Matewu 24:24 - BIBELE Mahungu Lamanene

²⁴ Hikuva ku ta humelela Vamesiya va mavunwa, ni vaprofeta va mavunwa, va ta endla mahlori lamakulu ni swihlamariso, ku xisa hambi va ri vona vahlawuriwa va Xikwembu, loko swi endleka.

Testamente Leyimpsha Xichangana

²⁴ Hikuva kutahumelela va kriste va mavunhwa, ni vaprofeta va mavunhwa, vatayendla mahlori lamakulu ni svihlamaliso, kukanganyisa hambi valivona vahlawuliwa va Xikwembu, loko svikoteka.

Xitsonga (Bibele)

²⁴ Hikuva ku ta humelela lava tivulaka Kriste hi vunwa, kambe vaprofeta va mavunwa va ta endla masingita lamakulu, ni mahlori lama nga ta hambukisa na vona vahlawuriwa, loko swi nga koteka.

Matewu 24:24 Referans Kwoze

Marka 13:22

hikuva ku ta humelela Vamesiya va mavunwa, ni vaprofeta va mavunwa; va ta endla mahlori ni swihlamariso ku hambukisa na vona vahlawuriwa va Xikwembu, loko swi endleka.

Matewu 24:11

Ku ta humelela vaprofeta va mavunwa lavo tala, va ta xisa vanhu lavo tala.

Matewu 7:15

“Tivoneleni eka vaprofeta va mavunwa lava taka ka n'wina va ambele tanihi tinyimpfu, kasi etimbilwini ta vona, i timhisi leti bvanyengetaka.

Matewu 24:5

Hikuva lavo tala va ta ta hi vito ra mina, un'wana ni un'wana a ku: ‘Hi mina Mesiya’, kutani va ta xisa lavo tala.

2 Petro 3:17

Hikokwalaho n'wina varhandziwa, leswi mi tivaka mhaka leyi hi nkarhi, tivoneleni, hikuva mi nga tshuka mi humile endleleni hi ku yengiwa hi lavo homboloka, kutani mi lahlekeriwa hi ku tiya ka n'wina.

Duteronoma 13:1

“Siku rin'wana, ku nga tshuka ku humelela muprofeta kumbe muhlamuseri wa milorho exikarhi ka n'wina, kutani va mi endlela mahlori kumbe swihlamariso.

Nhlavutelo 19:20

Xivandzana xi khomiwa, ku khomiwa ni muprofeta wa mavunwa loyi a a endla masingita emahlweni ka xona (hi masingita lawa, a a xisa lava a va ri ni mfungho wa xivandzana ni lava a va gandzela xifaniso xa xona). Kutani xivandzana ni muprofeta wa mavunwa va hoxiwa swin'we va ha hanya etiveni ra ndzilo lowu pfurhaka wu ri ni xivavula.

1 Yohane 5:18

Ha swi tiva leswaku un'wana ni un'wana la tswariweke hi Xikwembu, a nga ha tshameli ku dyoha, hikuva ú hlayisiwa hi N'wana wa Xikwembu, kutani Lowo biha a nga n'wi khumbi.

2 Timotiya 2:19

Hambiswiritano, masungulo layo tiya lama vekiweke hi Xikwembu a ma tsekatseki; ma tiyisiwa hi rito leri nge: “Hosi yi tiva lava nga va yona.” Naswona: “Un'wana ni un'wana loyi a vulaka vito ra Hosi, a a tshike leswo homboloka.”

Yohane 6:39

Kutani ku rhandza ka Loyi a ndzi rhumeke, hileswaku ndzi nga lahlekeriwi hi lava a ndzi nyikeke vona, hambi a ri un'we ntsena, kambe ndzi va pfuxa hi siku ra makumu.

Yohane 6:37

Hinkwavo lava Tatana a ndzi nyikaka vona, va ta ta ka mina; ni loyi a taka ka mina, ndzi nga ka ndzi nga n'wi cukumeteli handle.

1 Petro 1:5

n'wina lava mi pfumeleke, kutani mi hlayisiwa hi matimba ya Xikwembu, leswaku mi ta kuma ku ponisiwa loku yimeleke ku kombisiwa enkarhini wa makumu.

Vagalatiya 4:15

Ku lo humelela yini, leswi khale a mi tshama mi tsakile? Hikuva ndzi nga tiyisa leswaku, loko onge ka ha ri khale ka n'wina, a mi ta va mi tixokole na mahlo mi ndzi nyika wona loko swi endleka.

Varhoma 12:18

Endlani hinkwaswo leswi mi swi kotaka, hi tlhelo ra n'wina, ku hanyisana ni vanhu hinkwavo hi ku rhula.

Timhaka 20:16

Pawulo a a bohile makungu ya ku hundza ntsena a nga ngheni le Efesa, leswaku a nga hundzeriwi hi nkarhi a ha ri etikweni ra Asiya; hikuva a a ringeta ku hatlisa a fika eYerusalema hi siku ra Pentekosta, loko swi endleka.

Esaya 9:15

Nhloko, i nkulukumba kumbe munhu wo chaviseka; muprofeta loyi a dyondzisaka mavunwa, hi yena ncila;

Matewu 22:14

Kutani Yesu a ku: “Lava vitaniwaka va tele, kambe lava hlawuriwaka a hi vangani.”

Matewu 24:22

Loko masiku walawo a ma nga hungutiwanga, a ku nga ta pona munhu, kambe hikwalaho ka vahlawuriwa va Xikwembu, masiku ya kona ma ta hungutiwa.

Matewu 24:25

Maswivo, ndzi mi byerile timhaka leti, ti nga si humelela;

Matewu 24:31

Hi mpfumawulo lowukulu wa mhalamhala, ú ta rhuma tintsumi ta yena; ti ta hlengeleta vahlawuriwa va yena, va huma ematlhelweni ya mune ya misava, ku sungula emakun'wini man'wana ya tilo ku ya fika eka laman'wanyana.

Luka 18:7

Kutani, xana Xikwembu a xi nga avanyiseri vahlawuriwa va xona, ni ku va lehisela mbilu, vona lava huwelelaka eka xona vusiku ni nhlekanhi, xana?

Yohane 4:48

Kutani Yesu a ku ka yena: “Loko mi nga voni mahlori ni swihlamariso, a mi swi koti ku pfumela.”

1 Yohane 2:18

N'wina vana, nkarhi wa makumu wu fikile, kutani kukotisa leswi mi tweke leswaku Nala wa Kriste wa ta, sweswi Valala va Kriste lavo tala va humelerile; hikokwalaho, ha tiva leswaku i nkarhi wa makumu.

1 Yohane 2:22

Munhu wa vunwa i mani xana, loko a nga ri loyi a kanetaka leswaku Yesu i Mesiya? Munhu wo tano, hi ye Nala wa Kriste, loyi a landzulaka Tatana ni N'wana.