Marka 6:41 - BIBELE Mahungu Lamanene

⁴¹ Kavaloko a teka swinkwa swa ntlhanu ni tinhlampfi timbirhi, a languta henhla etilweni, a nkhensa, a phema swinkwa, a nyika vadyondzisiwa va yena leswaku va swi veka emahlweni ka vanhu, ni tinhlampfi timbirhi a ti avela hinkwavo.

Testamente Leyimpsha Xichangana

⁴¹ Hi loko ateka svinkwa sva ntlhanu ni tihlampfi timbirhi, alanguta henhla tilweni, akhensa, akhemelela svinkwa, asvinyika vajondzisiwa va yena lesvaku vasviveka mahlweni ka vanhu ni tihlampfi timbirhi atiyavela hinkwavu.

Xitsonga (Bibele)

⁴¹ Yesu, kuteloko a tekile swinkwa swa ntlhanu ni tinhlampfi timbirhi, a languta ehenhla, a khensa, kutani a phema swinkwa a nyika vadyondzisiwa va yena leswaku va nyiketela vanhu, ni tinhlampfi timbirhi, a ti avela hinkwavo.

Marka 6:41 Referans Kwoze

Matewu 14:19

Kutani loko a lerisile ntshungu ku tshama hansi ebyanyini, a teka swinkwa leswa ntlhanu ni tinhlampfi timbirhi, a languta henhla etilweni, a nkhensa. Kavaloko a phemelela swinkwa sweswo, a nyika vadyondzisiwa, vona va avela ntshungu.

Marka 7:34

kutani a languta ehenhla tilweni, a hefemuteka, a ku ka munhu loyi: “Efata!” hileswaku: “Pfuleka!”

Luka 24:30

Kakuloko va ri eku dyeni, a teka xinkwa, a nkhensa, kutani a phema, a va nyika.

Luka 9:16

Kavaloko Yesu a teka swinkwa swa ntlhanu, ni tinhlampfi timbirhi, a languta henhla etilweni, a nkhensa, a phemelela, a nyika vadyondzisiwa leswaku va ya phamela ntshungu.

1 SAMIELE 9:13

Loko mi hatla mi nghena emutini, mi ta n'wi kuma a nga si tlhandlukela exitsungeni lexo hlawuleka ku ya dya kona, hikuva leswi a nga yena la fanelaka ku katekisa mhamba, vanhu a va nga dyi loko yena a nga si fika; lava rhambiweke va ta dya loko yena a dyile. Kutani ke, fambani, mi ta n'wi kuma sweswi-sweswi!”

1 Vakorinto 10:31

Nhlamulo hi leyi: Hambi ma dya, hambi ma nwa, hambi mi endla yini na yini, endlani hinkwaswo ku dzunisa Xikwembu.

Yohane 17:1

Yesu ú vurile timhaka leti. Kutani a tlakusa mahlo, a languta etilweni, a ku: “Tatana, nkarhi wu fikile; dzunisa N'wana wa wena, leswaku N'wana a ku dzunisa.

Yohane 11:41

Kavaloko va susa ribye, kutani Yesu a languta henhla, a ku: “Tatana, ndza ku nkhensa, hikuva u ndzi yingisile.

Marka 14:22

Loko va ha ri eku dyeni, a teka xinkwa, kutani loko a nkhensile, a xi phema, a nyika vadyondzisiwa, a ku: “Tekani; leswi i miri wa mina.”

Vakolosa 3:17

Kutani xin'wana ni xin'wana lexi mi xi endlaka, hi ku vulavula kumbe hi ku tirha, xi endleni hi vito ra Hosi Yesu, mi ri karhi mi nkhensa Xikwembu Tatana ha yena.

Varhoma 14:6

Loyi a hlawulekisaka siku, ú ri hlawulekisela Hosi; ni loyi a dyaka xin'wana ni xin'wana, ú endlela Hosi, hikuva ú nkhensa Xikwembu ha swona. Na yena loyi a nga dyiki xin'wana ni xin'wana, ú endlela Hosi, kutani ú nkhensa Xikwembu.

Yohane 6:23

Hambiswiritano, mabyatso man'wana lama humaka eTiberiyo ma tile ma ta fika kusuhi ni laha va nga dyela kona xinkwa, loko Hosi yi khongerile.

Yohane 6:11

Kutani Yesu a teka swinkwa; kuteloko a nkhensile, a avela vanhu lava a va tshamile; a teka ni tinhlampfi, a endlisa sweswo, hinkwavo va dya va xurha.

Matewu 26:26

Loko va ha ri eku dyeni, Yesu a teka xinkwa, kutani loko a nkhensile, a xi phema, a nyika vadyondzisiwa, a ku: “Tekani mi dya, leswi i miri wa mina.”

Matewu 15:36

Kutani a teka swinkwa swa 7 ni tinhlampfi, a nkhensa, a phema, a nyika vadyondzisiwa, vona va avela ntshungu.

Duteronoma 8:10

Kutani loko mi dyile mi xurha, mi ta tlangela HOSI Xikwembu xa n'wina, hikokwalaho ka tiko lero saseka leri xi mi nyikaka rona.

Timhaka 27:35

Loko a vurile sweswo, a teka xinkwa, a nkhensa Xikwembu emahlweni ka vona hinkwavo, a phema, a sungula ku dya.

Marka 6:40

Kutani va tshama hi ku longoloka, va avene hi mintlawa ya vanhu va dzana ni ya vanhu va 50.

Marka 6:42

Va dya hinkwavo, va xurha.

Marka 8:19

Siku ndzi phemeleleke swinkwa swa ntlhanu ndzi nyika lava va 5 000, xana mi rhwele swirhundzu swingani leswi a swi tele hi mahlanhla ke?” Va ku ka yena: “Hi rhwele 12.”