Matewu 13:23 - BIBELE Mahungu Lamanene

²³ Kambe mbewu leyi haxiweke emisaveni leyinene, swi fana ni loko munhu a twa Rito a ri twisisa; hi yena loyi a vekaka mihandzu hakunene, yin'wana ka 100, yin'wana ka 60, yin'wana ka 30.”

Testamente Leyimpsha Xichangana

²³ Kambe mbewu leyihaxiweke misaveni leyinene, svifana ni loko munhu atwa Rito aritwisisa; hi yena lweyi avekaka mihandzu leyinene, yin'wana yiveka ka dzana (100), yin'wana yiveka ka ntlhanu wa makume ni rin'we (60), yin'wana yiveka makume manharhu.”

Xitsonga (Bibele)

²³ Kambe la byariweke emisaveni leyinene, i munhu la yingisaka rito a ri twisisa; kutani a veka tindzhoho, yin'wana yi veleka dzana, yin'wana ntlhanu wa makume na khume rin'we, yin'wana makume manharhu.”

Matewu 13:23 Referans Kwoze

Vafilipiya 1:11

vutomi bya n'wina byi ta tala hi mihandzu ya leswo lulama, leyi tisiwaka ha Yesu Kriste, leswaku Xikwembu xi dzunisiwa ni ku twarisiwa ha swona.

Yohane 15:16

A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya, mi ya veka mihandzu, ni leswaku mihandzu ya n'wina yi va kona masiku hinkwawo; kutani xin'wana ni xin'wana lexi mi nga ta xi kombela eka Tatana hi vito ra mina, ú ta mi nyika xona.

Matewu 12:33

“Vonani murhi lowunene: Na yona mihandzu ya wona hi leyinene. Vonani murhi lowo biha: Na yona mihandzu ya wona hi leyo biha; hikuva murhi wu tiviwa hi mihandzu ya wona.

Matewu 13:8

Kasi tin'wana tona ti wela emisaveni leyinene, ti veka tindzhoho, yin'wana yi chela 100, yin'wana 60, yin'wana 30.

Vakolosa 1:6

leyi fikeke eka n'wina kukota leswi yi fikeke ematikweni hinkwawo; yi karhi yi veka mihandzu ni ku kula, kukota leswi yi endlisaka xiswona eka n'wina, ku sukela siku mi tweke ni ku twisisa tintswalo ta Xikwembu hi ntiyiso wa tona.

Matewu 3:8

Vekani mihandzu leyi fambelanaka ni ku hundzuka ka n'wina.

Luka 13:9

kumbexana haxawu wu ta veka mihandzu; loko swi nga ri tano, u ta wu tsema.’ ”

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

2 Petro 3:18

Kambe kulani, mi ri etintswalweni ni le ku tiveni ka Yesu Kriste, Hosi ya hina ni Muponisi wa hina. Eka yena a ku ve ku twala sweswi, ni ku ya fika esikwini leri nga heriki. Amen!

Vakolosa 1:10

hi ndlela leyi, mi ta hanya vutomi lebyi fanekelaka emahlweni ka Hosi, mi yi tsakisa etimhakeni hinkwato, mi tswala mihandzu hi ku tirha mintirho leyinene ya tinxaka-xaka, mi ya mi kula hi tlhelo ra ku tiva Xikwembu.

Vaheveru 8:10

Lowu hi wona ntwanano lowu ndzi nga ta wu endla ni Vaisraele, endzhaku ka masiku walawo, ku vula Hosi: Ndzi ta nghenisa milawu ya mina emiehleketweni ya vona, ndzi yi tsala etimbilwini ta vona, kutani ndzi ta va Xikwembu xa vona, vona va va vanhu va mina.

Vaheveru 4:2

Hikuva Mahungu Lamanene ma tile eka hina ku fana swinene ni leswi ma nga ta eka vona; kambe Mahungu lawa va ma tweke a ma va pfunanga nchumu, hikuva a ma kumananga ni ku pfumela eka vona lava va ma tweke.

