Marka 8:34 - BIBELE Mahungu Lamanene

³⁴ Kuteloko a vitanile ntshungu ni vadyondzisiwa va yena, a ku ka vona: “Loko munhu a lava ku ndzi landza, a a titshike, a tirhwexa xihambano xa yena, kutani a ndzi landza.

Testamente Leyimpsha Xichangana

³⁴ Kuteloko avitanile xitshungu ni vajondzisiwa va yena, aku ka vona: “Loko munhu alava kunilandza, aatitshike, atirhwexa xihambanu xa yena, kutani anilandza.

Xitsonga (Bibele)

³⁴ Kuteloko a vitanile vunyingi ni vadyondzisiwa va yena, a ku eka vona: “Munhu, hambi a ri mani na mani loyi a rhandzaka ku ndzi landza, a a titshike, a tirhwexe xihambano xa yena, kutani a ndzi landza.

Marka 8:34 Referans Kwoze

Matewu 10:38

Naswona loyi a chavaka ku tirhwexa xihambano, a swi n'wi fanelanga ku ndzi landza.

Yohane 10:27

Tinyimpfu ta mina ti yingisa rito ra mina; ndza ti tiva, kutani ta ndzi landzelela.

1 TIHOSI 14:8

Ndzi susile mfumo emavokweni ya rixaka ra Davhida, ndzi ku nyika wona, kambe a wu landzanga mintila ya nandza wa mina Davhida. Yena ú hlayisile milawu ya mina, a ndzi tirhela hi mbilu ya yena hinkwayo, a endla ntsena leswi ndzi swi vonaka swi ri leswo lulama.

Vagalatiya 5:24

Lava nga va ka Kriste Yesu va vambile nyama ni swa yona, swi fa; a va ha swi hisekeli, a va ha swi naveli.

Vagalatiya 2:20

hikokwalaho, a nga ha ri mina la hanyaka, kambe i Kriste la hanyaka eka mina. Sweswi, loko ndzi hanya emirini, ndzi hanya hi ku pfumela, ku nga ku pfumela eka N'wana wa Xikwembu loyi a ndzi rhandzeke, a va a tinyiketa hikwalaho ka mina.

1 Yohane 3:16

Hi nga tiva leswi rirhandzu ri nga swona loko hi tiva Kriste, loyi a nyiketeke vutomi bya yena hikwalaho ka hina. Kutani na hina swa hi fanela ku nyiketa vutomi bya hina hikwalaho ka vamakwerhu.

Tinhlayo 14:24

Kambe Kalebe nandza wa mina, ndzi ta n'wi fikisa etikweni leri a a yile eka rona, hikuva yena ú ni moya wo hambana ni wa lavan'wana, naswona wa ndzi yingisa swinene, kutani vatukulu va yena va ta sala va teka tiko leri.

Matewu 16:24

Yesu a engeta a ku ka vadyondzisiwa va yena: “Loko munhu a lava ku ndzi landza, a a titshike, a tirhwexa xihambano xa yena, kutani a ndzi landza,

Vafilipiya 3:10

Ndzi navela ntsena ku tiva Kriste, ni matimba ya ku pfuka ka yena eku feni, ndzi kota ni ku hlangana na yena eku vavisekeni ka yena, ndzi endliwa la kotisaka yena eku feni,

Varhoma 8:17

Kutani leswi hi nga vana, naswona hi vadyandzhaka; hi vadyandzhaka va Xikwembu, ni vadyandzhaka swin'we na Kriste; leswi kunene hi xanisekaka na yena, swi vula leswaku hi ta kwetsimisiwa na yena.

Luka 9:23

Kutani a byela vanhu hinkwavo a ku: “Loko munhu a lava ku ndzi landza, a a titshike, a tirhwexa xihambano xa yena siku rin'wana ni rin'wana, kutani a ndzi landza.

Vakolosa 3:5

Loko swi ri tano, dlayani leswi swi nga swa misava eka n'wina, hileswaku vuoswi, ni swa thyaka, ni ku hisekela swa tingana, ni ku navela loko biha, ni makwanga, ku nga ku gandzela swikwembu swa hava.

Vafilipiya 3:7

Kambe leswi a ndzi tiseketela ngopfu hi swona, ndzi swi langutile swi ri leswi swi nga ha pfuniki nchumu eka mina hikwalaho ka Kriste.

1 Petro 4:1

Hikokwalaho, leswi Kriste a tweke ku vava enyameni, na n'wina hlomani matlhari hi ku va ni mianakanyo yo fana ni ya yena, hikuva un'wana ni un'wana loyi a nga twa ku vava enyameni, ú tshikile ku dyoha.

Vagalatiya 6:14

Loko a ri mina, a swi ve kule na mina ku tidzunisa, loko ku nga ri hi xihambano xa Hosi ya hina Yesu Kriste, hikuva hikwalaho ka xihambano xa yena, swa misava eka mina swi vambiwile swi fa, na mina ndzi file hi tlhelo ra swa misava.

