Matewu 20:12 - BIBELE Mahungu Lamanene

¹² va ku: ‘Va le ndzhaku va tirhile awara yin'we ntsena, kasi u va ringanisile na hina hi nga khukhumbana ni siku hinkwaro, hi ri karhi hi tirha hi tshwa hi mumu!’

Testamente Leyimpsha Xichangana

¹² vaku: ‘Va le ndzhaku vatirhile wora rin'we ntsena, kambe uvaringanisile na hina hingakhukhumbisana ni siku hinkwaru, na hili karhi hitirha na hipsha hi mumu!’

Xitsonga (Bibele)

¹² va ku: ‘Va le ndzhaku, lava nga tirha hi nkarhi wun'we ntsena, u lo va ringanisa na hina hi nga tirha hi kukumbana, ni loko dyambu ri hisa.’

Matewu 20:12 Referans Kwoze

Luka 12:55

Ni loko moya wu hunga wu ta hi le dzongeni, mi ri: ‘Ku ta hisa!’ kutani swi va tano.

Yakobo 1:11

Dyambu ri huma ri ri ni ku hisa ka rona, ri vunisa nhova; swiluva swi wela hansi, ni ku saseka ka swona ka onhaka. Hi mukhuva wolowo, mufuwi na yena ú ta vuna a herisiwa, a ri karhi a landzelela swilo swa yena.

Vaefesa 3:6

Xihundla hi lexi: Hi mhaka ya Evhangeli, vamatiko va averiwa ndzhaka yin'we na hina Vayuda, va endla swirho swin'we na hina emirini wun'we, naswona va averiwa xitshembiso xin'we na hina eka Kriste Yesu.

1 Vakorinto 4:11

Ku fikela sweswi hi twa ndlala ni torha, hi swerile, ha bukuteriwa, a hi na kaya;

Varhoma 3:30

leswi kunene Xikwembu xi nga xin'we; xi ta endla va ku yimba va va lava lulameke hi mhaka ya ku pfumela, na vona lava nga yimbangiki hi mhaka leyi ya ku pfumela.

Varhoma 3:27

Loko swi ri tano, ku tidzunisa ku nga va kwihi ke? Ku dlayiwile! Hi mhaka yihi ke? Hi mhaka ya mintirho leyi endliweke xana? E-e! Ku dlayiwile hi mhaka ya ku pfumela.

Malakiya 3:14

Ma ndzi vavisa loko mi ku: ‘Ku tirhela Xikwembu, HOSI ya matimba hinkwawo, a swi pfuni nchumu. Hambiloko hi yingisa leswi yi hi byelaka swona, kumbe hi ya rila emahlweni ka yona, a hi nga vuyeriwi hi nchumu.

Malakiya 1:13

Mi vulavula mi ri karhi mi ndzi monya, mi ku: ‘Ndzhwalo wa kona, a hi ku tika ka wona!’ Loko mi ta ni swifuwo leswi yiviweke, kumbe leswi lamaleke ni leswi vabyaka, kutani mi ndzi humesela magandzelo hi swilo leswo tano, mina ndzi nga ka ndzi nga swi amukeli. Ndzi vula sweswo, mina HOSI.

Yonasi 4:8

Loko dyambu ri tlakukile, Xikwembu xi hungisa moya wo hisa ngopfu wa vuxa, kutani dyambu ri ba nhloko ya Yonasi, ku kondza loko a lava ku titivala. Hiloko a kombela ku fa, a ku: “Eka mina, ku hanya swi tlula hi ku fa.”

Matewu 20:11

loko va yi kumile, va dzumadzumela n'wini wa muti,