Marka 5:29 - BIBELE Mahungu Lamanene

²⁹ Kutani hi nomu lo ngati ya yena yi yima yi nga ha humi, a titwa emirini wa yena leswaku vuvabyi bya yena byi horile.

Testamente Leyimpsha Xichangana

²⁹ Kutani hi nomo-lo ngati ya yena yiyima yingahahumi, atitwa lesvaku kuvabza ka yena akuhanyisiwile.

Xitsonga (Bibele)

²⁹ Kutani hi nomu lowu, ngati ya yena yi siveka, a titwa emirini wa yena leswaku vuvabyi bya yena byi herile.

Marka 5:29 Referans Kwoze

Marka 5:34

Yesu a ku ka yena: “N'wananga, ku pfumela ka wena ku ku hanyisile, famba hi ku rhula, ntshunxeka enhlomulweni wa wena.”

Marka 3:10

Hinkwavo lava a va ri ni mavabyi a va kamanyetana ku ya eka yena leswaku va ta n'wi khumba, hikuva a a hanyisile lavo tala.

Pisalema 103:3

Hi xona xi ndzi rivalelaka swidyoho hinkwaswo, xi horisaka mavabyi ya mina hinkwawo.

Pisalema 30:2

We HOSI Xikwembu xanga, ndzi huwelerile eka wena, kutani u ndzi horisile emavabyini.

Pisalema 147:3

Xi horisa lava vavisekaka timbilu, xi bohelela timbanga ta vona.

Pisalema 107:20

Xi lo vulavula kunene kutani va hola, xi va ponisa eku feni.

Eksoda 15:26

Kutani xi ku ka vona: “Loko mi tinyiketa ku yingisa leswi mina HOSI Xikwembu xa n'wina ndzi mi byelaka swona, mi endla leswi swi ndzi tsakisaka, mi landza milawu ya mina ni ku hlayisa swileriso swa mina hinkwaswo, ndzi nga ka ndzi nga mi vangeli ni ntungu ni wun'we wo fana ni leyi ndzi yi vangeleke Vaegipta, hikuva hi mina HOSI Xikwembu, mutshunguri wa n'wina.”

1 TIHOSI 8:37

“Nkarhi wun'wana, tiko ri nga wela hi dyandza kumbe ntungu, swimila swi tshwa hi mumu, kumbe swi dyiwa hi mati, kumbe swi hlaseriwa hi tinjiya ni mbhindzula; nkarhi wun'wana, Vaisraele va ta rhendzeriwa hi valala emindzilekaneni ya tiko ra vona, kumbe va ta wela hi mintungu ni mavabyi ya tinxaka-xaka.

Levhitika 20:18

“Loko wanuna a ya etlela ni wansati loyi a nga masikwini ya yena ya n'hweti, ú fanele ku hlongoriwa swin'we ni wansati loyi, va susiwa exikarhi ka va ka vona, hikuva va ta va va humesele erivaleni xihlovo xa ngati ya wansati loyi.

Luka 7:21

Hi nkarhi wolowo Yesu a hanyisa lavo tala lava xanisiwaka hi mavabyi, ni lava karhatekaka, ni lava nga ni mimoya leyo biha, a hanyisa ni lavo tala lava feke mahlo.

Matewu 9:20

Kambe a ku ri ni wansati loyi a a vabya hi vuvabyi bya ngati, a vabyile malembe ya 12; a ta hi ku nyandlamela hi le ndzhaku ka Yesu, a khumba makumu ya nguvu ya yena;

Marka 5:28

“Loko ndzi nga khumba nguvu ya yena ntsena, ndzi ta hanyisiwa.”

Levhitika 14:48

“Kambe loko muprista a ta a ta kambela yindlu, kutani a kuma leswaku nkurhe a wu hangalakanga ni khumbi endzhaku ka loko ri phamiwile hi vuntshwa, ú fanele ku tivisa leswaku yindlu leyi se yi tengile; nkurhe wu ta va wu sukile.