Marka 8:31 - BIBELE Mahungu Lamanene

³¹ Kutani Yesu a sungula ku va dyondzisa a ku: “N'wana-wa-Munhu ú ta fanela ku twisiwa ku vaviseka lokukulu, a soriwa hi vakulukumba, ni vaprista lavakulu, ni vatsari; ú ta dlawa, a tlhela a pfuka hi siku ra vunharhu.”

Testamente Leyimpsha Xichangana

³¹ Kutani Yesu asungula kuvajondzisa aku: “N'wana-wa-Munhu atafanela kutwisiwa kuvaviseka lokukulu, asoliwa hi vakulukumba ni Vaprista lavakulu, ni Vatsali; atadlawa, atlhela apfuka hi siku ra vunharhu.”

Xitsonga (Bibele)

³¹ Kutani a sungula ku va dyondzisa leswaku a swi fanela N'wana wa Munhu leswaku a twisiwa ku vaviseka lokukulu, a tshikiwa hi vakulukumba ni vaprista ni vatsari, kutani a dlawa, a ta tlhela a pfuka hi siku ra vunharhu.

Marka 8:31 Referans Kwoze

Timhaka 7:35

“Yena Muxe loyi a va n'wi landzurile hi ku vutisa va ku: ‘I mani la ku vekeke hosi ni muavanyisi wa hina ke?’ hi yena la nga rhumiwa hi Xikwembu leswaku a va hosi ni mukutsuri wa vona, hi ku pfuniwa hi ntsumi leyi a yi tikombe ka yena exihlahleni.

Yohane 2:19

Yesu a va hlamula, a ku: “Hindzimuxani Tempele leyi, kutani mina ndzi ta yi pfuxa hi masiku manharhu.”

Luka 24:26

Xana a swi nga faneri leswaku Mesiya a twisiwa ku vaviseka koloku, a tlhela a nghena eku kwetsimeni ka yena ke?”

Luka 17:25

Kambe eku sunguleni ú fanele ku twisiwa ku vaviseka lokukulu, a nyenyiwa hi va rixaka leri.

Marka 12:10

Xana a mi si tshama mi hlaya tsalwa leri nge: “ ‘Ribye leri vaaki va nga ri nyenya, hi rona leri nga endliwa ribye lerikulu ra yinhla’ xana?

Matewu 21:42

Yesu a ku ka vona: “Xana a mi si tshama mi hlaya, eMatsalweni, mhaka leyi nge: “ ‘Ribye leri vaaki va nga ri nyenya, hi rona ri nga endliwa ribye lerikulu ra yinhla’, xana? ‘Swilo leswi swi endliwile hi Hosi, i mhaka leyi hlamarisaka loko hi yi languta!’

Matewu 12:40

Hikuva hilaha Yonasi a heteke hakona masiku manharhu ni vusiku bya kona ekhwirini ra nhlampfi leyikulu, N'wana-wa-Munhu na yena ú ta heta masiku manharhu ni vusiku bya kona emarhumbyini ya misava.

Hosiya 6:2

Xi ta hi horisa hi masiku ma nga ri mangani, xi ta hi pfuxa emasangwini, kutani hi ta hanya emahlweni ka xona.

1 Vakorinto 15:4

ni leswaku ú lahliwile esirheni a vuya a pfuxiwa eku feni hi siku ra vunharhu, hilaha Matsalwa ma vulaka hakona;

Luka 24:44

Kutani a ku ka vona: “Hi tona timhaka leti ndzi nga mi tivisa tona, loko ndza ha ri na n'wina, loko ndzi te: ‘Hinkwaswo leswi tsariweke ehenhla ka mina eNawini wa Muxe ni ka Vaprofeta, ni ka Tipisalema, swi fanele ku hetiseka.’ ”

Yonasi 1:17

Kavaloko HOSI Xikwembu xi lerisa nhlampfi leyikulu ku ta mita Yonasi. Kutani Yonasi a tshama endzeni ka nhlampfi masiku manharhu ni vusiku bya kona.

Esaya 53:3

Vanhu a va n'wi langutela hansi, va nga n'wi amukeli. A a ri munhu wa mahlomulo, loyi a kombiwaka maxangu; vanhu a va nga lavi na ku n'wi vona, kutani hina a hi n'wi sola, hi nga ri na mhaka na yena.

Pisalema 118:22

Ribye leri nyenyiweke hi vaaki, ri hundzukile ribye lerikulu ra yinhla.

1 SAMIELE 10:19

A engeta a ku: “Kambe namuntlha mi fularherile Xikwembu xa n'wina, lexi xi mi poniseke emakhombyeni ne maxangwini ya n'wina hinkwawo, mi phikelela mi ku: ‘E-e! Hi vekele hosi leyi nga ta hi fuma!’ Sweswi ke, hlengeletanani hi tinyimba ta n'wina ni mindyangu ya n'wina emahlweni ka HOSI Xikwembu.”

1 SAMIELE 8:7

HOSI Xikwembu xi hlamula xi ku ka yena: “Yingisa hinkwaswo leswi vanhu lava va ku byelaka swona; hikuva a va fularheli wena, kambe va fularhela mina, leswaku ndzi nga ha vi hosi ya vona.

Yohane 12:48

La ndzi fularhelaka, kutani a nga amukeli marito ya mina, ú ni loyi a n'wi avanyisaka; i marito lawa ndzi ma vulaka lawa ma nga ta n'wi avanyisa hi siku ra makumu.

Matewu 27:63

“Hosi, ha ha tsundzuka leswaku muxisi loyi, loko a ha hanya, ú te: ‘Endzhaku ka masiku manharhu, ndzi ta pfuka eku feni.’