Matewu 2:22 - BIBELE Mahungu Lamanene

²² Kambe loko a twa leswaku Arkelawusi ú fuma Yudiya ematshan'wini ya Heroda tata wa yena, a chava ku ya kona; kutani loko a tsundzuxiwile enorhweni, a tlhelela etikweni ra Galeliya,

Testamente Leyimpsha Xichangana

²² Kambe loko atwa lesvaku Arkelawu wafuma le Yudeya amatshan'weni ya Heroda tatana wa yena, achava kuya kona; kutani loko ativisiwile norhweni, atlhelela tikweni ra Galileya,

Xitsonga (Bibele)

²² Kambe loko a twa leswaku Arkelawusi u fuma Yudiya ematshan'weni ya Heroda tata wa yena, a chava ku ya kona; kuteloko a kombisiwile hi Xikwembu enorhweni, a hambukela etikweni ra Galeliya.

Matewu 2:22 Referans Kwoze

Luka 2:39

Kuteloko va hetile hinkwaswo leswi lerisiweke hi Nawu wa Hosi, va tlhelela eGaleliya, va ya eNazareta kaya ka vona.

Yohane 7:52

Va n'wi hlamula, va ku: “Xana na wena u huma eGaleliya ke? Lavisisa swinene u ta vona leswaku ku hava muprofeta la humaka eGaleliya.” [

Matewu 3:13

Enkarhini wolowo Yesu a huma eGaleliya, a ya eYordani eka Yohane ku ya khuvuriwa hi yena.

Matewu 2:19

Kuteloko Heroda a file, ntsumi ya Hosi yi humelela eka Yosefa enorhweni, le Egipta, yi ku:

Matewu 1:20

Loko a ha anakanya sweswo, ntsumi ya Hosi yi humelela eka yena hi norho, yi ku: “Yosefa n'wana Davhida, u nga chavi ku titekela Mariya nsati wa wena, hikuva leswi a nga na swona swi huma eka Moya lowo Kwetsima;

Esaya 30:21

Loko mi tshuka mi hambuka endleleni, mi ya exineneni kumbe eximatsini, mi ta twa rito leri taka hi le ndzhaku ka n'wina, ri ku: “Ndlela hi leyi, khomani yona!”

Pisalema 121:8

Sweswi ni masiku hinkwawo HOSI yi ta ku hlayisa eku sukeni ka wena, ni ku ya fika laha u yaka kona.

Pisalema 73:24

u ndzi fambisa hi swiletelo swa wena, kutani eku heteleleni, u ta ndzi amukela eku dzunekeni ka wena.

Pisalema 48:14

“Lexi hi xona Xikwembu, Xikwembu xa hina hilaha ku nga heriki; xi ta hi komba tindlela minkarhi hinkwayo.”

1 SAMIELE 16:2

Samiele a hlamula a ku: “Ndzi ta fambisa ku yini xana? Loko Sawulo o twa mhaka leyi, ú ta ndzi dlaya.” HOSI Xikwembu xi ku ka yena: “Famba ni thokazi, u ta va byela leswaku u tile ku ta humesela HOSI Xikwembu egandzelo.

Matewu 2:1

Kuteloko Yesu a velekiwile eBetlehema wa Yudiya, enkarhini wa Hosi Heroda, tintlhari ta le vuxeni ti fika eYerusalema,

Matewu 2:21

Kutani Yosefa a pfuka, a teka xihlangi ni mana wa xona, a tlhelela etikweni ra Israele.