Marka 4:26 - BIBELE Mahungu Lamanene

²⁶ Yesu a engeta a ku: “Mfumo wa Xikwembu wu fana ni munhu la byaleke mbewu emisaveni;

Testamente Leyimpsha Xichangana

²⁶ Yesu atlhela aku: “Mfumu wa Xikwembu wufana ni munhu lweyi ahaxeke mbewu misaveni;

Xitsonga (Bibele)

²⁶ A engeta a ku: “Ku fuma ka Xikwembu ku fana ni munhu la byaleke mbewu ensin'wini;

Marka 4:26 Referans Kwoze

Matewu 13:24

Yesu a va vekela xifaniso xin'wana, a ku: “Mfumo wa matilo wu fana ni munhu loyi a byaleke mbewu leyinene ensin'wini ya yena.

Luka 8:11

“Loko xi ri xifaniso lexi, xi vula leswi: Timbewu i Rito ra Xikwembu.

Luka 8:5

“Muhaxi ú hume ku ya haxa mbewu; loko a ri karhi a haxa, timbewu tin'wana ti wela endleleni, vanhu va ti kandziyela, kutani tinyanyana ti ta, ti ta ti dya hinkwato.

Yakobo 3:18

Kutani mihandzu ya hanyelo leri lulameke yi huma eka mbewu leyi nga byariwa hi ku rhula, hi vanhu lava tirhaka mintirho ya ku rhula.

Yohane 12:24

Ndzi tiyisisile ndzi ri ka n'wina: Loko ndzhoho ya vele yi nga weli emisaveni yi fa, yi to tshama yi ri tano; kambe loko yi fa, yi ta chela ngopfu.

Esaya 32:20

Mi katekile, hikuva mi ta rima mitanga eribuweni ra nambu wun'wana ni wun'wana; tihomu ta n'wina ni timbhongolo ta n'wina, mi to ti lathela kunene.

Eklesiasta 11:6

Haxa mbewu ka ha ra nimixo, ni loko ri rhengile u nga tshami hi mavoko, hikuva a wu tivi leyi nga ta mila. Ku nga mila leyi kumbe liya, kumbe yi mila hinkwayo.

Eklesiasta 11:4

La tshamelaka ku xiya timheho, a nge rimi, la kambaka mapapa ku tlula mpimo, a nge tshoveli.

Swivuriso 11:18

Munhu wo homboloka a nga holi swo nyawula, kasi loyi a seketelaka leswo lulama, a nga kanakani hi hakelo ya yena.

Luka 13:18

Yesu a engeta a ku: “Xana Mfumo wa Xikwembu wu fana na yini? Ndzi ta wu fanisa ni yini ke?

Matewu 13:33

A engeta a va byela xifaniso xin'wana, a ku: “Mfumo wa matilo wu fana ni comela lexi wansati a nga xi teka, a xi pfuva ni mimpimo minharhu ya mapa, swi ko swi kukumuka hinkwaswo.”

Matewu 13:31

A va vekela xifaniso xin'wana, a ku: “Mfumo wa matilo wu fana ni ndzhoho ya murhi wa sinapi leyi munhu a nga yi teka, a ya yi byala ensin'wini ya yena.

Matewu 13:11

A va hlamula, a ku: “Hileswaku n'wina, mi nyikiwile ku tiva swihundla swa Mfumo wa matilo, kambe vona a va nyikiwanga.

Matewu 13:3

Kutani a va byela timhaka leto tala hi swifaniso, a ku: “Yingisani! Muhaxi ú humile a ya eku haxeni.

Matewu 4:17

Ku sukela enkarhini wolowo Yesu a sungula ku twarisa Evhangeli, a ku: “Hundzukani, hikuva Mfumo wa matilo wu le kusuhi.”

Matewu 3:2

a ku: “Hundzukani, hikuva Mfumo wa matilo wu le kusuhi.”

Marka 4:25

La nga ni xa nchumu, ú ta nyikiwa ni swin'wana, kasi loyi a nga riki na nchumu, ú ta tekeriwa ni lexi a nga na xona.”

Marka 4:27

hambi a etlele, hambi a pfukile, vusiku ni nhlekanhi mbewu yi tlhava, yi kula, yena a nga tivi leswi yi kurisaka swona.