1 Vakorinto 15:31

Hakunene, masiku hinkwawo ndzi langutene ni rifu! Ndzi vula ndzi tiyisile vamakwerhu, hikuva ndzi tidzunisa hi n'wina hikwalaho ka Kriste Yesu Hosi ya hina.

Varhoma 6:6

Leswi hi swi tivaka hileswaku munhu wa hina wa khale ú vambiwile na Kriste exihambanweni leswaku matimba ya munhu loyi wa ku dyoha ma herisiwa, ni leswaku hi ta ka hi nga ha vi mahlonga ya ku dyoha.

Luka 14:33

Kutani ke un'wana ni un'wana exikarhi ka n'wina la nga tshikiki leswi a nga na swona, a nga ka a nga koti ku va mudyondzisiwa wa mina.

2 Petro 1:14

Hikuva ndza swi tiva leswaku ku rhurha ka mina emirini lowu wa mina ku le kusuhi, hilaha Hosi ya hina Yesu Kriste yi ndzi kombeke hakona.

1 Petro 4:13

Kambe tsakani hileswi mi averiwaka ku vaviseka ka Kriste, leswaku siku a humelelaka eku kwetsimeni ka yena, na n'wina mi ta tsaka mi tsakisisa.

Tito 2:12

ti hi dyondzisa ku tshika ku hanya ehandle ka Xikwembu ni ku navela swa misava, kutani hi hanya emisaveni leyi hi ku tikhoma, ni ku lulama, ni vukhongeri,

Vakolosa 1:24

Sweswi ke, ndzi tsaka hileswi ndzi xanisiwaka hikwalaho ka n'wina; kutani, hi ku xaniseka ka mina emirini, ndzi hetisa leswi kayiveleke emaxangwini ya Kriste, hikwalaho ka miri wa yena, yi nga Kereke.

Timhaka 14:22

va ri karhi va tiyisa timbilu ta vadyondzisiwa, va va khongotela ku tiyisela eku pfumeleni, va ku: “EMfun'weni wa Xikwembu, hi fanele ku nghena hi maxangu layo tala.”

Luka 18:22

Loko Yesu a twa sweswo, a ku ka yena: “Wa ha pfumala xilo xin'we, xavisa hinkwaswo leswi u nga na swona, u avela swisiwana, hi kona u nga ta va ni xuma ematilweni; kutani u ta, u ndzi landza.”

Luka 13:24

“Ringetani hi matimba ku nghena hi nyangwa leyo khuma, hikuva ndza mi byela leswaku lavo tala va ta navela ku nghena, kambe va ta tsandzeka.

Matewu 27:32

Loko va ri karhi va huma, va hlangana ni wanuna un'wana wa Kirene, loyi a va ku i Simoni, va n'wi sindzisa ku rhwala xihambano xa Yesu.

Nhlavutelo 2:10

U nga chavi leswi nga kusuhi ni ku ku twisa ku vava. Vona, Diyavulosi ú lava ku hoxa van'wana va n'wina ekhotsweni, leswaku mi ta ringetiwa, kutani mi ta heta khume ra masiku ma ha xaniseka. U va la tshembekaka ku fikela eku feni, kutani mina ndzi ta ku nyika harhi ya vutomi.

Vaheveru 13:13

Hikokwalaho, a hi humeni hi ya le ka yena ehandle ka nxaxa, hi rhwele ku rhuketeriwa ka yena.

2 Vatesalonika 3:11

Hi vula leswi hikuva hi twile leswaku ku ni van'wana exikarhi ka n'wina lava hanyaka hi vulolo, va nga laviki ku tirha, kambe va nghenelela timhaka ta van'wana.

1 Vakorinto 9:19

Hambiloko ndzi nga ri hlonga ra munhu ni un'we, ndzi tiendlile hlonga ra hinkwavo, leswaku ndzi ta kota ku koka lavo tala exikarhi ka vona.

1 Vakorinto 8:13

Hikokwalaho, loko swakudya swi khunguvanyisa makwerhu, ndzi nga ka ndzi nga ha dyi nyama ni siku ni rin'we, leswaku ndzi nga tshuki ndzi vangela makwerhu ku khunguvanyeka.

Yohane 19:17

kutani a huma a byarhile xihambano xa yena n'wini, a ya endhawini leyi a va ku i “Ndhawu ya Pala”, leyi hi Xiheveru va nge i “Gologota”.

Luka 20:45

Loko vanhu hinkwavo va ri karhi va n'wi yingisa, a ku ka vadyondzisiwa va yena:

Marka 10:21

Kuteloko Yesu a n'wi langutile, a n'wi rhandza, kutani a ku ka yena: “Wa ha pfumala xilo xin'we ntsena; famba, u ya xavisa hinkwaswo leswi u nga na swona, u nyika swisiwana, kutani u ta va ni xuma etilweni; kutani u ta, u ndzi landza.”

Marka 7:14

Yesu a engeta a vitana kambe ntshungu a ku ka vona: “Ndzi yingiseni hinkwenu, mi twisisa.