Matewu 27:63 - BIBELE Mahungu Lamanene

⁶³ “Hosi, ha ha tsundzuka leswaku muxisi loyi, loko a ha hanya, ú te: ‘Endzhaku ka masiku manharhu, ndzi ta pfuka eku feni.’

Testamente Leyimpsha Xichangana

⁶³ “Hosi, hahatsundzuka lesvaku muxisi lwiya, loko ahahanya, ate: ‘Ndzhaku ka masiku manharhu, nitapfuka kufeni.’

Xitsonga (Bibele)

⁶³ “Hosi, ha ha anakanya leswaku muxisi yeloyi, loko a ha hanya, u te: ‘Ndzi ta pfuka hi siku ra vunharhu.’

Matewu 27:63 Referans Kwoze

Luka 9:22

A engeta a ku: “N'wana-wa-Munhu ú ta fanela ku twisiwa ku vaviseka lokukulu, a soriwa hi vakulukumba ni vaprista lavakulu, ni vatsari; ú ta dlawa, a tlhela a pfuka eku feni hi siku ra vunharhu.”

Matewu 16:21

Ku sukela nkarhini wolowo Yesu a sungula ku tivisa vadyondzisiwa va yena leswaku ú fanele ku ya eYerusalema, a twisiwa ku vaviseka lokukulu hi vakulukumba ni vaprista lavakulu ni vatsari, a dlawa, a tlhela a pfuka eku feni hi siku ra vunharhu.

Yohane 2:19

Yesu a va hlamula, a ku: “Hindzimuxani Tempele leyi, kutani mina ndzi ta yi pfuxa hi masiku manharhu.”

Luka 18:33

kutani loko va n'wi bile hi minkhavi, va ta n'wi dlaya; kambe ú ta pfuka eku feni hi siku ra vunharhu.”

Marka 10:34

va ta tlanga hi yena, va n'wi tshwutela marha, va n'wi ba hi minkhavi, va n'wi dlaya; kutani endzhaku ka masiku manharhu ú ta pfuka eku feni.”

Marka 8:31

Kutani Yesu a sungula ku va dyondzisa a ku: “N'wana-wa-Munhu ú ta fanela ku twisiwa ku vaviseka lokukulu, a soriwa hi vakulukumba, ni vaprista lavakulu, ni vatsari; ú ta dlawa, a tlhela a pfuka hi siku ra vunharhu.”

Matewu 20:19

va ta n'wi nyiketa eka vamatiko leswaku vona va tlanga hi yena, va n'wi ba hi minkhavi ni ku n'wi vamba exihambanweni; kutani, hi siku ra vunharhu, ú ta pfuka eku feni.”

Matewu 17:23

va ta n'wi dlaya, kambe ú ta tlhela a pfuka eku feni hi siku ra vunharhu.” Kavaloko va twa ku vaviseka lokukulu.

Matewu 26:61

“Munhu loyi ú te: ‘Ndzi ni matimba ya ku nhlanhla Tempele ya Xikwembu, ni ku tlhela ndzi yi pfuxa endzhaku ka masiku manharhu.’ ”

2 Vakorinto 6:8

Hi kombiwa xichavo ni ku sandziwa; ha lumbetiwa ni ku dzunisiwa. Hi voniwa hi ri vaxisi, kasi hi va ntiyiso;

Yohane 7:12

A ku ri ni ku hleva-hleva ngopfu entshungwini, hi mhaka ya yena. Van'wana a va ku: “I munhu lonene!” Van'wana a va ku: “E-e, ú lahlekisa vanhu.”

Luka 23:2

va sungula ku n'wi veka nandzu, va ku: “Hi kumile munhu loyi a ri karhi a hlohlotela tiko ra hina, a arisa vanhu ku humesela Khezari endzuvo; kutani ú tivula Mesiya, Hosi.”

Yohane 7:47

Vafarisi va va hlamula, va ku: “Xana na n'wina mi xiseteriwile xana?

Matewu 27:64

Hikwalaho, lerisa leswaku sirha ri rindziwa ku ko ku fika siku ra vunharhu, leswaku vadyondzisiwa va yena va nga tshuki va ta n'wi yiva, kutani va ta byela vanhu va ku: ‘Ú pfukile ku feni!’ Vunwa lebyi a byi ta tlula lebyo rhanga hi ku biha.”

Matewu 28:6

a nga kona la, hikuva ú pfukile eku feni, hilaha a tshamaka a mi byela hakona. Tanani, mi ta vona laha a a latiwile kona.

Marka 9:31

hikuva a a dyondzisa vadyondzisiwa va yena, kutani a ku ka vona: “N'wana-wa-Munhu ú ta nyiketiwa sweswi emavokweni ya vanhu. Va ta n'wi dlaya; loko va n'wi dlele, ú ta pfuka eku feni hi siku ra vunharhu.”

Luka 18:31

Yesu a vitanela lava khume na vambirhi etlhelo, kutani a va byela a ku: “Vonani, hi tlhandlukela eYerusalema, kutani hinkwaswo leswi tsariweke hi vaprofeta ehenhla ka N'wana-wa-Munhu swi ta hetiseka.