Matewu 25:30 - BIBELE Mahungu Lamanene

³⁰ Loko a ri nandza loyi, wo ka a nga pfuni nchumu, n'wi cukumeteni ehandle emunyameni; kona ku ta va ni minkosi, ni ku getsela ka meno.’

Testamente Leyimpsha Xichangana

³⁰ Loko ali xitirhi lexi, xokala xingapfuni nchumu, xicukumeteni handle munyameni; kona kutava ni minkosi, ni kuketsela ka matinyo.

Xitsonga (Bibele)

³⁰ Cukumetani nandza lowo loloha emunyameni wa le handle, laha swirilo swi nga ta va kona, ni ku getsela ka meno.’

Matewu 25:30 Referans Kwoze

Matewu 8:12

Kambe lava Mfumo a wu ri wa vona, va ta cukumetiwa handle emunyameni, laha ku nga ta va ni minkosi ni ku getsela ka meno.”

Matewu 22:13

Hiloko hosi yi ku ka malandza: ‘N'wi boheni milenge ni mavoko, mi n'wi cukumeta ehandle munyameni laha ku nga ta va ni minkosi ni ku getsela ka meno.’ ”

Matewu 13:50

ti va cukumeta ekheleni ra ndzilo, laha minkosi yi nga ta va kona, ni ku getsela ka meno.

Yuda 1:13

i magandlati yo leva ya lwandle; mintirho ya vona ya tingana yi tlutlha ku fana ni xikhuvi; i tinyeleti ta vurhurha-rhurha leti hlayiseriweke munyama lowukulu ngopfu, hilaha ku nga heriki.

Tito 3:14

Varikwerhu a va dyondze ku chivirikela mintirho leyinene, va ta pfuna lomu ku pfumariwaka ngopfu; va nga tshuki va hanya vutomi lebyi nga pfuniki nchumu.

Yohane 15:6

Un'wana ni un'wana la nga tshamiki eka mina, wa cukumetiwa ehandle tanihi rhavi leri omeke. Marhavi layo tano ma hlengeletiwa, kutani ma hoxiwa endzilweni ma tshwa.

Luka 13:28

Enkarhini wolowo, mi ta rila mi getsela ni meno, loko mi vona Abrahama, na Isaka, na Yakobo, va tshamile eMfun'weni wa Xikwembu va ri ni vaprofeta hinkwavo, kasi n'wina mi cukumetiwile ehandle.

Matewu 24:51

kutani n'wini wa nandza loyi ú ta n'wi ba swinene, a n'wi cukumeta kun'we ni vakanganyisi, laha ku nga ta va ni minkosi, ni ku getsela ka meno.

Matewu 13:42

ti va cukumeta ekheleni ra ndzilo, laha minkosi yi nga ta va kona, ni ku getsela ka meno.

Nhlavutelo 21:8

Kambe loko ma ri matoya, ni lava alaka ku pfumela, ni lava endlaka swa manyala, ni vadlayi, ni vaoswi, ni vangoma, ni lava gandzelaka swikwembu swa hava, ni vahembi hinkwavo, xa vona ku ta va ku hoxiwa etiveni leri pfurhaka hi ndzilo ni xivavula, ri nga rona rifu ra vumbirhi.

2 Petro 2:17

Vanhu lava i swihlovo swo pfumala mati; i hunguva leyi fambisiwaka hi bubutsa; munyama lowukulu ngopfu wu va languterile.

Matewu 5:13

“N'wina mi munyu wa misava; kambe loko munyu wu phyama, ku dzunga ka wona ku ta pfuxetiwa hi yini ke? A wa ha pfuni nchumu, loko ku nga ri ku cukumetiwa ehandle, wu kandziyeriwa hi vanhu.

Matewu 3:10

Nisweswi xihloka xi vekiwile etimitswini ta mirhi; murhi wun'wana ni wun'wana lowu nga vekiki mihandzu leyinene, wu ta tsemiwa wu hoxiwa endzilweni.

Pisalema 112:10

Lavo homboloka va swi vona, kutani va kariha, va mpfhumpfhela lavo lulama, kambe va hela ntamu, makungu ya vona ma helela empfhukeni.