Matewu 20:19 - BIBELE Mahungu Lamanene

¹⁹ va ta n'wi nyiketa eka vamatiko leswaku vona va tlanga hi yena, va n'wi ba hi minkhavi ni ku n'wi vamba exihambanweni; kutani, hi siku ra vunharhu, ú ta pfuka eku feni.”

Testamente Leyimpsha Xichangana

¹⁹ vatamunyiketa ka vamatiko lesvaku vona vatlanga hi yena, vamuba hi timpsika ni kumuvamba xihambanwini; kutani, hi siku ra vunharhu, atapfuka kufeni.”

Xitsonga (Bibele)

¹⁹ naswona va ta n'wi nyiketa eka vahedeni leswaku va n'wi tseketsela, va n'wi ba hi mikhavi, ni ku n'wi vamba exihambanweni, kutani hi siku ra vunharhu u ta pfuka.”

Matewu 20:19 Referans Kwoze

Matewu 16:21

Ku sukela nkarhini wolowo Yesu a sungula ku tivisa vadyondzisiwa va yena leswaku ú fanele ku ya eYerusalema, a twisiwa ku vaviseka lokukulu hi vakulukumba ni vaprista lavakulu ni vatsari, a dlawa, a tlhela a pfuka eku feni hi siku ra vunharhu.

Timhaka 2:23

hi yena loyi a nga nyiketiwa, hi makungu lama tiyeke ya Xikwembu ni ku tiva ka xona ka khale; kutani mi n'wi dlayile hi mavoko ya vanhu lavo homboloka lava nga n'wi vamba exihambanweni.

Hosiya 6:2

Xi ta hi horisa hi masiku ma nga ri mangani, xi ta hi pfuxa emasangwini, kutani hi ta hanya emahlweni ka xona.

Esaya 53:3

Vanhu a va n'wi langutela hansi, va nga n'wi amukeli. A a ri munhu wa mahlomulo, loyi a kombiwaka maxangu; vanhu a va nga lavi na ku n'wi vona, kutani hina a hi n'wi sola, hi nga ri na mhaka na yena.

Esaya 26:19

Va ka hina lava feke, va ta tlhela va hanya, va ta huma emasirheni ya vona; hinkwavo lava nga hansi emisaveni, va ta yima va yimbelela hi ntsako, hikuva we HOSI Xikwembu, u fana ni mberha leyi hanyisaka swimilana: U ta endla leswaku lava feke khale, va tlhela va hanya.

Pisalema 35:16

Vanhu lava vo homboloka, va ndzi hlekula wonge ndzo va ni malunda, va ndzi mpfhumpfhela!

Timhaka 21:11

A ta ka hina, a teka banti ra Pawulo, a tiboha mavoko ni milenge ha rona, a ku: “Moya lowo Kwetsima wu vula leswi: Wanuna loyi banti leri ri nga ra yena, Vayuda va ta n'wi bohisa xisweswo eYerusalema, va n'wi nyiketa emavokweni ya vamatiko.”

Timhaka 4:27

“Hikuva kunene Heroda, na Pontiyo Pilato, ni vamatiko, ni tinxaka ta Israele, va hlangene kun'we emutini lowu ku lwa na Yesu nandza wa wena la hlawulekeke, loyi u nga n'wi endla Mesiya;

Luka 24:46

Kutani a ku ka vona: “Matsalwa ma vurisile ma te: ‘Mesiya ú ta twisiwa ku vaviseka, a tlhela a pfuka eku feni hi siku ra vunharhu.

Luka 23:11

Hiloko Heroda a n'wi sandza, ni ku n'wi tseketsela a ri ni masocha ya yena; kuteloko a n'wi ambexile nguvu yo vangama, a n'wi tlherisela eka Pilato.

Marka 15:1

Loko ra ha ku xa, vaprista lavakulu va hatla va lunghisa makungu ni vakulukumba, swin'we ni vatsari ni huvo hinkwayo; kuteloko va bohile Yesu, va famba na yena, va ya n'wi nyiketa eka Pilato.

Marka 14:65

Van'wana va sungula ku n'wi tshwutela marha, va n'wi boha mahlo, va n'wi ba hi swibakela, va ku ka yena: “Vhumbha ke!” Malandza na wona ma famba na yena ma ri karhi ma n'wi himetela.

Matewu 12:40

Hikuva hilaha Yonasi a heteke hakona masiku manharhu ni vusiku bya kona ekhwirini ra nhlampfi leyikulu, N'wana-wa-Munhu na yena ú ta heta masiku manharhu ni vusiku bya kona emarhumbyini ya misava.

Ntirho 30:8

Vanhu lava vo pfumala ku twisisa, vo kala ndzhuti, va hlongoriwile va suka etikweni.

Matewu 17:23

va ta n'wi dlaya, kambe ú ta tlhela a pfuka eku feni hi siku ra vunharhu.” Kavaloko va twa ku vaviseka lokukulu.

Matewu 27:26

Kutani a va ntshunxela Barabasi; kambe a lerisa leswaku Yesu a biwa, kutani a n'wi nyiketa leswaku a vambiwa.

Matewu 27:63

“Hosi, ha ha tsundzuka leswaku muxisi loyi, loko a ha hanya, ú te: ‘Endzhaku ka masiku manharhu, ndzi ta pfuka eku feni.’

Marka 15:15

Kutani Pilato, hi ku rhandza ku tsakisa ntshungu, a va ntshunxela Barabasi; kutani loko a lerisile leswaku Yesu a biwa, a n'wi nyiketa leswaku va ya n'wi vamba.

Luka 18:32

Hikuva ú ta nyiketiwa eka vamatiko; va ta tlanga hi yena, a rhuketeriwa, a tshwuteriwa marha;