Matewu 18:14 - BIBELE Mahungu Lamanene

¹⁴ Hi mukhuva wolowo, a hi ku rhandza ka Tata wa n'wina la nge matilweni leswaku ku lahleka na un'we wa lavatsongo lava.

Testamente Leyimpsha Xichangana

¹⁴ Hi mukhuva wolowo, ahikurhandza ka Tatana wa n'wina lweyi anga matilweni lesvaku kulahleka ni mun'we wa lavatsongo lava.

Xitsonga (Bibele)

¹⁴ Kutani sweswi, a hi ku rhandza ka tata wa n'wina la nga ematilweni, leswaku un'wana wa lavatsongo lava a ya eku lahlekeni.

Matewu 18:14 Referans Kwoze

2 Petro 3:9

Hosi a yi hlweli ku endla leswi yi nga tshembisa swona, hilaha van'wana va twisisaka “ku hlwela” hakona, kambe yi lehisa mbilu hikwalaho ka n'wina; a yi lavi leswaku ni un'we wa n'wina a lova, kambe yi lava leswaku hinkwavo va ta eku hundzukeni.

Yohane 17:12

Loko ndza ha ri na vona, a ndzi va hlayisa hi matimba ya vito ra wena leri u ndzi nyikeke rona; ndzi va biyelerile, kutani a ku vanga na un'we wa vona la loveke, loko a nga ri munhu wa ku lova, leswaku Matsalwa ma hetiseka.

Zakariya 13:7

HOSI ya matimba hinkwawo yi ri: “We fumu, pfuka u lwa ni murisi wa mina, lwana na yena yaloyi a nga yima kusuhi na mina. Bana murisi leswaku tinyimpfu ti ta hangalaka; lavatsongo hi mina ndzi nga ta va ba!

Esaya 40:11

Ú fana ni murisi loyi a byiselaka ntlhambi wa yena emadyelweni; ú ta hlengeleta swinyimpfana, a swi tlakula, vamana wa swona, ú ta va byisa khwatsi.

Yohane 21:15

Kuteloko va fihlurile, Yesu a ku ka Simoni Petro: “Simoni, n'wana Yohane, xana wa ndzi rhandza ku tlula leswi hinkwaswo ke?” A ku ka yena: “Ina, Hosi, wa swi tiva leswaku ndza ku rhandza.” Yesu a ku ka yena: “Risa swinyimpfana swa mina.”

Vaheveru 12:13

Mi fanele ku lulamisela milenge ya n'wina tindlela leto lulama, leswaku xirho lexi lamaleke xi nga suleki, kambe xi hanyisiwa.

2 Timotiya 2:10

kutani, etimhakeni hinkwato, ndzi tiyisela hikwalaho ka vahlawuriwa va Xikwembu, leswaku na vona va ta kuma ku ponisiwa loku humaka eka Kriste Yesu, va kuma ni ku kwetsima loku nga heriki.

Luka 12:32

“Mi nga chavi n'wina va ntlhambinyana, hikuva Tata wa n'wina ú tsakele ku mi nyika Mfumo.

Matewu 6:32

Hikuva swilo sweswo hinkwaswo swi laviwa hi vamatiko; kutani Tata wa n'wina wa le tilweni wa swi tiva leswaku swilo leswi hinkwaswo ma swi pfumala.

Matewu 6:9

“N'wina ke, khongelani hi mukhuva lowu, mi ku: “ ‘Tata wa hina la nge matilweni, vito ra wena a ri hlawuleke;

Matewu 5:16

Ku vonakala ka n'wina a ku voningele vanhu hi mukhuva wolowo, leswaku va ta vona mintirho ya n'wina leyo saseka, va dzunisa Tata wa n'wina la nge matilweni.

Matewu 18:13

Ndzi tiyisile ndzi ri ka n'wina, loko a tshuka a yi kumile, ú ta yi tsakela ngopfu ku tlula leta 99 leti nga lahlekangiki.

Matewu 18:15

“Loko makwenu a ku dyoherile, yana u ya n'wi komba ku hoxa ka yena, mi ri vambirhi ntsena; loko a ku yingisa, u ta va u vuyisile makwenu.