Matewu 27:12 - BIBELE Mahungu Lamanene

¹² Kambe loko vaprista lavakulu ni vakulukumba va n'wi veka nandzu, a nga hlamulanga nchumu.

Testamente Leyimpsha Xichangana

¹² Kambe loko Vaprista lavakulu ni vakulukumba vamuveka nandzu, angahlamulanga nchumu.

Xitsonga (Bibele)

¹² Kutani, hambi a hehliwa hi vaprista lavakulu ni vakulukumba, a nga hlamulanga nchumu.

Matewu 27:12 Referans Kwoze

Matewu 26:63

Kambe Yesu a miyela. Muprista lonkulu a engeta, a ku ka yena: “Ndzi ri ka wena: Hlambanya hi Xikwembu lexi hanyaka, u hi byela loko u ri Mesiya, N'wana wa Xikwembu.”

Esaya 53:7

A a xanisiwa, a twisiwa ku vava, kambe a nga pfuli nomo; a a fana ni xinyimpfana lexi yisiwaka eku tlhaviweni, kumbe nyimpfu leyi nga riliki loko va yi tsemeta voya.

1 Petro 2:23

Loko a rhuketeriwa, a nga tlheriselanga hi ku rhuketela; loko va n'wi twisa ku vava, a nga vulanga leswaku ú ta tirihisela, kambe ú swi tshikile emavokweni ya loyi a avanyisaka hi ku lulama.

Timhaka 8:32

Ndzimana ya buku leyi a a yi hlaya hi leyi: “A a fana ni nyimpfu leyi yisiwaka eku tlhaviweni, kumbe xinyimpfana lexi miyelaka loko va xi tsemeta voya: A nga pfulanga nomo.

Matewu 27:14

Kambe Yesu a nga ha n'wi hlamulanga nchumu, hosi yi kondza yi hlamala ngopfu.

Matewu 27:13

Hiloko Pilato a ku ka yena: “Xana a wu ti twi timhaka leto tala leti va ku vekaka nandzu ha tona ke?”

Luka 23:9

A n'wi vutisa timhaka to tala, kambe Yesu a nga hlamulanga nchumu.