Marka 8:35 - BIBELE Mahungu Lamanene

³⁵ La rhandzaka ku tihlayisela vutomi bya yena, ú ta lahlekeriwa ha byona; kambe la lahlekeriwaka hi vutomi bya yena hikwalaho ka mina ni hikwalaho ka Evhangeli, ú ta byi ponisa.

Testamente Leyimpsha Xichangana

³⁵ Lweyi arhandzaka kutihlayisela vutomi bza yena atalahlekeliwa hi bzona; kambe lweyi alahlekeliwaka hi vutomi bza yena hikolaho ka mina ni hikolaho ka Evhangeli, atabziponisa.

Xitsonga (Bibele)

³⁵ Hikuva la rhandzaka ku hlayisa vutomi bya yena, u ta lahlekeriwa ha byona; kambe la lahlekeriwaka hi vutomi bya yena hikwalaho ka mina ni Evhangeli, u ta byi hlayisa.

Marka 8:35 Referans Kwoze

1 Vakorinto 9:23

Ndzi endla hinkwaswo leswi hikwalaho ka Mahungu Lamanene, leswaku ndzi kota ku averiwa minkateko ya wona.

2 Timotiya 1:8

Hikokwalaho, u nga vi na tingana ku veka vumbhoni hi tlhelo ra Hosi ya hina, hambileswi mina ndzi nga mubohiwa hikwalaho ka yona. Na wena, nkhensa ku xanisekela Evhangeli, hi ku pfuniwa hi matimba ya Xikwembu.

Luka 17:33

Un'wana ni un'wana loyi a nga ta lava ku tihlayisela vutomi bya yena, ú ta lahlekeriwa ha byona; kambe un'wana ni un'wana loyi a lahlekeriwaka hi vutomi bya yena, ú ta byi ponisa.

Matewu 16:25

hikuva la rhandzaka ku tihlayisela vutomi bya yena, ú ta lahlekeriwa hi byona; kambe loyi a lahlekeriwaka hi vutomi bya yena hikwalaho ka mina, u ta tlhela a byi kuma.

Matewu 19:29

Kutani un'wana ni un'wana la tshikeke tindlu ta yena, kumbe vamakwavo va xinuna ni va xisati, kumbe tata wa yena, kumbe mana wa yena, kumbe vana, kumbe masimu, hikwalaho ka vito ra mina, ú ta nyikiwa swona ka dzana, a tlhela a dya ndzhaka ya vutomi lebyi nga heriki.

Matewu 10:39

Loyi a lavaka ku tihlayisela vutomi bya yena, ú ta lahlekeriwa ha byona; kambe loyi a lahlekeriwaka hi vutomi bya yena hikwalaho ka mina, ú ta byi kuma.

2 Vakorinto 12:10

Hikokwalaho ndzi amukela hi ku tsaka ku tsana, ni maxangu, ni ku karhateka, ni ku xanisiwa, ni mahlomulo, hikwalaho ka Kriste; hikuva loko ndzi tsanile, hi kona ndzi nga ni matimba.

Timhaka 9:16

naswona mina ndzi ta n'wi komba hinkwaswo leswi a fanelaka ku vaviseka ha swona, hikwalaho ka vito ra mina.”

Luka 9:24

Hikuva la rhandzaka ku tihlayisela vutomi bya yena, ú ta lahlekeriwa hi byona, kambe la lahlekeriwaka hi vutomi bya yena hikwalaho ka mina, ú ta byi ponisa.

Nhlavutelo 12:11

Vamakwerhu va n'wi hlurile hi ngati ya Xinyimpfana, ni vumbhoni lebyi va byi humeseke, kutani a va tsetselelanga vutomi bya vona ku fikela loko va dlawa.

Matewu 10:22

Mi ta vengiwa hi vanhu hinkwavo hikwalaho ka vito ra mina; kambe loyi a tiyiselaka ku fika makumu, hi yena loyi a nga ta ponisiwa.

Nhlavutelo 2:10

U nga chavi leswi nga kusuhi ni ku ku twisa ku vava. Vona, Diyavulosi ú lava ku hoxa van'wana va n'wina ekhotsweni, leswaku mi ta ringetiwa, kutani mi ta heta khume ra masiku ma ha xaniseka. U va la tshembekaka ku fikela eku feni, kutani mina ndzi ta ku nyika harhi ya vutomi.

Timhaka 21:13

Kambe Pawulo a hlamula, a ku: “Xana mi endla yini loko mi rila hi mukhuva lowu ni ku ndzi tlhava mbilu ke? Kasi mina a ndzi tilunghiselanga ku bohiwa ntsena, kambe ndzi tilunghisele ni ku ya fela vito ra Hosi Yesu eYerusalema.”

Nhlavutelo 7:14

Ndzi ku ka yena: “Swo tiva hi wena, Hosi yanga.” Hiloko a ku ka mina: “Lava, hi lava humaka eku xanisekeni lokukulu; va hlantswile tinguvu ta vona, va ti basisile hi ngati ya Xinyimpfana.

Vaheveru 11:35

Vavasati va tlhele va kuma vafi va vona lava pfuxiweke eku feni. Van'wana va kombiwile maxangu, kambe va ala ku ntshunxiwa, leswaku va ta pfukela evuton'wini lebyi antswaka.

Timhaka 20:24

Hambiswiritano, ndzi vona leswaku ku lahlekeriwa hi vutomi, a swi na mhaka nikutsongo eka mina, loko ndzi nga kota ntsena ku heta leswi ndzi nga rhumiwa ku endla swona, ni ntirho lowu ndzi wu amukeleke eka Hosi Yesu, wa ku vula Mahungu Lamanene ya tintswalo ta Xikwembu.

Marka 8:36

Hikokwalaho, loko munhu a kota ku fuwa misava hinkwayo, kambe a lahlekeriwa hi vutomi bya yena, swi nga n'wi pfuna yini ke?

Eklesiasta 3:6

Ku ni nkarhi wo tilavela xilo, ni nkarhi wo lahlekeriwa hi xona; ku ni nkarhi wo londzovota xilo, ni nkarhi wo xi cukumeta.