Matewu 22:43 - BIBELE Mahungu Lamanene

⁴³ A ku ka vona: “Loko swi ri tano, hikwalaho ka yini Davhida a kombisiwile hi Moya ku vula leswaku Mesiya i N'wini wa hinkwaswo ke? Hakunene Davhida ú te:

Testamente Leyimpsha Xichangana

⁴³ Aku ka vona: “Loko svilitano, hikolaho ka yini Davhida lweyi avulavulaka hi Moya, amuvitana Hosi, loko aku:

Xitsonga (Bibele)

⁴³ Yena a ku eka vona: “Loko swi ri tano, xana Davhida u n'wi vurise ku yini Hosi hi Moya loko a te:

Matewu 22:43 Referans Kwoze

2 SAMIELE 23:2

Moya wa HOSI Xikwembu wu tirhisa mina ku vulavula, rito ra xona ri le non'wini wa mina.

Nhlavutelo 4:2

Kan'we-kan'we ndzi tela hi Moya, kutani ndzi vona xiluvelo xi ri etilweni. A ku tshamile un'wana exiluvelweni xa kona.

Nhlavutelo 1:10

Kutani, hi siku ra Hosi, ndzi tela hi Moya, ndzi twa rito leri huwelelaka hi le ndzhaku ka mina, ri pfuma kukota nanga,

2 Petro 1:21

Hikuva ku hava rito ni rin'we ra vaprofeta leri teke hi ku titwa ka munhu, kambe vanhu lava susumetiweke hi Moya lowo Kwetsima, va vurile leswi humaka eka Xikwembu.

Vaheveru 3:7

Hikokwalaho, swi fana ni leswi vuriwaka hi Moya lowo Kwetsima loko wu ku: “Namuntlha, loko mi twa rito ra Xikwembu,

Timhaka 1:16

“N'wina varikwerhu, a swi fanele leswaku Tsalwa ri hetiseka, leri Moya lowo Kwetsima wu nga ri vula hi nomo wa Davhida, ehenhla ka Yudasi loyi a a ri mufambisi wa lava khomeke Yesu.

Marka 12:36

Kasi yena Davhida ú vurile hi Moya lowo Kwetsima, a ku: “ ‘Hosi Xikwembu xi te ka N'wini wanga: Tana u ta tshama evokweni ra mina ra xinene, ndzi ko ndzi veka valala va wena ehansi ka minkondzo ya wena.’

1 Vakorinto 12:3

Hikokwalaho, ndza mi tsundzuxa ndzi ri, munhu la fambisiwaka hi Moya wa Xikwembu, a nga ka a nga vuli a ku: “Yesu a a rhukaniwe!” Naswona a ku na munhu la nga vulaka a ku: “Yesu i Hosi!” loko a nga ri la fambisiwaka hi Moya lowo Kwetsima.