Matewu 16:16 - BIBELE Mahungu Lamanene

¹⁶ Kutani Simoni Petro a hlamula a ku: “U Mesiya, N'wana wa Xikwembu lexi hanyaka.”

Testamente Leyimpsha Xichangana

¹⁶ Kutani Simoni Petrosi ahlamula aku: “U Kriste, N'wana wa Xikwembu lexinyikaka vutomi.”

Xitsonga (Bibele)

¹⁶ Kutani Simoni Petro a angula, a ku: “U Kriste, N'wana wa Xikwembu lexi hanyaka.”

Matewu 16:16 Referans Kwoze

Matewu 14:33

Kutani lava a va ri ebyatsweni va nkhinsamela Yesu, va ku: “Hakunene, u N'wana wa Xikwembu.”

Yohane 11:27

A ku ka yena: “Ina Hosi, ndza pfumela leswaku hi wena Mesiya, N'wana wa Xikwembu, loyi a taka laha misaveni.”

1 Yohane 4:15

Un'wana ni un'wana loyi a vulaka leswaku Yesu i N'wana wa Xikwembu, Xikwembu xi tshame ka yena, na yena eka Xikwembu.

Matewu 27:54

Loko ndhuna ya dzana ra masocha ni lava a va ri na yona ku rindza Yesu, va vona ku tsekatseka ka misava ni leswi humeleleke, va chava ngopfu, va ku: “Hakunene munhu loyi a a ri N'wana wa Xikwembu.”

1 Timotiya 4:10

Hi tirha swinene ni ku tikarhatela swona leswi, hikuva hi vekile ku tshemba ka hina eka Xikwembu lexi hanyaka, lexi nga muponisi wa vanhu hinkwavo, ngopfu-ngopfu wa lava pfumelaka.

Timhaka 9:20

Kutani hi ku hatlisa a sungula ku twarisa ta Yesu emasinagogeni, a ku: “Loyi hi yena N'wana wa Xikwembu.”

1 Vatesalonika 1:9

Vanhu lava hinkwavo va rungula hilaha mi hi amukeleke hakona exikarhi ka n'wina, ni hilaha mi nga hundzukela eka Xikwembu hakona, mi fularhela swikwembu swa hava, leswaku mi tirhela Xikwembu lexi hanyaka, xa ntiyiso.

Matewu 26:63

Kambe Yesu a miyela. Muprista lonkulu a engeta, a ku ka yena: “Ndzi ri ka wena: Hlambanya hi Xikwembu lexi hanyaka, u hi byela loko u ri Mesiya, N'wana wa Xikwembu.”

1 Yohane 5:5

I mani loyi a hlulaka misava xana? Hi yena loyi a pfumelaka leswaku Yesu Kriste i N'wana wa Xikwembu!

Vaheveru 10:31

I mhaka leyi chavisaka ku wela emavokweni ya Xikwembu lexi hanyaka.

Varhoma 1:4

kambe, hi tlhelo ra moya wa yena lowu kwetsimaka, swi tikombile leswaku i N'wana wa Xikwembu la nga ni matimba hinkwawo, hi ku pfuka ka yena exikarhi ka vafi.

Pisalema 2:7

Ndzi ta twarisa leswi HOSI Xikwembu xi swi boheke; Xi te ka mina: “U n'wananga, namuntlha ndzi ku tswarile.

Marka 14:61

Kambe Yesu a miyela, a nga hlamuli nchumu. Muprista lonkulu a engeta a n'wi vutisa, a ku: “Xana hi wena Mesiya, N'wana wa Xikwembu lexi dzunekaka ke?”

Daniele 6:26

Ndzi lerisa leswaku vanhu hinkwavo etikweni ra mina va khongela ni ku chava Xikwembu xa Daniele, “hikuva hi xona Xikwembu lexi hanyaka, lexi nga ta va kona hilaha ku nga heriki; mfumo wa xona wu nga ka wu nga herisiwi, ni vuhosi bya xona a byi nga vi na makumu.

Duteronoma 5:26

Ku hava munhu loyi a tshamaka a twa Xikwembu lexi hanyaka xi vulavula na yena xi ri endzilweni, kutani a ya emahlweni a hanya; sweswo swi humelele eka hina ntsena.

Yohane 20:31

Kambe timhaka leti ti tsaleriwile n'wina, mi ta ka mi pfumela leswaku Yesu i Mesiya, N'wana wa Xikwembu, ni leswaku, hi mhaka ya ku pfumela, mi va ni vutomi evitweni ra yena.

Yohane 1:49

Nataniele a n'wi hlamula, a ku: “Rabi, u N'wana wa Xikwembu, u Hosi ya Israele.”

