Matewu 25:40 - BIBELE Mahungu Lamanene

⁴⁰ Hosi yi ta va hlamula, yi ku: ‘Ndzi tiyisile ndzi ri ka n'wina, loko mi tshame mi endla swilo leswi eka un'wana wa vamakwerhu lavatsongo lava, mi swi endlele mina.’

Testamente Leyimpsha Xichangana

⁴⁰ “Hosi yitavahlamula, yiku: ‘Nitiyisile nili ka n'wina, lokomitshama misviyendla svilo lesvi ka mun'we wa vamakwerhu lavatsongo lava, misviyendlele mina.’”

Xitsonga (Bibele)

⁴⁰ Hosi yi ta va hlamula, yi ku: ‘Ndzi vurisile ndzi ri eka n'wina: Leswi loko mi swi endlile eka lontsongo wa vamakwerhu, mi swi endlele mina.’

Matewu 25:40 Referans Kwoze

Swivuriso 19:17

Ku nyika xisiwana, i ku lomba HOSI Xikwembu, kutani HOSI Xikwembu xi ta ku tlherisela hinkwaswo.

Swivuriso 14:31

Loyi a xanisaka xisiwana, ú le ku rhuketeleni ka Mutumbuluxi wa xona, kasi loyi a nga ni tintswalo eka vapfumari, ú dzunisa Muvumbi.

Matewu 10:42

Ndzi tiyisile ndzi ri ka n'wina: Un'wana ni un'wana la nyikaka hambi wu ri ndzheko wa mati yo titimela eka un'wana wa lavatsongo lava, hi ku tiva leswaku i mudyondzisiwa wa mina, a nga ka a nga pfumari hakelo ya yena.”

Marka 9:41

Ndzi tiyisile ndzi ri ka n'wina, munhu loyi a mi nyikaka ndzheko wa mati hi leswi mi vuriwaka va ka Kriste, a nga ka a nga pfumali hakelo ya yena.

1 Petro 1:22

Leswi mi basiseke mimoya ya n'wina hi ku yingisa ntiyiso ni ku rhandza vamakwenu hi rirhandzu ra xiviri, rhandzanani swinene hi timbilu ta n'wina hinkwato.

Vagalatiya 5:6

Hikuva eka Kriste Yesu, ku yimba kumbe ku va munhu wo ka a nga yimbanga, a swi vuli nchumu, kambe lexi nga xona i ku pfumela loku tirhaka hi rirhandzu.

Vagalatiya 5:22

Kasi mihandzu ya Moya i rirhandzu, ni ku tsaka, ni ku rhula, ni ku leha mbilu, ni vunene, ni ku hanana, ni ku tshembeka,

Matewu 10:40

“Loyi a mi rhurhelaka, wa ndzi rhurhela; ni loyi a ndzi rhurhelaka, ú rhurhela la ndzi rhumeke.

Matewu 18:10

“Tilanguteleni leswaku mi nga sandzi un'wana wa lavatsongo lava; hikuva ndza mi byela leswaku tintsumi ta vona le matilweni ti tshama ti langutile mombo wa Tata wa mina la nge matilweni, masiku hinkwawo. [

1 Yohane 4:20

Loko un'wana a ku: “Ndzi rhandza Xikwembu”, kambe a venga makwavo, i muhembi; hikuva la nga rhandziki makwavo loyi a n'wi vonaka hi mahlo, a nge koti ku rhandza Xikwembu lexi a nga xi voniki.

Vaheveru 6:10

Hikuva Xikwembu a xi na mona, xi nga ka xi nga rivali ntirho wa n'wina ni rirhandzu leri mi ri kombeke hi vito ra xona, hi ku tirhela vahlawuriwa va xona, hilaha mi swi endlaka hakona nisweswi.

