Matewu 1:22 - BIBELE Mahungu Lamanene

²² Sweswo hinkwaswo swi humelele leswaku ku hetiseka leswi Hosi a yi swi vurile hi muprofeta loyi a nga te:

Testamente Leyimpsha Xichangana

²² Lesvi hinkwasvu svihumelelile lesvaku kuhetiseka lesvi Hosi ayisvivulile hi muprofeta lweyi angaku:

Xitsonga (Bibele)

²² Leswo hinkwaswo swi humelele leswaku ku endleka leswi Hosi yi nga swi vula hi muprofeta la nga te:

Matewu 1:22 Referans Kwoze

Luka 24:44

Kutani a ku ka vona: “Hi tona timhaka leti ndzi nga mi tivisa tona, loko ndza ha ri na n'wina, loko ndzi te: ‘Hinkwaswo leswi tsariweke ehenhla ka mina eNawini wa Muxe ni ka Vaprofeta, ni ka Tipisalema, swi fanele ku hetiseka.’ ”

Matewu 2:23

a ya aka emutini lowu vuriwaka Nazareta, leswaku ku hetiseka leswi vaprofeta va nga vula swona hi tlhelo ra Mesiya, loko va te: “U ta vuriwa Munazarene.”

1 TIHOSI 8:15

“A ku nkhensiwe HOSI, Xikwembu xa Israele, hikuva xi endlile hinkwaswo leswi xi swi tshembiseke Davhida tata wa mina, loko xi te:

Timhaka 3:18

kambe hi mukhuva wolowo, Xikwembu xi endlile leswaku ku hetiseka leswi xi nga swi tivisa khale hi milomo ya vaprofeta hinkwavo: Hileswaku Mesiya wa xona a a ta twisiwa ku vaviseka.

1 TIHOSI 8:24

U hlayisile leswi u swi tshembiseke tata wa mina Davhida, nandza wa wena; u n'wi tshembisile swona, kutani namuntlha u tirhile hilaha u vuleke hakona.

Yohane 18:9

(A swi ri leswaku rito leri a nga ri vula ri hetiseka, loko a te: “A ndzi tshikanga na un'we wa lava u ndzi nyikeke vona, a lova.”)

Matewu 13:35

leswaku ku ta endleka rito ra muprofeta la nga te: “Ndzi ta vulavula hi swifaniso, ndzi twarisa timhaka leti a ti fihliwile, hi mpfhuka misava yi tumbuluka.”

Ezra 1:1

Hi lembe ro sungula ra ku fuma ka Korexe hosi ya Vaperesi, HOSI Xikwembu xi hetisisa marito ya xona lama vuriweke hi muprofeta Yeremiya, xi nyika Korexe miehleketo yo veka nawu ematikweni ya yena hinkwawo, wu tlhela wu tsariwa kunene; nawu wa kona hi lowu:

Yohane 17:12

Loko ndza ha ri na vona, a ndzi va hlayisa hi matimba ya vito ra wena leri u ndzi nyikeke rona; ndzi va biyelerile, kutani a ku vanga na un'we wa vona la loveke, loko a nga ri munhu wa ku lova, leswaku Matsalwa ma hetiseka.

Yohane 15:25

A swi ri leswaku rito leri nga tsariwa eNawini wa vona ri hetiseka, leri nge: ‘Va ndzi vengile ntsena ehandle ka mhaka.’

Yohane 10:35

Xi va vurile ‘swikwembu’, vona lava Rito ra Xikwembu ri fikeke eka vona; kutani Tsalwa ri nga ka ri nga herisiwi.

Matewu 13:21

kambe a nga na timitsu endzeni ka yena, ú tiyisela nkarhinyana ntsena; kutani loko khombo kumbe ku xaniseka swi humelela hikwalaho ka Rito, a hatla a khunguvanyeka.

Matewu 12:17

a ku ri ku hetisa leswi vuriweke hi muprofeta Esaya, loko a te:

Matewu 2:15

a ya tshama kona Heroda a kondza a fa, leswaku ku hetiseka leswi nga vuriwa hi Hosi, hi nomo wa muprofeta la nga te: “Ndzi vitanile n'wananga, a huma etikweni ra Egipta.”

Matewu 8:17

leswaku ku endleka leswi nga vuriwa hi muprofeta Esaya la nga te: “Ú titekele mahlomulo ya hina, a tirhwexa ni mavabyi ya hina.”

Matewu 5:17

“Mi nga anakanyi leswaku ndzi tile ku ta herisa Nawu hambi va ri Vaprofeta; a ndzi tanga ku ta herisa, ndzi tile ku ta hetisisa.

Luka 21:22

Masiku walawo ma ta va masiku ya ku avanyisiwa, leswaku hinkwaswo leswi nga matsalweni swi hetiseka.

Nhlavutelo 17:17

Hikuva Xikwembu xi nghenisile etimbilwini ta swona leswaku swi yisa makungu ya xona emahlweni: Hi ku twanana ka swona, swi ta nyika matimba ya vuhosi bya swona eka xivandzana, ku kondza loko marito ya Xikwembu ma hetiseka.

Varhoma 1:2

Evhangeli leyi, hi yona leyi Xikwembu xi yi tshembiseke khale, hi vaprofeta va xona, eMatsalweni layo hlawuleka;