Marka 9:18 - BIBELE Mahungu Lamanene

¹⁸ Loko wu n'wi khoma, wa n'wi tlatlalata, a tlhutlha xikhuvi, a getsela meno, kutani a oma; ndzi komberile vadyondzisiwa va wena leswaku va wu hlongola, kambe va tsandzekile.”

Testamente Leyimpsha Xichangana

¹⁸ Loko wumukhoma, wamutlatlalata la hansi, atlhutlha khuvi, aphorhela matinyo, kutani awoma svirho; nikombelile vajondzisiwa va wena lesvaku vawuhlongola, kambe vatsandzekile.”

Xitsonga (Bibele)

¹⁸ Hinkwako loko wu n'wi khoma, wa n'wi tlatlalata, a humesa xikhuvi, a getsela meno, kutani a omelela; ndzi komberile vadyondzisiwa va wena leswaku va wu hlongola, kambe va tsandzekile.”

Marka 9:18 Referans Kwoze

Marka 11:23

Ndzi tiyisile ndzi ri ka n'wina, loko munhu a ku ka ntshava leyi: ‘Suka, u ya tihoxa elwandle’, a nga kanakani embilwini ya yena, kambe a pfumela leswaku leswi a swi vulaka swi ta endleka, ú ta endleriwa swona.

Marka 9:26

Kutani wu huma wu ri karhi wu huwelela, wu rhurhumerisa n'wana hi matimba, a va tanihi mufi, lavo tala va kala va ku: “Ú file.”

Marka 9:20

Kutani va n'wi tisa ka yena. Loko moya wu vona Yesu, wu rhurhumerisa n'wana hi matimba, a wela hansi, a vumbuluka a ri karhi a tlhutlha xikhuvi.

Matewu 17:16

Ndzi n'wi tisile eka vadyondzisiwa va wena, kambe va tsandzekile ku n'wi hanyisa.”

Timhaka 7:54

Loko va huvo va twa marito lawa ya Stefano, va tala timbilu; kutani va n'wi karihela va hlundzukile ngopfu.

Pisalema 112:10

Lavo homboloka va swi vona, kutani va kariha, va mpfhumpfhela lavo lulama, kambe va hela ntamu, makungu ya vona ma helela empfhukeni.

Yuda 1:13

i magandlati yo leva ya lwandle; mintirho ya vona ya tingana yi tlutlha ku fana ni xikhuvi; i tinyeleti ta vurhurha-rhurha leti hlayiseriweke munyama lowukulu ngopfu, hilaha ku nga heriki.

Matewu 15:22

Kutani ku humelela wansati wa le Kanana la humeke ematlhelweni walawo, a huwelela a ku: “Ndzi twele vusiwana, Hosi N'wana Davhida! N'wana wa mina wa wanhwanyana ú xaniseka ngopfu hi demona.”

Matewu 8:12

Kambe lava Mfumo a wu ri wa vona, va ta cukumetiwa handle emunyameni, laha ku nga ta va ni minkosi ni ku getsela ka meno.”

Ntirho 16:9

Eku hlundzukeni ka xona, xi ndzi handzulerile, xa ndzi venga xi ndzi mpfhumpfhela, xi ndzi honokela onge ndzo va nala wa xona.

Marka 9:17

Un'wana exikarhi ka ntshungu a hlamula a ku: “Mudyondzisi, ndzi tisile n'wana wa mina eka wena; ú ni moya lowu wu n'wi endlaka mbheveve.

Marka 9:19

Yesu a hlamula, a ku: “Ha! Rixaka leri nga pfumeriki, ndzi ta va na n'wina ku fikela rini? Ndzi ta mi lehisela mbilu ku fikela rini ke? N'wi tiseni haleno!”