Matewu 22:12 - BIBELE Mahungu Lamanene

¹² kutani yi ku ka yena: ‘Nakulorhi, u nghenise ku yini la, u nga ri na xiambalo xa nkhuvo?’ Yoloye a miyela.

Testamente Leyimpsha Xichangana

¹² kutani yiku ka yena: ‘Nakulorhi, unghenise kuyini laha, na ungali na xiyambalu xa muchado?’ Yena amiyela aku tititi.

Xitsonga (Bibele)

¹² yi ku eka yena: ‘Nakulorhi, u nghenise ku yini la, u nga ri na nguvu ya nkhuvo?’ Yeloyi a miyela.

Matewu 22:12 Referans Kwoze

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

Matewu 20:13

A hlamula un'wana wa vona, a ku: ‘Nakulorhi, a ndzi ku dyelelanga; xana a wu twanananga na mina ku hakeriwa denari yin'we ke?

Ntirho 5:16

Hikokwalaho xisiwana xi nyikiwa ku tshemba, kambe lavo homboloka va pfariwa milomo.

1 SAMIELE 2:9

HOSI yi ta hlayisa vutomi bya lava va yi tshembaka, kambe lavo biha va ta nyamalala emunyameni, hikuva munhu a nga ka a nga khani hi matimba ya yena.

Tito 3:11

hikuva wa swi tiva leswaku munhu lowo tano ú onhakile, kutani swidyoho swa yena swi komba leswaku ú humile endleleni.

Matewu 26:50

Yesu a ku ka yena: “Nakulorhi, leswi u nga tela swona, swi endle.” Hiloko va tshinelela Yesu, va tshambuluta mavoko va n'wi khoma.

Yeremiya 2:26

“Loko khamba ri khomiwile, ri ta va ni tingana; kutani na vona Vaisraele va ta khomiwa hi tingana, vona, ni tihosi ta vona, ni varhangeri va vona, ni vaprista va vona, ni vaprofeta va vona.

Yeremiya 2:23

“Mi nga vuli mi ku: ‘A hi tinyamisanga, a hi khongelanga swikwembu swa Baali!’ Tsundzukani hilaha mi dyoheke hakona eminkoveni, anakanyani leswi mi swi endleke: A mi tsutsuma mi ya hala ni hala ku fana ni kamela ya ntswele leyi lavaka nkuzi.

Pisalema 107:42

Vanhu vo lulama va ta swi vona, va tsaka, kambe lavo homboloka hinkwavo va ta pfumala lexi va nga xi vulaka.

Varhoma 3:19

Ha swi tiva leswaku hinkwaswo leswi Nawu wu vulaka swona, swi kongoma lava nge hansi ka wona, leswaku vanhu hinkwavo va pfariwa milomo, ni leswaku misava hinkwayo yi yisiwa eku avanyisiweni emahlweni ka Xikwembu.

Matewu 5:20

Hikuva ndza mi byela, ndzi ri: Loko ku lulama ka n'wina ku nga tluri ku lulama ka vatsari ni ka Vafarisi, a mi nga ngheni eMfun'weni wa matilo.