa yena vakhunguvanyisi hinkwavo ni lava endlaka leswo biha,

Pisalema 1:4

Kasi a swi tano eka lavo homboloka: Vona va fana ni mungu lowu hangalasiwaka hi moya.

Yeremiya 7:20

Hikokwalaho mina HOSI N'wini wa hinkwaswo ndzi vurisa sweswo ndzi ri: Ndzi ta chululela vukari bya mina lebyi pfurhaka ehenhla ka xivandla lexi, ni le henhla ka vanhu ni swifuwo, ni le henhla ka swihlahla ni masimu ni leswi milaka eka wona. Hinkwaswo swi ta tshwa, ndzilo wa kona wu nga timeki!”

Yohane 15:2

Rhavi rin'wana ni rin'wana leri nge ka mina, leri nga vekiki mihandzu, wa ri susa; kambe rin'wana ni rin'wana leri vekaka, wa ri khutulela ri saseka, leswaku ri ta veka ku tlula ni khale.

Yeremiya 15:7

Vanhu va mina ndzi va peperhile hi rihlelo, emitini hinkwayo ya tiko; ndzi va herisile, ndzi dlaya ni vana va vona, kambe a va tshikanga tindlela ta vona leto homboloka.

Yeremiya 17:27

Kambe loko mi ala ku ndzi yingisa, mi nga pfumeli ku hlayisa siku ra Savata leswaku ri tshama ri hlawulekile, ni loko mi rhwala swilo mi swi nghenisa etinyangweni ta Yerusalema hi siku rero, vukari bya mina byi ta pfurha byi nga timeki, byi hisa tindlu leto saseka ta Yerusalema.’ ”

Esaya 30:24

Tihomu ni timbhongolo leti mi rimaka ha tona, ti ta dya byanyi lebyi lulamisiweke swinene, byi cheriwe ni munyu.

Esaya 17:13

Vanhu va matiko va ba pongo ku fana ni maboboma, kambe Xikwembu xi ta va tshinya, va tsutsuma va ya kule swinene, kukota mungu lowu hahisiwaka hi moya etintshaveni, kumbe ritshuri loko ku ri na xidzedze.

Esaya 5:24

Leswi va fularheleke Nawu wa HOSI ya matimba hinkwawo, va sola ni marito ya Muhlawuleki wa Israele, va ta herisiwa kukota mavivi lama tshwaka, va ta fana ni byanyi byo oma lebyi hisiwaka byi hela; va ta kota murhi lowu boleke timitsu, ku saseka ka vona ku ta haha kukota ritshuri.

Esaya 1:31

Munhu wa matimba ú ta fana ni mavivi, swiendlo swa yena swi ta fana ni nhlahle ya ndzilo: Ú ta tshwa ni swiendlo swa yena, ku pfumaleka ni mutimeli.

Pisalema 35:5

A va fane ni mungu lowu hahisiwaka hi moya, ntsumi ya HOSI a yi va hangalase.

Ntirho 21:18

A hi kangani va tlakuriwa hi moya wa xidzedze; a va hahisiwi kukota mungu kumbe mavivi.

Matewu 13:43

Enkarhini wolowo, lavo lulama va ta hatima kukotisa dyambu, eMfun'weni wa Tata wa vona. La nga ni tindleve, a a yingise!

Amosi 9:9

“Hikokwalaho, ndzi ta lerisa leswaku Vaisraele va sefiwa exikarhi ka matiko hinkwawo, ku fana ni loko munhu a sefa mapa, kutani a ku nga vi na xiribyana ni xin'we lexi nga ta huma esefeni.

Hosiya 13:3

Hikokwalaho, va ta fana ni hunguva nimixo, kumbe mberha leyi hatlisaka ku dzudzeka; va ta fana ni mungu lowu hahisiwaka hi moya exivuyeni, kumbe musi lowu tuvikaka wu huma endlwini.

Yeremiya 4:11

Enkarhini wolowo, HOSI Xikwembu xi ta tivisa vanhu lava ni va le Yerusalema, xi ku ka vona: “Moya wo hisa wa le mananga wu ta ta, wu huma hi le henhla ka switsunga wu hunga ehenhla ka vanhu va mina. A wu nga vi moya lowutsanana wo hahisa mungu!

Esaya 66:24

“Va ta huma va ya vona mintsumbu ya vanhu lava va ndzi hundzukeleke. Swivungu leswi swi yi dyaka a swi nga fi, hambi wu ri ndzilo lowu wu nga ta yi hisa a wu nga timeki, kutani mintsumbu leyi yi ta hlambisa timbilu ta vanhu hinkwavo.”

Esaya 27:4

A ndza ha yi kariheli. Loko ko va ni mitwa ni swigatlu eka yona, ndzi ta lwa na swona, ndzi swi hlengeleta ndhawu yin'we, ndzi swi hisa,

Matewu 13:42

ti va cukumeta ekheleni ra ndzilo, laha minkosi yi nga ta va kona, ni ku getsela ka meno.

Luka 3:16

Yohane a va hlamula hinkwavo, a ku: “Loko ndzi ri mina, ndzi mi khuvula hi mati, kambe wa ta un'wana loyi a ndzi tlulaka hi matimba, loyi swi nga ndzi faneriki ku ntshunxa ngoti ya tintanghu ta yena; yena ú ta mi khuvula hi Moya lowo Kwetsima ni ndzilo.

Esaya 28:28

Hambi yi ri koroni a yi huriwi tindzhoho ta kona ti kondza ti fayeteleka; vhilwa ro hula ha rona leri kokiwaka hi hanci, ri fambisiwa kahle, ri nga fayeteli tindzhoho.