Marka 6:14 - BIBELE Mahungu Lamanene

¹⁴ Hosi Heroda a a twile ta Yesu, hikuva vito ra yena a ri dumile ngopfu, naswona vanhu a va ku: “Yohane Mukhuvuri ú pfukile eku feni; hi swona leswi endlaka leswaku mintirho leyi ya matimba yi vonaka eka yena.”

Testamente Leyimpsha Xichangana

¹⁴ Hosi Heroda aatwile hi ta Yesu, hikuva vito ra yena aridumile ngopfu, nasvona vanhu avaku: “Yohani Mukhuvuli apfukile kufeni; hi svona lesviyendlaka lesvaku mintirho leyi ya matimba yivoneka ka yena”

Xitsonga (Bibele)

¹⁴ Kute hosi Heroda, loko a twile timhaka ta Yesu (hikuva vito ra yena a ri twakala ngopfu), a ku: “I Yohane Mukhuvuri u pfukile eku feni”; hikwalaho a nga ni matimba ya ku endla masingita.

Marka 6:14 Referans Kwoze

1 Vatesalonika 1:8

A hi ntsena Rito ra Hosi ro huma eka n'wina leri twakarisiwaka le Makedoniya ni le Akaya, kambe na kona ku pfumela ka n'wina eka Xikwembu ku twakele hinkwako; hikokwalaho a swi faneri leswaku hi nga ha vula xa nchumu.

Luka 13:31

Enkarhini wolowo ku ta Vafarisi van'wana eka Yesu va ku: “Suka u famba u ya kun'wana, hikuva Heroda ú lava ku ku dlaya.”

Luka 3:1

Hi lembe ra khume na ntlhanu ra ku fuma ka Tiberiyo Khezari, Pontiyo Pilato a a fuma Yudiya; Heroda yena a a ri hosi ya Galeliya; Filipi makwavo a a ri hosi ya Ituriya ni ya tiko ra Trakonita; Lisaniya a a ri hosi ya Abilene;

Marka 8:28

Vona va ku: “Van'wana va ri, hi we Yohane Mukhuvuri; van'wana va ri, hi we Eliya; van'wana va ri, hi we un'wana wa vaprofeta.”

Marka 1:45

Kambe yena loko a sukile kwalaho, a famba a twarisa ni ku hangalasa hinkwako mahungu walawo, Yesu a kondza a tiviwa emitini hinkwayo leyi a a nghena eka yona; hiloko a ya titshamela handle erivaleni; kutani vanhu va ta eka yena, va huma ematlhelweni hinkwawo.

Marka 1:28

Kutani ku twakala ka yena ku hatla ku hangalaka ematlhelo hinkwawo ya Galeliya.

Matewu 9:31

Kambe loko va humile, va ya vulavula hi yena etikweni rero hinkwaro.

2 TIKRONIKA 26:15

Eswihondzweni swa Yerusalema laha rirhangu ra muti ri jikaka kona, Uziya a yimisa swilo swo balesa ha swona leswi endliweke hi tintlhari, swi fana ni xipelupelu lexikulu lexi kotaka ku copa miseve hi xoxe kumbe ku hoxa maribye lamakulu. Kutani Uziya a tiviwa hinkwako, hikuva Xikwembu a xi n'wi pfuna hi tindlela leto hlamarisa, xi n'wi tiyisa swinene.

2 TIKRONIKA 26:8

Hambi va ri Vaamoni a va n'wi humesela ndzuvo, kutani a tiveka swinene ku fikela ni le ndzilekaneni wa Egipta, hikuva a a ri ni matimba.

Luka 9:19

Va hlamula va ku: “Van'wana va ri, u Yohane Mukhuvuri. Van'wana va ri, hi we Eliya. Kambe van'wana va vula leswaku un'wana wa vaprofeta va khale ú pfukile eku feni.”

Vaheveru 2:4

Xikwembu na xona a xi ri karhi xi tiyisa vumbhoni bya kona hi ku endla swikombiso ni swihlamariso ni mahlori ya tinxaka-xaka, ni ku avela tinyiko ta Moya lowo Kwetsima hi ku rhandza ka xona.

Luka 7:17

Kutani mahungu lawa ya yena ma hangalaka hinkwako etikweni ra Vayuda ni le matikweni lama nga kusuhi na rona.