Matewu 18:12 - BIBELE Mahungu Lamanene

¹² Xana mi anakanya yini hi mhaka leyi xana: Loko munhu a ri ni dzana ra tinyimpfu, kutani yin'we ya tona yi lahleka, xana a nga ka a nga siyi leta 99 enhoveni, a ya lava leyi lahlekeke xana?

Testamente Leyimpsha Xichangana

¹² Xana miyanakanya yini hi mhaka leyi ke: Loko munhu ali ni dzana (100) ra tinyempfu, kutani yin'we ya tona yilahleka, xana angakala angasiyi leti ta ntlhanu ni mune wa makume ni ntlhanu ni mune (99) nhoveni, ayalava leyilahlekeke ke?

Xitsonga (Bibele)

¹² “Xana mhaka leyi yi ri yini ka n'wina? Loko munhu a ri ni tinyimpfu ta dzana, kutani yin'we ya tona yi lahlekile, a nga ka a nga siyi leta ntlhanu wa makume, na mune wa makume, na ntlhanu na mune, a ya lava leyi lahlekeke xana?

Matewu 18:12 Referans Kwoze

Ezekiele 34:12

Swi nga endleka leswaku tinyimpfu tin'wana ti hambana ni ntlhambi ti ya lahleka; loko swi ri tano, munhu loyi a nga ku riseni esikwini rero, ú ta famba a ti lava. Hi mukhuva wolowo na mina ndzi ta famba ndzi lava tinyimpfu ta mina, ndzi ti humesa ematikweni hinkwawo lawa ti nga hangalasiwa ti ya ka wona, siku ti nga wela hi khombo ni xinyami.

Ezekiele 34:16

Ndzi ta lava leti lahlekeke, ndzi vuyisa leti nga hambuka endleleni: ndzi ta bohelela leti khwitaka, ndzi tiyisa leti tsaneke, kambe leti noneke ni leti tiyeke, ndzi ta vona leswaku ti nga karhati letin'wana. Eku riseni ka mina, ndzi ta tirha hi ku lulama!

Ezekiele 34:28

Vamatiko a va nga ha phanghi swilo swa vona, ni swiharhi swa nhova a swi nga ha va dlayi; va ta tshamiseka, va nga ha chavisiwi hi nchumu.

Ezekiele 34:6

Ti famba-fambile hinkwako etintshaveni, ni le switsungeni hinkwaswo; ti hangalakile etikweni hinkwaro, ku ri hava loyi a tikarhatelaka tona kumbe ku ti landza a vuya na tona.’ ”

Esaya 53:6

Hinkwerhu a hi fana ni tinyimpfu leti lahlekeke, un'wana ni un'wana a a tifambela hi ndlela ya yena; hambiswiritano, HOSI Xikwembu xi tekile swidyoho swa hina hinkwerhu, xi swi rhwexa munhu loyi.

1 Petro 2:25

Khale, a mi pepetseka ku fana ni tinyimpfu, kambe sweswi mi vuyile eka murisi ni mulanguteri wa mimoya ya n'wina.

Matewu 12:11

Yena a ku ka vona: “Hi wihi munhu exikarhi ka n'wina loyi a nga ni nyimpfu yin'we ntsena, kungaku loko yi wela ekheleni hi siku ra Savata, a nga ta ka a nga yi tlakuli, a yi humesa hi siku rero ke?

Yeremiya 50:6

Vanhu va mina i tinyimpfu leti lahlekeke, varisi va tona va ti lahlile etintshaveni; ti le ku pepetsekeni emagangeni, tshanga ra tona a ta ha ri tivi.

Pisalema 119:176

Ndzi le ku pepetsekeni kukota nyimpfu leyi lahlekeke. Tana u ta ndzi lava mina nandza wa wena, hikuva a ndzi rivali swileriso swa wena.

Matewu 21:28

“Xana mi ri yini hi mhaka leyi? Munhu a a ri ni vana vambirhi; a ya eka lowo rhanga, a ku: ‘N'wananga, yana u ya tirha ensin'wini ya mina ya vhinya namuntlha.’

1 Vakorinto 10:15

Ndzi vulavula na n'wina tanihi loko mi ri vanhu lava nga ni ku twisisa; ringanisani hi n'wexe leswi ndzi swi vulaka.

Matewu 22:42

a ku: “Xana mi ehleketa yini hi Mesiya xana? I n'wana mani ke?” Va n'wi hlamula va ku: “I n'wana Davhida.”

1 TIHOSI 21:17

Kutani rito ra HOSI Xikwembu ri ta eka Eliya wa le Tixibe, ri ku:

Ezekiele 34:4

A mi tikarhatelanga leto ka ti nga tiyanga, leti vabyaka a mi ti tshungulanga, a mi bohelelanga leti khwitaka, a mi vuyisanga leti hambukeke endleleni, leti lahlekeke a mi ti landzanga mi vuya na tona; mi fambisile ntlhambi wa kona hi voko ro tika ra tihanyi.

Matewu 18:13

Ndzi tiyisile ndzi ri ka n'wina, loko a tshuka a yi kumile, ú ta yi tsakela ngopfu ku tlula leta 99 leti nga lahlekangiki.