Matewu 17:3 - BIBELE Mahungu Lamanene

³ Hi nomu lo Muxe na Eliya va humelela kwalaho, va vulavula na yena.

Testamente Leyimpsha Xichangana

³ Hi loko Moxe na Eliya vahumelela kolaho, vavulavula na yena.

Xitsonga (Bibele)

³ Hi nomu wolowo Muxe na Eliya va humelela eka vona, va vulavula na yena.

Matewu 17:3 Referans Kwoze

Luka 24:44

Kutani a ku ka vona: “Hi tona timhaka leti ndzi nga mi tivisa tona, loko ndza ha ri na n'wina, loko ndzi te: ‘Hinkwaswo leswi tsariweke ehenhla ka mina eNawini wa Muxe ni ka Vaprofeta, ni ka Tipisalema, swi fanele ku hetiseka.’ ”

Marka 9:4

Kutani Eliya na Muxe va humelela ka vona, va ri karhi va vulavula na Yesu.

Malakiya 4:5

“Vonani, ndzi ta mi rhumela muprofeta Eliya, loko siku ra mina lerikulu ro chavisa ri nga si fika.

Luka 24:27

Kutani a va hlamusela hilaha timhaka ta yena ti nga vuriwa eMatsalweni hinkwawo hakona, ku sungula hi Muxe ku yisa eka vaprofeta hinkwavo.

Luka 16:16

“Nawu ni Vaprofeta hi swona a swi tirha ku fika loko Yohane Mukhuvuri a humelela; ku sukela enkarhini wolowo, Evhangeli ya Mfumo wa Xikwembu ya karhi ya vuriwa, kutani un'wana ni un'wana ú nghena eka wona hi ku tirhisa matimba.

Luka 9:33

Loko vavanuna lava va suka va n'wi siya, Petro a ku ka yena: “N'wini wanga, swi sasekile loko hi ri kwala; a hi akeni mintsonga minharhu, wun'wana wa wena, wun'wana wa Muxe, wun'wana wa Eliya.” A a nga tivi lexi a xi vulaka.

Luka 1:17

kutani, hi makungu ya Xikwembu, ú ta va murhangeri, a ri ni moya wa Eliya ni matimba ya yena; ú ta vuyisela timbilu ta vatatana eka vana va vona, a vuyisela ni vakaneti evutlharini bya lavo lulama, leswaku a lunghisela Hosi tiko leri lulameke.”

1 TIHOSI 17:1

Eliya wa le Tixibe, un'wana wa vaaki va tiko ra Giliyadi, a ku ka Akabu: “Ndza tiyisa emahlweni ka HOSI Xikwembu xa Israele lexi hanyaka, lexi ndzi xi tirhelaka, ndzi ri: Malembe lawa, mpfula ni mberha swi nga ka swi nga vi kona, loko ndzi nga si vula nchumu.”

Duteronoma 34:10

Exikarhi ka Vaisraele, a ka ha humelelanga muprofeta wo fana na Muxe, hikuva HOSI Xikwembu a xi vulavula na yena va langutanile.

Duteronoma 18:18

Ndzi ta va rhumela muprofeta loyi a fanaka na wena, loyi a nga ta huma eka va ka vona. Ndzi ta n'wi byela leswi a faneleke ku vulavula swona, kutani yena ú ta va tivisa hinkwaswo leswi ndzi nga ta n'wi lerisa swona.

Yohane 1:17

hikuva Nawu wu nyikiwile hi Muxe, kambe tintswalo ni ntiyiso swi tile ha Yesu Kriste.

Matewu 17:2

Kutani a hundzuka emahlweni ka vona; nghohe ya yena yi hatima kukotisa dyambu, na swona swiambalo swa yena swi hundzuka leswo basa, swi vangama kukotisa ku vonakala.

Matewu 17:4

Hiloko Petro a ku ka Yesu: “Hosi, swi sasekile loko hi ri kwala; loko u swi rhandza, ndzi nga aka mintsonga minharhu kwala, wun'wana wa wena, wun'wana wa Muxe, wun'wana wa Eliya.”