Matewu 13:57 - BIBELE Mahungu Lamanene

⁵⁷ Kutani va vilela swinene hikwalaho ka yena. Kambe Yesu a ku ka vona: “Muprofeta a nga soriwi, loko ku nga ri etikweni ra rikwavo, ni le maxakeni ya yena.”

Testamente Leyimpsha Xichangana

⁵⁷ Kutani vakhunguvanyeka svinene hikolaho ka yena. Kambe Yesu aku ka vona: “Muprofeta angasoliwi, loko kungali tikweni ra le kwavu, ni le maxakeni ya yena.”

Xitsonga (Bibele)

⁵⁷ Kutani va khunguvanyeka eka yena. Kambe Yesu a ku eka vona: “Muprofeta a nga soriwi, loko ku nga ri etikweni ra yena, ni le ndlwini ya yena.”

Matewu 13:57 Referans Kwoze

Yohane 4:44

Yena Yesu hi xiviri xa yena a a tiyisile loko a te: “Muprofeta a nga kombiwi xichavo etikweni ra rikwavo.”

Matewu 11:6

Kutani ku katekile la nga ta ka a nga khunguvanyeki hikwalaho ka mina.”

Luka 4:24

Yesu a engeta a ku: “Ndza mi byela leswaku a ku na muprofeta loyi a amukeriwaka etikweni ra rikwavo.

Yohane 6:61

Kambe Yesu ú swi tivile hi mbilu leswaku vadyondzisiwa va yena va n'unun'uta hikwalaho ka swona, kutani a ku ka vona: “Xana mhaka leyi ya mi khunguvanyisa xana?

Esaya 53:3

Vanhu a va n'wi langutela hansi, va nga n'wi amukeli. A a ri munhu wa mahlomulo, loyi a kombiwaka maxangu; vanhu a va nga lavi na ku n'wi vona, kutani hina a hi n'wi sola, hi nga ri na mhaka na yena.

Yohane 6:42

Kutani va ku: “Xana loyi a hi yena Yesu n'wana Yosefa, loyi hi tivaka tata wa yena ni mana wa yena ke? Kutani sweswi ú vurisa ku yini, loko a ku: ‘Ndzi xikile hi le tilweni?’ ”

Luka 7:23

Kutani ku katekile la nga ta ka a nga khunguvanyeki hikwalaho ka mina.”

Esaya 49:7

Mukutsuri ni Muhlawuleki wa Israele, ú vulavula ni loyi a sandziwaka ni ku vengiwa hi vanhu va matiko, yena hlonga ra tihosi, a ku ka yena: “Loko tihosi ti ku vona, ti ta suka ti yima, ni tindhuna ti ta ku dzunisa, loko ti ku vona, hikuva mina HOSI Xikwembu Muhlawuleki wa Israele, mina ndzi tshembekeke, ndzi ku hlawurile.”

Esaya 8:14

Ndzi ta va xivandla lexo hlawuleka, tlhelo ribye leri nga ta khugula ni ku wisa vanhu va tiko ra Yuda ni ra Yerusalema; ndzi ta va ntlhamu ni xirimbana lexi nga ta phasa vaaki va muti wa Yerusalema.

Marka 6:14

Hosi Heroda a a twile ta Yesu, hikuva vito ra yena a ri dumile ngopfu, naswona vanhu a va ku: “Yohane Mukhuvuri ú pfukile eku feni; hi swona leswi endlaka leswaku mintirho leyi ya matimba yi vonaka eka yena.”

Marka 6:3

Xana yoloyi a hi yena muvatli, n'wana Mariya, ni makwa Yakobo, na Yosi, na Yuda, na Simoni ke? Xana vamakwavo va yena va xisati a hi na vona kwala ke?” Kutani va vilela swinene hikwalaho ka yena.

Matewu 13:58

Hikokwalaho, a nga endlanga mahlori layo tala kona, hikuva a va nga ri na ku pfumela.

Marka 6:1

Yesu a suka kwalaho, a tlhelela etikweni ra rikwavo, kutani vadyondzisiwa va yena va famba na yena.

Marka 6:4

Yesu a ku ka vona: “Muprofeta a nga soriwi, loko ku nga ri etikweni ra yena, ni karikwavo, ni le maxakeni ya yena.”