Matewu 18:8 - BIBELE Mahungu Lamanene

⁸ Loko voko ra wena kumbe nenge wa wena swi ku khunguvanyisa, swi tseme, u swi cukumeta kule na wena; hikuva swi nga antswa loko u nghena evutomini u ri xilema kumbe u khwita, ku ri ni ku hoxiwa endzilweni lowu nga timekiki u ri ni milenge mimbirhi kumbe mavoko mambirhi.

Testamente Leyimpsha Xichangana

⁸ Loko voko ra wena kumbe nenge wa wena svikukhunguvanyisa, svitseme, usvicukumeta kule na wena; hikuva svingayampsa loko unghena vuton'wini na uli xilima kumbe na ukhwita, kutlula kuhoxiwa ndzilweni lowungatimekiki na uli ni milenge yimbirhi kumbe mavoko mambirhi.

Xitsonga (Bibele)

⁸ Kambe voko ra wena, kumbe nenge loko swi ku wisa, swi tseme u swi cukumeta ekule na wena, hikuva i mhaka leyi ku fanelaka ku nghena evutomini, u ri xilema, kumbe u khwita, ku nga ri ku cukumetiwa endzilweni lowu nga timekiki, u ri ni milenge mimbirhi, kumbe mavoko mambirhi.

Matewu 18:8 Referans Kwoze

Varhoma 13:12

Vusiku byi hundzile, dyambu ri lava ku huma. Hikokwalaho, a hi cukumeteni mintirho ya munyama, kutani hi hakarha matlhari ya ku vonakala.

Nhlavutelo 20:15

Loko vito ra munhu ri nga kumiwi ri tsariwile ebukwini ya vutomi, munhu yoloyi a hoxiwa etiveni ra ndzilo.

Nhlavutelo 14:10

na yena ú ta nwa vhinyo ya vukari bya Xikwembu, leyi nga ta cheriwa exinwelweni xa ku kariha loku ka xona, yi nga timuriwanga; kutani ú ta xanisiwa hi ndzilo ni xivavula, emahlweni ka tintsumi leto kwetsima ni le mahlweni ka Xinyimpfana.

Ezekiele 18:31

Swidyoho hinkwaswo leswi a mi hanya eka swona, swi cukumeteni kule na n'wina, kutani mi tilavela mianakanyo leyintshwa ni moya lowuntshwa! Xana mi susumetiwa ha yini ku tivangela rifu n'wina Vaisraele xana?

Nhlavutelo 21:8

Kambe loko ma ri matoya, ni lava alaka ku pfumela, ni lava endlaka swa manyala, ni vadlayi, ni vaoswi, ni vangoma, ni lava gandzelaka swikwembu swa hava, ni vahembi hinkwavo, xa vona ku ta va ku hoxiwa etiveni leri pfurhaka hi ndzilo ni xivavula, ri nga rona rifu ra vumbirhi.

Luka 14:33

Kutani ke un'wana ni un'wana exikarhi ka n'wina la nga tshikiki leswi a nga na swona, a nga ka a nga koti ku va mudyondzisiwa wa mina.

Matewu 25:46

Kutani volavo va ta ya eku biweni loku nga heriki, kambe lavo lulama va ta ya evutomini lebyi nga heriki.”

Matewu 25:41

“Kutani Hosi yi ta byela lava nge vokweni ra yona ra ximatsi yi ku: ‘Sukani ka mina, n'wina lava rhukaniweke hi Xikwembu; yanani endzilweni lowu nga timekiki, lowu lunghiseriweke Diyavulosi ni tintsumi ta yena;

Esaya 33:14

Vadyohi lava nga kona emutini wa Siyoni va tela hi rhumbu, lava nga vuliki nchumu hi Xikwembu va rhurhumela hi ku chava, va vutisana va ku: “Exikarhi ka hina, xana ú kona loyi a nga tshamaka ni ndzilo lowu hisisaka leswi, xana? Xana ú kona loyi a nga tiyiselaka malangavi yo ka ya nga timeki, xana?”

Luka 16:24

Kutani a huwelela a ku: ‘Tatana Abrahama, ndzi twele vusiwana, u rhuma Lazaro leswaku a peta xintihwana xa yena ematini, a titimeta ririmi ra mina, hikuva ndzi vaviseka ngopfu emalangavini lawa!’

Esaya 30:22

Kutani mi ta sungula ku nyenya swikwembu leswi mi nga tivatlela ni ku tivumbela swona, leswi mi swi namekeke silivhere ni nsuku. Mi ta swi cukumeta swi hangalaka kukota thyaka, mi ku: “A swi nyamalale!”

Matewu 17:27

Kambe ku endlela leswaku hi nga va khunguvanyisi, yana elwandle, u ya ringela; kutani nhlampfi leyo rhanga leyi u nga ta yi phasa, yi khome, u yi ahlamisa nomo; u ta kuma mali kona; yi teke, u va nyika yona, u humesela mina na wena.”