2 Vatesalonika 2:10

ú ta tirhisa tindlela hinkwato leto biha ta vuxisi ehenhla ka lava yaka eku loveni, va nga lava nga amukelangiki ntiyiso hikuva a va nga wu rhandzi, va ala ni ku ponisiwa.

1 Vatesalonika 4:1

Kutani ke, vamakwerhu, mi dyondzile eka hina hilaha mi fanelaka ku hanya hakona leswaku mi tsakisa Xikwembu, kutani mi hanyile hi mukhuva wolowo. Hikokwalaho, ha mi kombela hi matimba ni ku mi khongotela hi vito ra Hosi Yesu, leswaku mi ya mi kula, mi ri karhi mi hanyisa sweswo.

Vafilipiya 4:17

A hi leswaku ndzi lava ku kuma tinyiko, kambe ndzi lava leswaku n'wina mi kuma mihandzu leyi yi nga ta andza yi mi twarisa.

2 Vakorinto 9:10

Loyi a nyikaka mbewu eka mubyari, ni vuswa byo dya, ú ta mi lavela mbewu a tlhela a yi mirisa; ú ta mi andzisela ntshovelo wa ku hanana ka n'wina;

Timhaka 17:11

Vona va tlurisa Vatesalonika hi mafundzha, va amukela Rito hi ku nkhensa lokukulu, va kambisisa Matsalwa masiku hinkwawo, va lava ku tiva leswaku xana timhaka ti tano xana.

Timhaka 16:14

Kutani un'wana wa vona loyi a va ku i Lidiya, muxavisi wa tinguvu to vangama ta xivunguvungu, wa muti wa Tiyatira, wansati wo chava Xikwembu, a a ri eku yingiseni; kutani Hosi yi pfula mbilu ya yena leswaku a twisisa leswi vuriwaka hi Pawulo.

Yohane 8:47

Loyi a humaka eka Xikwembu ú yingisa marito ya Xikwembu; kambe n'wina a mi yingisi, hikuva a mi humi eka Xikwembu.”

Luka 8:15

Timbewu leti nga wela emisaveni leyinene, i vanhu lava yingisaka Rito hi timbilu leto lulama, letinene, va ri hlayisa, va veka mihandzu hi ku tiyisela.

Marka 10:15

Ndzi tiyisile ndzi ri ka n'wina: La nga amukeriki Mfumo wa Xikwembu tanihi n'wana, a nga ka a nga ngheni ka wona.”

Marka 4:20

Timbewu leti haxiweke emisaveni leyinene, hi lava va yingisaka Rito, va ri amukela, va veka mihandzu; mbewu yin'we yi chela 30, yin'wana 60, yin'wana 100.”

Matewu 3:10

Nisweswi xihloka xi vekiwile etimitswini ta mirhi; murhi wun'wana ni wun'wana lowu nga vekiki mihandzu leyinene, wu ta tsemiwa wu hoxiwa endzilweni.

Ezekiele 36:26

Ndzi ta mi nyika timbilu letintshwa, ndzi mi avela ni moya lowuntshwa; ndzi ta susa timbilu ta n'wina to nonon'hwa kukota maribye, ndzi mi nyika timbilu leto olova leti yingisaka.

Ezekiele 18:31

Swidyoho hinkwaswo leswi a mi hanya eka swona, swi cukumeteni kule na n'wina, kutani mi tilavela mianakanyo leyintshwa ni moya lowuntshwa! Xana mi susumetiwa ha yini ku tivangela rifu n'wina Vaisraele xana?

Vaheveru 6:7

Loko misava yi nwile mati ya mpfula leyi talaka ku na ehenhla ka yona, ni loko yi mirisa swimila leswi pfunaka lava va yi rimaka, yi kuma minkateko leyi humaka eka Xikwembu.

Luka 8:8

Kambe tin'wana ti wela emisaveni leyinene; loko ti mirile, ti chela ka dzana.” Loko a vurile sweswo, a tlakusa rito a ku: “La nga ni tindleve ku yingisa, a a yingise.”