Matewu 18:28 - BIBELE Mahungu Lamanene

²⁸ Kambe loko nandza loyi a humele handle, a hlangana ni nandza-kulobye loyi a a ri ni nandzu lowutsongo eka yena, wa mali ya makume ma nga ri mangani; kavaloko a n'wi khoma, a n'wi tlimba minkolo, a ku: ‘Humesa mali ya mina!’

Testamente Leyimpsha Xichangana

²⁸ Kambe loko mutirhi lweyi ahuma handle, ahlangana ni mutirhikulobze lweyi aamudevha male ya tidenari ta dzana (100); hi loko amukhoma, amutlimba nkolo, aku: ‘Humesa male ya mina!’

Xitsonga (Bibele)

²⁸ Kambe nandza loyi, loko a huma ehandle, a hlangana ni nandzakulobye loyi ngi a ri ni nandzu eka yena wa tidenari ta dzana; kavaloko a n'wi khoma, a n'wi kametela, a ku: ‘Riha nandzu wa wena!’

Matewu 18:28 Referans Kwoze

Matewu 20:2

Kuteloko a twanene ni vatirhi lava leswaku va ta kuma denari yin'we, yi nga hakelo ya siku, a va rhuma va ya ensin'wini ya yena ya vhinya.

Ezekiele 45:9

HOSI N'wini wa hinkwaswo ú vurisa sweswo ú ri: “Mi dyohile ku ringana n'wina tihosi ta Israele! Tshikani ku xanisa vanhu ni ku va tshikelela. Endlani leswi lulameke ntsena, mi nga ha tekeli vanhu va mina emasimu ya vona.

Duteronoma 15:2

Maendlele ya kona hi lawa: Un'wana ni un'wana loyi a lombeke Muisraele wa ka vona xanchumu, a nga ha n'wi londzi, naswona a nga ha n'wi sindzisi ku xi tlherisa, hikuva HOSI Xikwembu hi xona xi nga ta va xi vurile leswaku lembe ra kona i ra ku tshika ku londzana swikweleti.

Esaya 58:3

“Va tlhela va ku: ‘Ku titsona swakudya ni ku titsongahata, a swi pfuni nchumu, hikuva wena Xikwembu, a wu na-mhaka na swona!’ Nhlamulo ya mina hi leyi: Vonani, esikwini ra ku titsona swakudya, mi endla leswi mi swi rhandzaka, mi xanisa ni vatirhi va n'wina hinkwavo.

Nehemiya 10:31

Tlhandlakambirhi, loko vanhu lava va ta ni tinhundzu kumbe mavele va ta swi xavisa hi siku ra Savata kumbe siku rin'wana leri hlawuleriweke Xikwembu, hina a hi nga xavi. Hi lembe rin'wana na rin'wana ra vu-7 hi ta tshika ku rima masimu ya hina, naswona hi ta tshika ku londzana swikweleti.

Nehemiya 5:7

Hiloko ndzi tiehleketa, kutani ndzi holovela varhangeri ni tindhuna, ndzi ku ka vona: “N'wina mi lava ntswalo wo tala loko mi lomba vamakwenu swilo.” Kutani ndzi va hlengeleta hinkwavo ndzi va holovela

Swivuriso 28:3

Xisiwana xa mulanguteri, lexi xanisaka swisiwana-kulobye, xi fana ni mpfula ya ximbhembhe, leyi herisaka swakudya.

Matewu 18:27

N'wini wa nandza loyi a n'wi twela vusiwana, a n'wi ntshunxa ni ku n'wi rivalela nandzu wa kona.

Matewu 18:29

Nandza-kulobye yoloye a wela emilengeni ya yena, a n'wi khongela a ku: ‘Ndzi lehisele mbilu, ndzi ta ku tlherisela hinkwaswo.’

Marka 6:37

A va hlamula, a ku: “Va phameleni n'wina!” Va ku ka yena: “Xana u ri hi ya va xavela swinkwa swa tidenari ta 200, hi ta va phamela ha swona xana?”

Marka 14:5

Kasi a ma ta xavisiwa ma kuma tidenari leti tlulaka 300; mali ya kona a yi ta nyikiwa swisiwana!” Kutani va n'wi tshinya.

Luka 7:41

Yesu a ku: “A ku ri ni vanhu vambirhi lava a va ri ni nandzu eka munhu wa mabindzu. Un'wana a a ri ni nandzu wa timali ta 500, un'wana ta 50.

Luka 10:35

Nimixo a humesa mali leyi laviwaka, a nyika n'wini wa yindlu, a ku ka yena: ‘N'wi tshungule; hinkwaswo leswi u nga ta swi humesa ku tlula mali leyi, ndzi ta ku tlherisela swona, siku ndzi vuyaka.’

Yohane 6:7

Filipi a n'wi hlamula, a ku: “Swinkwa swa tidenari ta 200 swi nga ka swi nga va ringani hambiloko un'wana ni un'wana a nga kuma xiphemu lexitsongo ntsena.”