Vaheveru 12:22

Kambe n'wina, mi tshinelele ntshava ya Siyoni ni muti wa Xikwembu lexi hanyaka, Yerusalema wa le tilweni, ni le ka tintsumi leti nga hlayekiki hi ku tala. Mi tile enkhubyeni wa ku tsaka,

1 Timotiya 3:15

leswaku loko ndzi tshuka ndzi hlwela, u ta swi kota ku tiva hilaha munhu a nga hanyaka hakona loko a ri endyangwini wa Xikwembu, yi nga kereke ya Xikwembu lexi hanyaka, mhandze leyikulu ni xiseketelo xa leswi nga ntiyiso.

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

2 Vakorinto 6:16

Tempele ya Xikwembu yi ni vunakulobye byihi ni swikwembu swa hava ke? Hikuva tempele ya Xikwembu lexi hanyaka hi hina, kukotisa leswi Xikwembu xi nga te: “Ndzi ta aka na vona, ndzi famba-famba exikarhi ka vona, ndzi ta va Xikwembu xa vona, kutani vona va ta va tiko ra mina.”

2 Vakorinto 3:3

Swa vonaka swinene leswaku n'wina mi papila ra Kriste, leri humesiweke hi hina, leri tsariweke ku nga ri hi inki kambe hi Moya wa Xikwembu lexi hanyaka; a ri tsariwanga ematambheni ya maribye, kambe ri tsariwile etimbilwini ta vanhu.

Timhaka 14:15

va ku: “Vavanuna, hikwalaho ka yini mi endla sweswo xana? Kasi na hina hi vanhu lava va fanaka na n'wina hi ntumbuluko; mahungu lamanene lawa hi mi tiselaka wona hileswaku mi tshika mintirho leyi ya swa hava, mi hundzukela eka Xikwembu lexi hanyaka, lexi nga endla tilo ni misava, ni lwandle, ni swilo hinkwaswo leswi nga ka swona;

Matewu 4:3

Kutani muringi a ta ka yena, a ta ku: “Loko u ri N'wana wa Xikwembu, lerisa maribye lawa leswaku ma hundzuka vuswa.”

Pisalema 42:2

Moya wanga wu twa torha ra Xikwembu, ra Xikwembu lexi hanyaka. Xana ndzi ta nghena rini eTempeleni ya xona, ndzi ya yima emahlweni ka xona xana?

Timhaka 8:36

Va ku va ha famba endleleni, va fika laha a ku ri ni mati, kutani ndhuna yi ku: “Vona, mati hi lawa; ku nga sivela yini leswaku ndzi khuvuriwa xana?” [

Yohane 6:69

Kutani hina hi ni ku pfumela, ni ku swi tiva leswaku hi wena Muhlawuleki wa Xikwembu.”

Matewu 1:16

Yakobo a veleka Yosefa nuna wa Mariya, loyi Yesu la vuriwaka Kriste a velekiweke hi yena.

Matewu 16:15

A ku ka vona: “N'wina ke, mi ri ndzi mani xana?”

Luka 2:11

hileswaku namuntlha mi velekeriwile Mulondzovoti emutini wa Davhida; i Kriste, Hosi.

Yohane 6:57

Kukotisa leswi Tatana la hanyaka a ndzi rhumeke, na leswi mina ndzi hanyaka hikwalaho ka Tatana, hi mukhuva wolowo na yena la ndzi dyaka ú ta hanya hikwalaho ka mina.

Yohane 6:68

Simoni Petro a hlamula, a ku ka yena: “Hosi, hi nga ya ka mani xana? U ni marito ya vutomi lebyi nga heriki.

2 Vakorinto 1:19

Hikuva N'wana wa Xikwembu Yesu Kriste loyi hi n'wi twariseke exikarhi ka n'wina, mina na Silvano na Timotiya, a a nga ri “Ina — E-e!” kambe eka yena ku vuriwa “Ina!” masiku hinkwawo.

Vaheveru 3:12

Vamakwerhu, tivoneleni leswaku ku nga vi na un'we exikarhi ka n'wina la nga ni mbilu yo biha, leyi nga riki na ku pfumela, kutani a hambukela kule ni Xikwembu lexi hanyaka.

Vaheveru 9:14

ngati ya Kriste yona yi ta va leyi tlurisaka ngopfu hi matimba; hikuva Kriste ú tinyiketile hi yexe, hi moya lowu nga heriki, a nga ri na xivati emahlweni ka Xikwembu, kutani ngati ya yena yi basisa mapfalo ya hina emintirhweni leyi nga pfuniki nchumu, leswaku hi tirhela Xikwembu lexi hanyaka.

Nhlavutelo 7:2

Kutani ndzi vona ntsumi yin'wana yi tlhandluka hi tlhelo ra vuxa yi tamele xifungho xa Xikwembu lexi hanyaka. Yi vitana, hi rito leri tlakukeke, tintsumi leti ta mune leti Xikwembu xi ti nyikeke matimba yo onha misava ni lwandle.

Timhaka 8:37

Filipi a ku: “Loko u pfumela hi mbilu ya wena hinkwayo, u nga khuvuriwa.” A hlamula a ku: “Ndza pfumela leswaku Yesu Kriste i N'wana wa Xikwembu.”]