Matewu 2:4 - BIBELE Mahungu Lamanene

⁴ A hlengeleta vaprista lavakulu hinkwavo ni vatsari va tiko, a va vutisa a ku: “Xana Mesiya ú fanele ku velekiwa kwihi xana?”

Testamente Leyimpsha Xichangana

⁴ Ahlengeleta Vaprista lavakulu hinkwavu ni Vatsali va tiko, avavutisa aku: “Xana Kriste afanele kuvelekiwa kwihi?”

Xitsonga (Bibele)

⁴ Kutani a hlengeleta vaprista lavakulu hinkwavo, ni vatsari va tiko, a va vutisa leswaku: “Kriste a fanela ku tswariwa kwihi xana?”

Matewu 2:4 Referans Kwoze

Timhaka 23:9

Kutani ku pfuka huwa leyikulu; vatsari van'wana va ntlawa wa Vafarisi, va suka va yima, va tiyisa swinene, va ku: “A hi kumi nandzu ni wun'we eka munhu loyi; xana ku nga va yini loko ku kumeka leswaku i moya wun'wana kumbe i ntsumi yin'wana leyi vulavuleke na yena?”

Timhaka 6:12

Naswona va pfuxa mpfilumpfilu etikweni, ni ka vakulukumba ni vatsari, kutani va n'wi wela henhla, va n'wi khoma, va n'wi yisa ehubyeni;

Matewu 21:23

Kuteloko Yesu a fikile eTempeleni, vaprista lavakulu ni vakulukumba va tiko va ta ka yena loko a ri karhi a dyondzisa, va ku ka yena: “Xana u endla swilo leswi hi matimba wahi ke? Naswona matimba walawo, u nyikiwile hi mani xana?”

Matewu 7:29

hikuva a a va dyondzisa tanihi loyi a nga ni vuhosi, ku nga ri kukota vatsari va vona.

Timhaka 4:5

Loko ri xa, tihosi ta Vayuda ni vakulukumba ni vatsari va hlengeletana eYerusalema;

Yohane 18:3

Yudasi a teka ntlawa wa masocha, ni malandza lama rhumiweke hi vaprista lavakulu ni Vafarisi, va ta ni timboni, ni swisana, ni matlhari.

Yohane 8:3

Vatsari ni Vafarisi va tisa wansati loyi a kumiweke a ri karhi a endla vuoswi. Va n'wi yimisa emahlweni ka vanhu hinkwavo,

Yohane 7:32

Vafarisi va twa leswi ntshungu wu hlevetelaka swona ehenhla ka Yesu, kutani vaprista lavakulu ni Vafarisi va rhuma malandza ku ya n'wi khoma.

Yohane 3:10

Yesu a n'wi hlamula, a ku: “U mudyondzisi la tivekaka wa Israele, kambe xana timhaka leti a wu ti tivi xana?

Luka 23:10

Vaprista lavakulu ni vatsari a va yime kwalaho, va n'wi hehla hi matimba swinene.

Luka 20:19

Kutani vaprista lavakulu ni vatsari a va navela ku n'wi khoma enkarhini wolowo, hikuva a va swi vonile leswaku a a vula vona hi xifaniso lexi, kambe a va chava ntshungu.

Yeremiya 8:8

“N'wina Vaisraele, xana mi nga vurisa ku yini mi ku: ‘Hina hi tlharihile, ni nawu wa HOSI ha wu hlayisa!’ xana? Yingisani: Vatsari va n'wina va hemba, va le ku tsaleni ka mavunwa.

Marka 8:31

Kutani Yesu a sungula ku va dyondzisa a ku: “N'wana-wa-Munhu ú ta fanela ku twisiwa ku vaviseka lokukulu, a soriwa hi vakulukumba, ni vaprista lavakulu, ni vatsari; ú ta dlawa, a tlhela a pfuka hi siku ra vunharhu.”

Matewu 27:1

Loko ri xile, vaprista hinkwavo ni vakulukumba va kanela makungu ya ku dlaya Yesu.

Matewu 26:47

A ku a ha vulavula, ku humelela Yudasi, un'wana wa lava khume na vambirhi, a ta ni ntshungu wa vanhu lava hlomeke mabanga ni tinhonga, va rhumiwile hi vaprista lavakulu ni vakulukumba.

Matewu 26:3

Enkarhini wolowo vaprista lavakulu, ni vakulukumba, va hlengeletana ehubyeni ya Muprista lonkulu loyi a va ku i Kayafasi,

Matewu 21:15

Kambe vaprista lavakulu ni vatsari va hlundzuka ngopfu loko va vona mahlori lawa a ma endlaka, ni loko va twa vana lava huwelelaka eTempeleni va ku: “Hozana eka N'wana Davhida!”

Matewu 13:52

A ku ka vona: “Hi laha ndzi nge: Mutsari un'wana ni un'wana la dyondzisiweke hi ta Mfumo wa matilo, ú fana ni n'wini wa yindlu la humesaka evukosini bya yena swilo leswintshwa ni leswa khale.”

Malakiya 2:7

Hakunene ntirho wa muprista i ku dyondzisa vanhu ku tiva mina Xikwembu; vanhu va fanele ku ya kuma milawu eka yena, hikuva i murhumiwa wa mina HOSI ya matimba hinkwawo.

Pisalema 2:2

Tihosi ta misava ti jamile, vafumi va matiko va twananile ku lwa na HOSI Xikwembu ni Muhlawuriwa wa xona,

Nehemiya 12:7

na Salu, na Amoko, na Hilkiya, na Yedaya. Vanhu lava a va ri varhangeri va vaprista enkarhini wa Yoxuwa, tlhandlakambirhi a va rhangela ni va ka vona.

Ezra 10:5

Kutani Ezra a suka a yima, a lerisa varhangeri va vaprista ni Vaisraele hinkwavo, leswaku va hlambanya va tiboha ku endla leswi vuriweke. Kutani va tiboha hi ku hlambanya.

Ezra 7:6

Ezra a a ri mutsari, a tiva swinene nawu lowu HOSI Xikwembu xa Vaisraele xi wu nyikeke Muxe. Hosi ya tiko yi nyikile Ezra swilo hinkwaswo leswi a swi kombeleke, hikuva HOSI Xikwembu xa yena a xi n'wi katekisile.

2 TIKRONIKA 36:14

Na vona varhangeri va vaprista ni vanhu hinkwavo va tiko va endla swilo swa manyala, va tlhelela eka mikhuva ya vamatiko, va nyamisa ha yona yindlu leyi HOSI Xikwembu a xi tihlawulerile yona eYerusalema.

2 TIKRONIKA 34:15

Kutani Hilkiya a byela matsalani Xafani, a ku: “Ndzi thumbhile buku ya Nawu eTempeleni!” Hiloko a n'wi tamerisa buku ya kona.

2 TIKRONIKA 34:13

a va seketela lava rhwalaka leswo tika, va rhangela hinkwavo lava tirhaka eTempeleni; Valevhi lavan'wana a va ri vamatsalani, ni tindhuna, ni varindzi va le tinyangweni.

Matewu 2:3

Loko hosi Heroda a swi twa, a tshuka ngopfu, na vona vaaki va Yerusalema va tshuka hinkwavo.

Matewu 2:5

Va n'wi byela, va ku: “Emutini wa Betlehema wa Yudiya, hikuva hi leswi nga tsariwa hi muprofeta la nga te: