Matewu 26:75 - BIBELE Mahungu Lamanene

⁷⁵ Kutani Petro a tsundzuka rito leri vuriweke hi Yesu, loko a te: “Nkuku wu nga si ringa, u ta va u ndzi landzurile kanharhu.” Kavaloko a humela ehandle, a ya rila hi xiviti.

Testamente Leyimpsha Xichangana

⁷⁵ Kutani Petrosi atsundzuka rito lerivuliweke hi Yesu, loko aku: “Nkuku wungasiyimba, utava unilandzulile kanharhu.” Hi loko ahumela handle, ayarila hi xiviti.

Xitsonga (Bibele)

⁷⁵ Kwalaho Petro a anakanya rito ra Yesu hilaha a nga te eka yena: “Nkuku wu nga si ringa, u ta va u ndzi landzurile kanharhu.” Kutani a humela ehandle, a ya rila hi xiviti.

Matewu 26:75 Referans Kwoze

Matewu 26:34

Yesu a ku ka yena: “Ndzi tiyisile ndzi ri ka wena, vusiku byebyi, nkuku wu nga si ringa, u ta va u ndzi landzurile kanharhu.”

Yohane 13:38

Yesu a n'wi hlamula, a ku: “Xana u nga nyiketa vutomi bya wena hikwalaho ka mina xana? Ndzi tiyisisile ndzi ri ka wena: Nkuku wu nga si ringa, u ta va u ndzi landzurile kanharhu.”

Vagalatiya 6:1

Vamakwerhu, naloko un'wana a kumiwa a ri karhi a endla xihoxo, n'wina lava mi nga va Moya, n'wi vuyiseni hi moya wa musa. Eka un'wana ni un'wana wa n'wina, ndzi ri, tivonele leswaku na wena u nga ringiwi.

1 Petro 1:5

n'wina lava mi pfumeleke, kutani mi hlayisiwa hi matimba ya Xikwembu, leswaku mi ta kuma ku ponisiwa loku yimeleke ku kombisiwa enkarhini wa makumu.

1 Vakorinto 4:7

Hikuva i mani la ku tlakuseke ku tlula van'wana xana? Xana u na yini lexi u nga nyikiwangiki xana? Kutani loko u nyikiwile, hikwalaho ka yini u tidzunisa, wonge hi loko u nga swi kumanga hi ku nyikiwa xana?

Matewu 10:33

Kambe un'wana ni un'wana la nga ta ndzi landzula emahlweni ka vanhu, na mina ndzi ta n'wi landzula emahlweni ka Tata wa mina la nge matilweni.

Matewu 26:74

Hiloko a sungula ku hlambanya hi matimba a ku: “Ndzi tiyisile leswaku munhu loyi, mina a ndzi n'wi tivi!” Hi nomu lo, nkuku wu ringa.