Marka 4:19 - BIBELE Mahungu Lamanene

¹⁹ kambe ku vilela hi swa misava leyi, ni ku kanganyisiwa hi rifuwo, ni ku navela swilo swin'wana ni swin'wana, swi nghena eka vona, swi kamanyeta Rito, kutani ri tsandzeka ku veka mihandzu.

Testamente Leyimpsha Xichangana

¹⁹ kambe kuvilela hi sva misava leyi, ni kukanganyisiwa hi rifuwo ni kunavela svilo svin'wana ni svin'wana, svinghena ka vona, svikamanyeta Rito, kutani ritsandzeka kuveka mihandzu.

Xitsonga (Bibele)

¹⁹ kambe ku vilela hi swa misava leyi, ni ku xisiwa hi rifuwo, ni ku navela ka swilo swin'wana, ku nghena eka vona ku tsondzela rito, kutani ri nyumba.

Marka 4:19 Referans Kwoze

1 Timotiya 6:17

Kambe loko va ri lava va nga ni rifuwo ra misava leyi, va byele leswaku va nga tikurisi, kumbe ku veka ku tshemba ka vona erifuweni leri nga tiyangiki, kambe va veka ku tshemba ka vona eka Xikwembu: Hi xona xi hi nyikaka hi ntalo swilo hinkwaswo leswaku hi tikorwisa ha swona.

Vafilipiya 4:6

Mi nga vileli ha nchumu; kambe etimhakeni hinkwato, khongelani, mi tivisa Xikwembu leswi mi swi pfumalaka, mi kombela mi ri karhi mi nkhensa;

Matewu 19:23

Kutani Yesu a ku ka vadyondzisiwa va yena: “Ndzi tiyisile ndzi ri ka n'wina: Swi ta nonon'hwa eka mufuwi ku nghena eMfun'weni wa matilo.

Yohane 15:2

Rhavi rin'wana ni rin'wana leri nge ka mina, leri nga vekiki mihandzu, wa ri susa; kambe rin'wana ni rin'wana leri vekaka, wa ri khutulela ri saseka, leswaku ri ta veka ku tlula ni khale.

Luka 21:34

“Tivoneleni leswaku timbilu ta n'wina ti nga tikeriwi hi makolo ni ku pyopyiwa, ni ku vilela hi swa vutomi lebyi, na swona tivoneleni leswaku siku rero ri nga mi tshuketi;

Luka 10:41

Kambe Hosi yi n'wi hlamula, yi ku: “Marta, Marta, u vilela ni ku tikarhata hi leswo tala;

Esaya 5:4

Xana a ka ha sele yini, eka leswi a ndzi fanele ku swi endlela nsimu ya mina xana? A ndzi languterile mihandzu leyo nandziha, kutani hikwalaho ka yini yi humesile leyo bava xana?

Esaya 5:2

A a yi rimile a entisa, a susa maribye, a byala swimila swo saseka ngopfu, a aka xihondzo xa varindzi, a kovotla ni khele ro pyanyela ka rona mihandzu; a a langutele ku kuma mihandzu leyo nandziha, kambe ku hume leyo bava.

2 Petro 1:8

Hikuva loko mi ri ni swilo leswi, ni loko swi mi talela swi andza, swi ta endla leswaku mi nga phyami kumbe ku pfumala mihandzu, kutani swi ta mi fikisa eku tiveni loku hetisekeke ka Hosi ya hina Yesu Kriste.

2 Timotiya 4:10

Hikuva Demasi, hi ku rhandza ngopfu swa misava leyi, ú ndzi balekerile a ya eTesalonika. Kreskene ú yile eGalatiya, na Tito ú yile eDalamatiya.

Eklesiasta 4:8

Munhu la tshamaka a ri yexe, la pfumalaka n'wana kumbe makwavo, a nga tshiki ku tirha a dzuka nyuku, hikuva a nga kolwi hi rifuwo ra yena. Ú rivala ku tivutisa, a ku: “Xana ndzi tikarhatela mani, ndzi titsonela yini leswo nandziha, xana?” Na swona sweswo, a swi pfuni nchumu, i ku tikarhatela mahala ntsena.

Yuda 1:12

Vanhu lava i swivati eminkhubyeni ya n'wina ya ntwanano, loko va ri karhi va cina va nwa ngopfu va nga ri na tingana, va tiphina. I mapapa lawa ya nga hava mpfula, lama yisiwaka hala ni hala hi ku hunga ka mimoya; i mirhi ya vuxika yo pfumala mihandzu, yo fa kambirhi hi ku tsuvuriwa;

Matewu 3:10

Nisweswi xihloka xi vekiwile etimitswini ta mirhi; murhi wun'wana ni wun'wana lowu nga vekiki mihandzu leyinene, wu ta tsemiwa wu hoxiwa endzilweni.

Swivuriso 23:5

rifuwo a ri hlweli ku nyamalala, ri hatla ri mila timpapa, ri haha ku fana ni gama, ri ya henhla.

Swivuriso 23:4

Tlhariha u tikhoma, u nga tidlaya-dlayi u hlongorisa rifuwo;

Matewu 13:22

Mbewu leyi haxiweke emitweni, swi fana ni loko munhu a twa Rito; kambe ku vilela hi swa misava ni ku kanganyisiwa hi rifuwo swi kamanyeta Rito, kutani ri tsandzeka ku veka mihandzu.

Marka 4:18

Timbewu leti haxiweke emitweni, hi lava va twaka Rito;

Varhoma 12:2

Mi nga landzi hanyelo ra nguva leyi, kambe mi pfumela ku hundzuka mi va vantshwa emiehleketweni ya n'wina, mi ta kota ku twisisa leswi ku rhandza lokunene ka Xikwembu, loku nkhensekaka ni ku hetiseka, ku nga swona.

Vaefesa 2:2

Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

Vaefesa 6:12

Hikuva a hi lwi ni vanhu va misava leyi, kambe hi lwa ni mimoya leyo biha leyi nge henhla emimpfhukeni: Hi lwa ni tindhuna, ni vafumi, ni tihosi leti fumaka ta nguva leyi ya munyama.