Matewu 11:20 - BIBELE Mahungu Lamanene

²⁰ Enkarhini wolowo Yesu a sungula ku tshinya miti leyi a nga endla mahlori ya yena layo tala eka yona, hi mhaka ya leswi yi nga hundzukangiki,

Testamente Leyimpsha Xichangana

²⁰ Nkarhini wolowo Yesu asungula kusola madoropa lawa angayendla mahlori lawa yotala ka wona, hi mhaka ya lesvi mangayala kuhundzuka,

Xitsonga (Bibele)

²⁰ Enkarhini wolowo Yesu a sungula ku holovela miti yoleyo a nga endla masingita layo tala eka yona, hikuva a yi hundzukanga,

Matewu 11:20 Referans Kwoze

Yeremiya 8:6

Ndzi va xiyaxiyile, ndzi yingisa swinene, kambe a ndzi twanga ku tisola ka vona. Ku hava na un'we la tivulaka mudyohi, la tisolaka a ku: ‘Ndzi endlile leswo biha!’ Hinkwavo va tiyela lomu va ku rhandzaka, va fana ni tihanci leti chavaka nyimpi, ti tsutsuma.

Nhlavutelo 2:21

Ndzi n'wi nyikile nkarhi leswaku a hundzuka, kambe wa ala ku hundzuka a tshika vuoswi bya yena.

Nhlavutelo 16:11

va rhuketela Xikwembu xa le matilweni, hi mhaka ya ku twa ku vava ni ku xanisiwa hi swilondza, kambe a va hundzukanga emintirhweni ya vona.

Nhlavutelo 16:9

Vanhu va tshwa hi ku hisa loku chavisaka loku, kutani va rhuketela vito ra Xikwembu lexi nga ni matimba ehenhla ka mintungu leyi, kambe a va hundzukanga, ni ku xi dzunisa a va xi dzunisanga.

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.

Timhaka 17:20

U fikisile timhaka leto hlamarisa etindleveni ta hina; hikokwalaho hi lava ku ti tiva leswaku hi leto yini.”

Marka 16:14

Eku heteleleni, Yesu a tikomba eka lava khume na un'we loko va ri eku dyeni; kutani a va sola hi leswi a va kala ku pfumela ni leswi a va ri ni timbilu to nonon'hwa, hikuva a va nga pfumelanga lava va n'wi voneke loko a pfukile eku feni.

Marka 9:19

Yesu a hlamula, a ku: “Ha! Rixaka leri nga pfumeriki, ndzi ta va na n'wina ku fikela rini? Ndzi ta mi lehisela mbilu ku fikela rini ke? N'wi tiseni haleno!”

Matewu 12:41

Hi siku ra ku avanyisiwa, vavanuna va Ninivha va ta humelela swin'we ni rixaka leri, va ri avanyisa, hikuva va hundzukile, loko va khongoteriwa hi Yonasi; kutani maswivo, leswi nga kwala i swikulu ku tlula Yonasi.

2 Vakorinto 12:21

Ndzi chava leswaku loko ndzi ta le ka n'wina, Xikwembu xa mina xi nga tlhela xi ndzi tsongahata emahlweni ka n'wina, kutani ndza rila hikwalaho ka lavo tala lava dyoheke khale, lava nga hundzukangiki etimhakeni ta vona leto ka ti nga tenganga, ni ta vuoswi, ni ta manyala, leti va nga ti endla.