Matewu 26:70 - BIBELE Mahungu Lamanene

⁷⁰ Kambe Petro a kaneta emahlweni ka hinkwavo, a ku: “Leswi u swi vulaka, a ndzi swi tivi.”

Testamente Leyimpsha Xichangana

⁷⁰ Kambe Petrosi akaneta mahlweni ka hinkwavu, aku: “Lesvi usvivulaka, anisvitivi.”

Xitsonga (Bibele)

⁷⁰ Kambe yena a landzula emahlweni ka hinkwavo, a ku: “A ndzi tivi lexi u xi vulaka.”

Matewu 26:70 Referans Kwoze

1 Vakorinto 10:12

Hikokwalaho, loyi a anakanyaka leswaku wa ha yimile, a a tivonele leswaku a nga wi.

Nhlavutelo 21:8

Kambe loko ma ri matoya, ni lava alaka ku pfumela, ni lava endlaka swa manyala, ni vadlayi, ni vaoswi, ni vangoma, ni lava gandzelaka swikwembu swa hava, ni vahembi hinkwavo, xa vona ku ta va ku hoxiwa etiveni leri pfurhaka hi ndzilo ni xivavula, ri nga rona rifu ra vumbirhi.

Varhoma 11:20

Hiswona; ma phatluriwile hikwalaho ka ku kala ku pfumela; kutani wena u yima u tiyile hikwalaho ka ku pfumela. U nga tshuki u tikurisa ha swona, kambe chava!

Matewu 26:58

Petro a n'wi landza hi le kule, a ko a fika exivaveni xa Muprista lonkulu; loko a nghenile, a tshamisa ni malandza, leswaku a ta vona ku hela ka swona.

Matewu 26:56

Hambiswiritano, swilo leswi hinkwaswo swi humelerile leswaku ku hetiseka leswi tsariweke hi vaprofeta.” Hiloko vadyondzisiwa hinkwavo va n'wi siya, va tsutsuma.

Matewu 26:51

Hi nomu lo un'wana wa lava a va ri na Yesu, a hlomula banga ra yena, a ba nandza wa Muprista lonkulu, a n'wi tsema ndleve.

Yeremiya 17:9

“Miehleketo ya munhu ya kanganyisa, yi tshama yi borile! Yi nga tiva hi mani,

Esaya 57:11

“Loko mi kala mi vulavula mavunwa, i ncini lexi a xi mi chavisa ni ku mi rhurhumerisa xana? Mina mi ndzi rivarile, a ma ha ri na mhaka na mina. Xana leswi ku nga khale ndzi miyerile, mi to tshika ku ndzi chava xana?

Swivuriso 29:25

Ku chava munhu i ku tirhiyela ntlhamu, kambe loyi a tshembaka HOSI Xikwembu, ú hlayisekile.

Swivuriso 29:23

Ku tikukumuxa, swi vangela ku wa, kasi munhu wo titsongahata, ú ta dzunisiwa.

Swivuriso 28:26

Loyi a titshembaka ngopfu, i xiphunta, kasi loyi a fambaka evutlharini, yena ú ta pona.

Matewu 26:69

Petro a a tshamile ehandle exivaveni; kutani nandza un'wana wa wansati a ta ka yena, a ku: “Na wena, a wu ri na Yesu wa Galeliya.”

Matewu 26:71

Hiloko a huma, a ya yima enyangweni; kutani wansati un'wana a n'wi vona, a ku ka lava a va ri kwalaho: “Wanuna loyi a a ri na Yesu wa Nazareta.”

Luka 22:57

Kambe Petro a kaneta, a ku: “Wansati ndziwena, a ndzi n'wi tivi mina munhu loyi!”