Matewu 23:8 - BIBELE Mahungu Lamanene

⁸ “Loko mi ri n'wina, mi nga tshuki mi vitaniwa hi vito ra ‘Mudyondzisi’, hikuva Mudyondzisi wa n'wina i un'we ntsena; n'wina hinkwenu mi vamakwavo.

Testamente Leyimpsha Xichangana

⁸ “Loko mili n'wina, mingatshukeni mitivitanisa hi vito ra ‘Mujondzisi’, hikuva Mujondzisi wa n'wina i mun'we ntsena; n'wina hinkwenu mi vamakwavu.

Xitsonga (Bibele)

⁸ Kambe n'wina mi nga tshuki mi vuriwa Rabi, hikuva mufundhisi wa n'wina i un'we; kutani n'wina hinkwenu mi vamakwenu.

Matewu 23:8 Referans Kwoze

Yakobo 3:1

Vamakwerhu, a swi fanelanga leswaku lavo tala exikarhi ka n'wina va hundzuka vadyondzisi, hikuva ma swi tiva leswaku ku avanyisiwa ka hina vadyondzisi, ku ta tika ku tlula ku avanyisiwa ka vanhu lavan'wana.

1 Petro 5:3

Mi nga tshuki mi fuma lava mi nga nyikiwa vona ku va risa, kambe mi boxela ntlhambi entila lowunene.

Luka 22:32

kambe mina ndzi ku khongelerile, leswaku ku pfumela ka wena ku nga tshuki ku titivala. Kutani wena, loko u ta va u hundzukile, u ta tiyisa vamakwenu.”

Matewu 23:10

Naswona mi nga tshuki mi tsakela ku vuriwa ‘Varhangeri’, hikuva Murhangeri wa n'wina i un'we ntsena, a nga yena Mesiya.

Matewu 17:5

A ku a ha vulavula, papa lero vangama ri humelela, ri va funengeta; kutani ku twala rito leri humaka epapeni, ri ku: “Loyi i N'wananga la rhandzekaka, loyi ndzi n'wi tsakelaka, n'wi yingiseni!”

Nhlavutelo 1:9

Mina Yohane, ndzi makwenu ni nakuloni hikwalaho ka Yesu, hikuva ndzi tiyisela ku fana na n'wina emaxangwini ya vanhu lava Mfumo wu nga wa vona. Ndzi yisiwile exihlaleni lexi vuriwaka Patmosi, hi mhaka ya leswi ndzi nga haxa Rito ra Xikwembu ni ku tiyisa vumbhoni bya Yesu.

Nhlavutelo 22:9

Kambe yi ku ka mina: “U nga tshuki u endla sweswo! Mina ndzi nandza ntsena, kukota wena ni vamakwenu, va nga vaprofeta ni hinkwavo lava hlayisaka marito ya buku leyi. Gandzela Xikwembu!”

Nhlavutelo 19:10

Kutani ndzi nkhinsama ni ku korhama emilengeni ya yena ku ta yi gandzela, kambe yi ku ka mina: “U nga tshuki u endla sweswo, mina ndzi nandza ntsena, kukota wena ni vamakwenu lava hlayisaka vumbhoni lebyi humesiweke hi Yesu. Gandzela Xikwembu!” Vumbhoni lebyi humesiweke hi Yesu, hi wona mongo wa vuhlavuteli.

Vaefesa 3:15

loyi ndyangu wun'wana ni wun'wana, ematilweni ni la misaveni, wu vuriwaka “wa tatana” hikwalaho ka yena.

2 Vakorinto 4:5

Hina a hi titwarisi, kambe hi twarisa Kriste Yesu, hi ku: I Hosi! Kutani hina hi tivula malandza ya n'wina hikwalaho ka Yesu.

2 Vakorinto 1:24

A hi leswaku hina hi fuma ku pfumela ka n'wina, kambe hi tirhisana na n'wina leswaku mi ta kuma ku tsaka, hikuva mi tiyile eku pfumeleni.

Matewu 26:49

Hiloko Yudasi a ta, a hatla a kongoma Yesu, a ku: “Xewani Mufundhisi!” kutani a n'wi ntswontswa.

