Matewu 26:28 - BIBELE Mahungu Lamanene

²⁸ hikuva leswi i ngati ya mina, ngati ya ntwanano leyi halateriwaka lavo tala leswaku va rivaleriwa swidyoho.

Testamente Leyimpsha Xichangana

²⁸ hikuva leyi i ngati ya mina, ngati ya ntwananu leyihalateliwaka lava votala lesvaku varivaleliwa svijoho.

Xitsonga (Bibele)

²⁸ hikuva lexi, i ngati ya mina ya ntwanano lowuntshwa, leyi halateriwaka lavo tala eku rivaleriweni ka swidyoho.

Matewu 26:28 Referans Kwoze

Levhitika 17:11

Mhaka hileswaku vutomi bya xivumbiwa byi le ngatini ya xona. Kutani HOSI Xikwembu xi mi nyikile yona leswaku mi yi chela alitarini, mi tibasisa ha yona, hikuva ngati yi ni matimba yo basisa swidyoho hikwalaho ka vutomi lebyi byi nga ka yona.

Matewu 20:28

hi mukhuva lowu, N'wana-wa-Munhu a nga telanga ku tirheriwa, kambe ku tirhela van'wana ni ku nyiketa vutomi bya yena ku kutsula lavo tala.”

Nhlavutelo 7:14

Ndzi ku ka yena: “Swo tiva hi wena, Hosi yanga.” Hiloko a ku ka mina: “Lava, hi lava humaka eku xanisekeni lokukulu; va hlantswile tinguvu ta vona, va ti basisile hi ngati ya Xinyimpfana.

1 Vakorinto 11:25

Hi mukhuva wolowo, endzhaku ka loko va lalerile, a teka ni xinwelo, a ku: “Xinwelo lexi i ntwanano lowuntshwa lowu endliwaka hi ngati ya mina. Minkarhi hinkwayo loko mi nwela eka xona, swi endleni hi ku ndzi anakanya.”

1 Yohane 2:2

Hi yena mhamba ya swidyoho swa hina, naswona ku nga ri ya swidyoho swa hina ntsena, kambe ni swa vanhu va misava hinkwayo.

Vaheveru 13:20

Sweswi ke Xikwembu xa ku rhula lexi pfuxeke Hosi ya hina Yesu exikarhi ka vafi — yena loyi a nga Murisi Lonkulu wa tinyimpfu, la nga fungha ntwanano lowu nga heriki hi ngati ya yena —

Vaheveru 9:28

swi tano na Kriste: Ú nyiketiwile kan'we ku rhwala swidyoho swa lavo tala; hikokwalaho, ú ta humelela ra vumbirhi, ku nga ri ku ta susa swidyoho, kambe ku ta ponisa lava va n'wi languteleke hi ku hiteka.

Vaefesa 1:7

Hikuva, hi ku fa ka Kriste, ha kutsuriwa, hi rivaleriwa swidyoho swa hina. Tintswalo ta Xikwembu i tikulu ngopfu,

Zakariya 9:11

Xikwembu xi ku ka Vaisraele: “Ndzi endlile ntwanano na n'wina lowu funghiweke hi ngati, hikokwalaho ndzi ta ntshunxa vanhu va n'wina lava khomiweke, ndzi ta va humesa evukhumbini bya vona lebyi fanaka ni khele ro pfumala mati.

Vakolosa 1:14

loyi eka yena hi nga ni ku rivaleriwa ka swidyoho ni ku kutsuriwa.

Luka 22:19

A va a teka xinkwa, kutani loko a nkhensile, a xi phema, a va nyika a ku: “Leswi i miri wa mina, [lowu nyiketiwaka hikwalaho ka n'wina; endlani leswi hi ku ndzi anakanya.”

Vakolosa 1:20

ni ku endla leswaku, ha yena, swilo hinkwaswo swi vuyelelana na xona, hikuva hi yena Kriste la tiseke ku rhula hi ku fa ka yena exihambanweni; hinkwaswo, hambi la misaveni, hambi le matilweni, swi vuyelelana ni Xikwembu ha yena.

Varhoma 5:19

Naswona, kukotisa leswi lavo tala va hundzuriweke vadyohi hikwalaho ka munhu un'we la nga yingisangiki, hi mukhuva wolowo, hi ku yingisa ka munhu un'we, vanhu lavo tala va ta hundzuriwa va va lava lulameke.

Marka 14:24

A ku ka vona: “Leswi i ngati ya mina, ngati ya ntwanano, leyi halateriwaka lavo tala.

Yeremiya 31:31

HOSI Xikwembu xi ri: “Nkarhi wa ta lowu mina HOSI ndzi nga ta endla ntwanano lowuntshwa ni Vaisraele, hambi va ri va ka Yuda.

Nhlavutelo 7:9

Endzhaku ka sweswo, ndzi languta, kutani ndzi vona ntshungu lowukulu wa vanhu; a ku nga ri na un'we la kotaka ku va hlaya. A va huma ematikweni hinkwawo, ni le tinxakeni hinkwato, va ri va swivongo hinkwaswo ni va tindzimi hinkwato. A va yimile emahlweni ka xiluvelo ni le mahlweni ka Xinyimpfana va ambele tinguvu to leha leto basa, va tamele mincindzu emandleni ya vona.

Varhoma 5:15

Kambe ntirho wa tintswalo lowu tirhiweke hi Xikwembu a wu ringanisiwi ni nandzu lowu nga endliwa hi Adamu; hikuva, loko nandzu wa munhu un'we ntsena wu dlayisile vanhu lavo tala, tintswalo ta Xikwembu ni nyiko ya tintswalo leyi teke hi munhu un'we ntsena a nga Yesu Kriste, swi tlurisile ngopfu-ngopfu hi ku andzela vanhu lavo tala.

Marka 1:4

Yohane Mukhuvuri ú humelerise xisweswo emananga a ri karhi a huwelela, a byela vanhu ku hundzuka va khuvuriwa, leswaku Xikwembu xi va rivalela swidyoho swa vona.

Matewu 6:12

u hi rivalela swidyoho swa hina, tanihi loko na hina hi rivalela lava hi dyohelaka;

Matewu 26:27

Kutani a teka xinwelo, a nkhensa, a va nyika xona a ku: “Nwelani ka xona hinkwenu;

Matewu 26:29

Kambe ndzi ri ka n'wina: Ku sukela sweswi, a ndzi nga ha nwi kambe swa mihandzu ya vhinya, ku ko ku fika siku leri ndzi nga ta swi nwa na n'wina swi ri leswintshwa, eMfun'weni wa Tata wa mina.”

Luka 22:20

Hi mukhuva wolowo, a teka xinwelo loko va lalerile, a ku: “Xinwelo lexi i ntwanano lowuntshwa engatini ya mina, leyi halatiwaka hikwalaho ka n'wina.]

Vaheveru 10:29

Kutani, xana mi ehleketa yini hi munhu loyi a soleke N'wana wa Xikwembu, a nga vuli nchumu hi ngati ya ntwanano leyi a nga hlawulekisiwa ha yona, a tlhela a rhuketela Moya wa tintswalo, xana? Xana yena ú ta biwa hi nkhavi lowo vavisa ku yini?