Marka 6:56 - BIBELE Mahungu Lamanene

⁵⁶ Hinkwako laha a a nghena kona, eswimitaneni ni le mitini ni le tikweni, vanhu a va lata lava vabyaka emintsendzeleni, kutani va n'wi khongela leswaku a va pfumelela ku khumba hambi ma ri makumu ya nguvu ya yena ntsena; kutani hinkwavo lava va n'wi khumbeke, a va hanyisiwa.

Testamente Leyimpsha Xichangana

⁵⁶ Hinkwaku laha aanghena kona, madoropeni, svidoropanini kumbe tihandle ta madoropa, vanhu avalata lavavabzaka mintsendzeleni, kutani vamukhongela lesvaku avapfumelela kukhumba hambi mali makumu ya sviyambalu sva yena ntsena; kutani hinkwavu lava avamukhumba, avahanyisiwa.

Xitsonga (Bibele)

⁵⁶ Kambe hinkwako laha a nghenaka kona, emitaneni ni le mitini, ni le masin'wini, a va veka lava vabyaka emitsendzeleni, kutani va n'wi khongela leswaku a va pfumelela ku khumba ni loko ma ri makumu ka nguvu ya yena; kutani hinkwavo lava yi khumbeke va hanyisiwa.

Marka 6:56 Referans Kwoze

Matewu 9:20

Kambe a ku ri ni wansati loyi a a vabya hi vuvabyi bya ngati, a vabyile malembe ya 12; a ta hi ku nyandlamela hi le ndzhaku ka Yesu, a khumba makumu ya nguvu ya yena;

Luka 6:19

Ntshungu hinkwawo a wu ringeta ku n'wi khumba, hikuva matimba a ma huma eka yena, ma va hanyisa hinkwavo.

Marka 3:10

Hinkwavo lava a va ri ni mavabyi a va kamanyetana ku ya eka yena leswaku va ta n'wi khumba, hikuva a a hanyisile lavo tala.

Timhaka 5:15

ku ko ku fika laha vavabyi va tisiwaka emintsendzeleni, va vekiwa emasangwini ne vuhlakeni, leswaku loko Petro a hundza, van'wana va vona va ta khumbiwa hambi ku ri hi ndzhuti wa yena ntsena.

Timhaka 4:12

“Kutani ku ponisiwa a ku kumeki eka munhu un'wana, hikuva vanhu a va nyikiwanga vito rin'wana laha misaveni, ehandle ka vito ra Yesu, leri hi fanelaka ku ponisiwa ha rona.”

Timhaka 4:9

Leswi hi vutisiwaka namuntlha hi mhaka leyinene leyi endliweke eka munhu lowa xilema loyi, ni ku vutisiwa hi lexi xi nga n'wi hanyisa,

Luka 22:51

Kambe Yesu a hlamula a ku: “Tshikani! Mi nga ha engeti!” Kutani a khumba ndleve ya nandza yoloye, a n'wi horisa.

Luka 8:44

A ta hi ku nyandlamela hi le ndzhaku ka Yesu, a khumba makumu ya nguvu ya yena, kutani vuvabyi bya yena bya ngati byi hola kan'we-kan'we.

2 TIHOSI 13:21

Siku rin'wana vanhu a va ri eku lahleni ka munhu, kutani ntlawa wun'wana exikarhi ka mintlawa leyi ya swigevenga wo tshuka wu humelela; hiloko lava lahlaka munhu va cukumeta ntsumbu wa yena esirheni ra Elixa, va suka va tsutsuma. Kutani loko ntsumbu lowu wu khumbana ni marhambu ya Elixa, mufi a pfuka eku feni, a yima hi milenge.

Duteronoma 22:12

“Mi fanele ku tiendlela makhaxa, mi ma rhungelela etinhleni ta mune ta swiambalo swa n'wina.

Tinhlayo 15:37

HOSI Xikwembu xi ku ka Muxe:

Matewu 14:36

Vanhu va n'wi khongela leswaku a pfumelela vavabyi ku khumba hambi ma ri makumu ya xiambalo xa yena ntsena; kutani hinkwavo lava nga n'wi khumba, va hanyisiwa.

Marka 6:55

kutani va tsutsuma-tsutsuma na tiko rero hinkwaro, va tisa hi vuhlaka vanhu lava vabyaka, hinkwako lomu a va twa leswaku Yesu ú kona.