Matewu 1:11 - BIBELE Mahungu Lamanene

¹¹ Yosiya a veleka Yekoniya na vamakwavo, enkarhini lowu va yisiweke ha wona evukhumbini, eBabilona.

Testamente Leyimpsha Xichangana

¹¹ Yosiya aveleka Yekoniya ni vamakwavu, nkarhini lowu vayisiweke ha wona vukaraweni, Babilona.

Xitsonga (Bibele)

¹¹ Amoni a veleka Yosiya, Yosiya a veleka Yekoniya ni vamakwavo hi nkarhi Vayuda va yisiwaka evukhumbini eBabilona.

Matewu 1:11 Referans Kwoze

Yeremiya 27:20

Swingolongondzwana swa kona hi leswi saleke loko Nebukadnetsara hosi ya Babilona a khoma Yoyakini n'wana Yoyakimi hosi ya Yuda, ni varhangeri hinkwavo va tiko ra Yuda ni va muti wa Yerusalema, a va yisa evukhumbini le Babilona.

Daniele 1:2

Kutani HOSI Xikwembu xi nyiketa Yoyakimi hosi ya Yuda emavokweni ya Nebukadnetsara, xi nyiketa ni swibya swin'wana swa le Tempeleni emavokweni ya yena. Kutani Nebukadnetsara a ya na swona etikweni ra Xinara, a fika a swi nghenisa endlwini ya swikwembu swa yena, laha nhundzu ya swona yi hlayisiwaka kona.

Yeremiya 39:9

Vanhu lava a va sele emutini, ni lava a va tinyiketile eka Nebukadnetsara, ni masalela ya vavatli ni vaaki va yisiwa eBabilona evukhumbini hi Nebuzaradani ndhuna ya vasirheleri va hosi.

2 TIKRONIKA 36:20

Lava poneke ku dlawa hi tlhari, Nebukadnetsara a va yisa evukhumbini eBabilona, kutani va va mahlonga ya yena ni ya vana va yena, ku kondza ku humelela mfumo wa Vaperesi;

2 TIKRONIKA 36:10

Kutani hi ximun'wana, hosi Nebukadnetsara a rhuma vanhu va yena eYerusalema, va ya teka Yoyakini, va n'wi yisa eBabilona, va phangha ni swibya swa nkoka swa Tempele va famba na swona. Kutani Nebukadnetsara a teka vuhosi bya tiko ra Yuda ni bya muti wa Yerusalema, a byi nyika Sedekiyasi makwavo wa Yoyakini.

2 TIHOSI 25:11

Kutani Nebuzaradani ndhuna ya vasirheleri a teka vanhu lava a va sele emutini, ni lava a va tinyiketile eka hosi ya le Babilona, swin'we ni masalela ya lava akeke etikweni, a va yisa evukhumbini hinkwavo.

2 TIHOSI 23:31

Yowahazi a a ri ni malembe ya 23 loko a sungula ku fuma, kutani a fuma tin'hweti tinharhu a ri eYerusalema. Mana wa yena a a ri Hamutala N'wa-Yeremiya wa le Libina.

2 TIHOSI 24:14

Nebukadnetsara a yisa vaaki hinkwavo va Yerusalema evukhumbini, ni tindhuna hinkwato, ni vafumi hinkwavo; ntsengo wa vakhomiwa va kona a wu ringana 10 000, ehandle ka nhlayo ya vavatli ni vafuri va tinsimbhi. A nga siyanga ni munhu ni un'we etikweni, handle ka swisiwana.

Esaya 13:1

Mahungu lawa Esaya n'wana Amotsi a rhwexiweke wona, hi tlhelo ra muti wa Babilona, hi lawa:

Matewu 1:12

Loko va yisiwile eBabilona, Yekoniya a veleka Salatiele, Salatiele a veleka Zerubabele,

Matewu 1:17

Hikwalaho ke, ku sukela eka Abrahama ku ya fika eka Davhida, tinxaka hinkwato i khume na mune; ku sukela eka Davhida ku ya fika enkarhini wa ku yisiwa eBabilona i tinxaka ta khume na mune; kutani ku sukela enkarhini wa ku yisiwa eBabilona ku ya fika eka Kriste, i tinxaka ta khume na mune.