Matewu 15:33 - BIBELE Mahungu Lamanene

³³ Vadyondzisiwa va ku ka yena: “Xana hi nga swi kuma kwihi kwala mananga swakudya swo phamela ntshungu lowo tano, va dya va xurha ke?”

Testamente Leyimpsha Xichangana

³³ Vajondzisiwa vaku ka yena: “Xana hingasvikuma kwihi kola mananga svakuja svophamela xitshungu xotani, lesvaku xija xixurha ke?”

Xitsonga (Bibele)

³³ Vadyondzisiwa va ku eka yena: “Xana laha mananga hi nga swi kuma kwihi swakudya leswi ringanaka ku xurhisa ntshungu lowonghasi xana?”

Matewu 15:33 Referans Kwoze

Luka 9:13

Kambe a ku ka vona: “Va phameleni n'wina!” Vona va ku: “Leswi hi nga na swona, a swi tluri ntlhanu wa swinkwa ni tinhlampfi timbirhi, ehandle ka loko hi nga ya xavela vanhu lava hinkwavo eswakudya.”

Marka 6:37

A va hlamula, a ku: “Va phameleni n'wina!” Va ku ka yena: “Xana u ri hi ya va xavela swinkwa swa tidenari ta 200, hi ta va phamela ha swona xana?”

Matewu 14:15

Kuteloko ri perile, vadyondzisiwa va ta eka yena va ku: “Lomu i mananga, na swona nkarhi wu hundzile, tlherisa mintshungu, yi ya emitini, yi ya tixavela swakudya.”

Matewu 15:32

Yesu a vitana vadyondzisiwa va yena, a ku ka vona: “Ndzi twela ntshungu lowu evusiwana, hikuva va xwile masiku manharhu na mina, kutani a va ha ri na swakudya; a ndzi lavi ku va tlherisela emakaya va ri ni ndlala, hikuva va nga wa endleleni.”

Matewu 15:34

Yesu a ku ka vona: “Mi ni swinkwa swingani ke?” Va ku: “Hi ni swinkwa swa 7, ni tinhlampfinyana ti nga ri tingani.”