Matewu 10:25

Swi lulamile loko mudyondzisiwa a nga hundzuka la fanaka ni mudyondzisi wa yena, ni loko nandza a hundzuka la fanaka ni n'wini wa yena. Loko n'wini wa yindlu va n'wi vurile Belzebule, va yindlu ya yena va ta vuriwa swo biha ku tlula sweswo ngopfu.

Matewu 23:7

va tsakela ku xewetiwa hi mafundzha emintsendzeleni, ni ku vitaniwa hi vito ra ‘Mudyondzisi’ hi vanhu.

Matewu 26:25

Na yena Yudasi la n'wi xengaka a ku: “A ndzi ri, a wu vuli mina, Mufundhisi!” Yesu a ku ka yena: “Ku vula wena sweswo!”

Marka 9:5

Hiloko Petro a ku ka Yesu: “Mufundhisi, swi sasekile loko hi ri kwala; a hi akeni mintsonga minharhu, wun'wana wa wena, wun'wana wa Muxe, wun'wana wa Eliya.”

Marka 10:51

Kutani Yesu a n'wi vutisa a ku: “U lava yini? Ndzi nga ku pfuna hi yini?” Lowo-fe-mahlo a ku ka yena: “Mufundhisi, ndzi navela ku tlhela ndzi vona!”

Marka 11:21

Petro a tsundzuka leswi humeleleke, a ku ka Yesu: “Mufundhisi, vona, nkuwa lowu u nga wu rhuketela wu omile.”

Marka 14:45

Kuteloko a fika, a hatla a n'wi kongoma, a ku: “Mufundhisi!” Kutani a n'wi ntswontswa.

Yohane 1:38

Loko Yesu a hundzuluka, a va vona va ri karhi va n'wi landza, kutani a va vutisa a ku: “Mi lava yini xana?” Va ku ka yena: “U tshama kwihi, Rabi” (hileswaku Mudyondzisi)?

Yohane 1:49

Nataniele a n'wi hlamula, a ku: “Rabi, u N'wana wa Xikwembu, u Hosi ya Israele.”

Yohane 3:2

Siku rin'wana, ú tile eka Yesu ni vusiku, a fika a ku: “Mufundhisi, ha swi tiva leswaku u mudyondzisi la humaka eka Xikwembu, hikuva a ku na munhu la nga endlaka mahlori lawa u ma endlaka, loko Xikwembu xi nga ri na yena.”

Yohane 3:26

Hiloko va ta eka Yohane, va ku ka yena: “Vona Mufundhisi, munhu loyi a wu ri na yena entsungeni wa Yordani, loyi u nga vula vumbhoni ehenhla ka yena, wa karhi wa khuvula na yena, kutani hinkwavo va khitikana va ya eka yena.”

Yohane 4:31

Enkarhini wolowo vadyondzisiwa va yena va n'wi khongotela, va ku: “Mufundhisi, wa nga dya!”

Yohane 6:25

Kuteloko va n'wi kumile entsungeni wa lwandle, va ku ka yena: “Mufundhisi, u tile rini la?”

Yohane 9:2

Kutani vadyondzisiwa va yena va n'wi vutisa, va ku: “Mufundhisi, i xidyoho xa mani lexi endleke leswaku munhu loyi a velekiwa a nga voni: I xa yena kumbe i xa vatswari va yena xana?”

Yohane 11:8

Vadyondzisiwa va ku ka yena: “Mufundhisi, ku nga ri khale, Vayuda a va lava ku ku khandla hi maribye. Xana wa ha lava ku tlhelela kona ke?”

Yohane 20:16

Yesu a ku ka yena: “Mariya!” Yena a hundzuluka, a ku ka Yesu, hi ririmi ra Xiheveru: “Rabuni!” (hileswaku “Mudyondzisi”).

Filemoni 1:16

a nga ha ri hlonga, kambe a ri la tlulaka hlonga hi xiyimo, a va makwavo la rhandzekaka; eka mina, ú rhandzeka swinene, kambe eka wena, ú ta rhandzeka ku tlula sweswo, a ri munhu, ni makwenu eHosini.