Vaefesa 5:30

hikuva hina hi swirho swa miri wa yena. Matsalwa ma vula sweswo, ma ri:

Vagalatiya 5:13

Loko a ri n'wina vamakwerhu, mi vitaniwile leswaku mi va lava ntshunxekeke; kambe mi nga teki ku ntshunxeka ka n'wina, mi ku hundzula mpfumelelo wo endla leswi ntumbuluko wa n'wina wa laha misaveni wu swi navelaka; ematshan'wini ya sweswo, tirhelanani hi rirhandzu.

2 SAMIELE 9:7

Kutani Davhida a ku ka yena: “U nga chavi, hikuva ndzi lava ku ku komba tintswalo hikwalaho ka tata wa wena Yonatani: Ndzi ta ku tlherisela masimu hinkwawo ya kokwa wa wena Sawulo; tlhandlakambirhi, u ta dya na mina laha ntsindza masiku hinkwawo.”

Varhoma 8:29

Hikuva lava xi va tiveke ka ha ri ku sunguleni, xi lulamisile ka ha ri khale leswaku va ta vonaka va ri lava fanaka ni N'wana wa xona, ni leswaku a va yena wa mativula exikarhi ka vamakwavo lavo tala.

Matewu 28:10

Hiloko Yesu a ku ka vona: “Mi nga chaveni, fambani mi ya lerisa vamakwerhu leswaku va ya eGaleliya; va ta ndzi vona kona.”

Matewu 25:34

“Hi laha Hosi yi nga ta byela lava nge vokweni ra yona ra xinene yi ku: ‘Tanani n'wina lava katekisiweke hi Tata wa mina, amukelani Mfumo lowu nga lunghiseriwa n'wina hi mpfhuka misava yi tumbuluka;

2 SAMIELE 9:1

Siku rin'wana, Davhida a ku: “Xana ú kona munhu wa rixaka ra Sawulo loyi a ha hanyaka xana? Ndzi lava ku n'wi komba tintswalo, hikwalaho ka Yonatani.”

2 Vakorinto 4:5

Hina a hi titwarisi, kambe hi twarisa Kriste Yesu, hi ku: I Hosi! Kutani hina hi tivula malandza ya n'wina hikwalaho ka Yesu.

Yohane 20:17

Yesu a ku ka yena: “U nga ndzi khumbi, hikuva a ndzi si tlhandlukela eka Tatana; kambe yana eka vamakwerhu, u ya va tivisa leswaku ndzi tlhandlukela eka Tata wa mina, a nga Tata wa n'wina, eka Xikwembu xa mina, xi nga Xikwembu xa n'wina.”

2 TIHOSI 4:10

A hi n'wi lulamiseleni xikamarana xa xithezi, hi nghenisa sangu ni tafula ni xitshamu ni rivoni, leswaku a ta hamba a wisa kona, masiku hinkwawo loko a hi endzela.”

Matewu 25:39

Hi ku vone rini u ri karhi u vabya, kumbe u ri ekhotsweni, kutani hi ta hi ta ku kamba ke?’

Matewu 25:45

Kutani Hosi yi ta va hlamula, yi ku: ‘Ndzi tiyisile ndzi ri ka n'wina, loko mi nga endlelanga un'wana wa lavatsongo lava, na mina a mi ndzi endlelanga.’

Luka 19:38

“A ku dzunisiwe Mufumi la taka hi vito ra Hosi! Ku rhula a ku ve ematilweni, ni ku kwetsima ematilweni ya le henhla-henhla!”

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi, ni Mufumi wa vafumi; ni malandza ya xona lama vitaniweke, lama hlawuriweke ni lama tshembekaka, xi ta ma nyika ku hlula.”

Nhlavutelo 19:16

Engubyini ya yena ni le ndzhumbyini wa yena, ku tsariwile vito leri nge: “Mufumi wa vafumi ni Hosi ya tihosi.”

Yeremiya 39:17

Kambe loko a ri wena, mina HOSI ndzi ri, a ndzi nga ku nyiketi emavokweni ya lava u va chavaka,