Matewu 11:2 - BIBELE Mahungu Lamanene

² Kuteloko Yohane a ri ekhotsweni, a twa ta mintirho ya Kriste, kutani a rhuma vadyondzisiwa van'wana va yena, va ya vutisa Yesu, va ku:

Testamente Leyimpsha Xichangana

² Kuteloko Yohani atwa ta mintirho ya Kriste na ali jele arhuma vajondzisiwa va yena kuyavutisa Yesu, vaku:

Xitsonga (Bibele)

² Kambe Yohane kakuloko a ri ekhotsweni, a twa mitirho ya Kriste, kutani a rhuma vadyondzisiwa va yena vambirhi eka Yesu, va ku eka yena:

Matewu 11:2 Referans Kwoze

Marka 6:17

Heroda hi yena kunene loyi a a rhumile vanhu ku ya khoma Yohane, a va a n'wi boha ekhotsweni. A a endlile sweswo hikwalaho ka Herodiya, nkata Filipi makwavo, hikuva a a tekile wansati loyi;

Matewu 14:3

Mhaka hi leswaku Heroda a a khomile Yohane, a n'wi boha, a n'wi nghenisa ekhotsweni hikwalaho ka Herodiya, nkata Filipi makwavo;

Matewu 4:12

Loko Yesu a twa leswaku Yohane ú khomiwile, a tlhelela eGaleliya.

Matewu 9:14

Enkarhini wolowo vadyondzisiwa va Yohane va ta ka yena va ku: “Swi endlisa ku yini leswaku hina ni Vafarisi hi tala ku titsona swakudya, kasi vadyondzisiwa va wena vona va nga titsoniki ke?”

Yohane 4:1

Vafarisi a va twile mahungu ya vanhu lava nge: “Yesu ú tlula Yohane hi ku kuma vadyondzisiwa ni ku khuvula.”

Luka 3:19

Kambe Hosi Heroda a a tekile Herodiya, nsati wa makwavo wa yena Filipi, a endla ni swin'wana leswo tala leswi biheke, kutani Yohane a a tala ku n'wi tshinya etimhakeni teto.

Matewu 1:17

Hikwalaho ke, ku sukela eka Abrahama ku ya fika eka Davhida, tinxaka hinkwato i khume na mune; ku sukela eka Davhida ku ya fika enkarhini wa ku yisiwa eBabilona i tinxaka ta khume na mune; kutani ku sukela enkarhini wa ku yisiwa eBabilona ku ya fika eka Kriste, i tinxaka ta khume na mune.

Luka 9:7

Hosi Heroda a twa hinkwaswo leswi humelelaka, kutani a kanakana ngopfu, hikuva van'wana a va ku: “Yohane ú pfukile eku feni.”